Namminersornerullutik Oqartussat nalunaarutaat nr. 26, 27.december 1988-imeersoq aalisarnermut, piniarnermut aallaaniarnermullu allagartanut tunngasoq.

Inatsisartut inatsisaanni nr. 11, 21. november 1984-imeersumi inuutissarsiutigalugu aalisarnermut tunngasumi, § 3, imm. 4 aamma Inatsisartut inatsisaanni nr. 12-imi 22. november 1984-imeersumi inuutissarsiutigalugu piniarnermut aallaaniarnermullu tunngasumi § 3, imm. 3 tunngavigalugit aalajangersarneqarpoq:

 

§ 1. Aalisarsinnaanermut allagartaq imaluunniit piniarsinnaanermut aallaaniarsinnaanermullu allagartaq 1986-imi, 1987-imi 1988-imiluunniit atorunnaarsimappat 1. juli 1991 tikitsinnaguluunniit atorunnaassappat, allagartap atortinneqarsinnaaffia - una nalunaarut tunngavigalugu - 1. juli 1991-imut sivitsorneqassaaq.

§ 2. Aalisarsinnaanermut allagartat aammalu piniarnermut aallaaniarnermullu allagartat 1986-imi imaluunniit 1988-imiluunniit atortussanngortinneqarsimasut kiisalu 1. juli 1991-iutinnagu atortussanngortinneqartussat 1. juli 1991-ip tungaannaanut atortuusinnaapput.

§ 3. Nalunaarut atulersinneqarpoq 1. januar 1989.
Imm. 2. Taanna ilutigalugu Namminersornerullutik Oqartussat nalunaarutaat nr. 13, 19. maj 1988-imeersoq aalisarsinnaanermut, piniarsinnaanermut aallaaniarnermullu allagartanut tunngasoq atorunnaarsinneqarpoq.

Nuuk, ulloq 27,december 1988

Kaj Egede

/

Jørn Graversen