Namminersornerullutik Oqartussat, Tasiilap kommuniani imigassanik aalakoornartulinnik nioqquteqarnermi sassaallertarnermilu killilersuutit immikkut ittut atorunnaarnissaannik, nalunaarutaat nr. 24, 21. december 1988-imeersoq.
§ 1. Inatsisartut inatsisaanni nr. 13-imi 29. oktober 1985-imeersumi, imigassanik aalakoornartulinnik nioqquteqarneq sassaallertarnerlu pillugit, § 23 imm. 1, tunngavigalugu makku aalajangersarneqarput:
§ 2. Namminersornerullutik Oqartussat nalunaarutaat nr. 23 novemberip 28-ani 1988-imeersoq, Tasiilap kommuniani imigassanik aalakoornartulinnik nioqquteqaqqusiunnaarnermut sassaalleeqqusiunnaarnermullu kiisalu killilersuutit allat atortiinnarneqarnerannut tunngasoq, matumuuna atorunnaarsinneqarpoq.
§ 3. Taamaalilluni Kalaallit Nunaanni imigassanik aalakoornartulinnik nioqquteqarnermi sassaallertarnermilu malittarisassat, Qaanaaq Illoqqortoormiullu ilanngunnagit, Tasiilap kommunianut aamma atuutilissapput, takukkit imigassanik aalakoornartulinnik nioqquteqarneq sassaallertarnerlu pillugit inatsit nr. 13 29. oktober 1985-imeersoq kiisalu Namminersornerullutik Oqartussat nalunaarutaat nr. 29 13. november 1985-imeersoq.
§ 4. Nalunaarut manna atulerpoq 22. december 1988 aallarnerfigalugu.
Namminersornerullutik Oqartussat, decemberip 21-ani 1988.
Moses Olsen/
Martha Labansen