Namminersornerullutik Oqartussat Tasiilap kommuniani imigassanik aalakoornartulinnik nioqquteqaqqusiunnaarneq sassaalleeqqusiunnaarnerlu pillugit nalunaarutaata nr. 21-p 11. november 1988-imeersup atorunnaarsinneqarnera killilersuutillu allat atortiinnarneqarnerat pillugu nalunaarutaat nr. 23, 28. november 1988-imeersoq.

 

§ 1. Inatsisartut inatsisaanni nr. 13-imi 29. oktober 1985-imeersumi, imigassanik aalakoornartulinnik nioqquteqarneq sassaallertarnerlu pillugit, § 23, imm. 1 tunngavigalugu makku aalajangersarneqarput:

§ 2. Tasiilap kommuniani imigassanik aalakoornartulinnik nioqquteqaqqusinnginneq sassaalleeqqusinnginnerlu, tak. Namminersornerullutik Oqartussat nalunaarutaat nr. 21, ulloq 11. november 1988-imeersoq matumuuna atorunnaarsinneqarpoq immiaaqqat viinnillu kisimik nioqqutaallutillu sassaalliutigineqarsinnaanngorlugit.

§ 3. Immiaaqqanik uani pineqarpoq immiaaqqat kimittussutsimikkut 4 vægtprocent tikillugu aalakoornartullit (ethanol) kiisalu viinnit 14 vægtprocent tikillugit aalakoornartullit (ethanol).

§ 4. Imigassanik kimittuunik allanik Tasiilap kommuniani nioqquteqarneq sassaallertarnerlu inerteqqutaavoq piffissamut aalajangersimanngitsumut.

§ 5. § 4-mi aalajangersakkamik unioqqutitsisoqartillugu akiliisitsisoqarsinnaavoq, tak. inatsisip § 24-a.

§ 6. Nalunaarut manna atulerpoq 29. november 1988 aallarnerfigalugu.

Namminersornerullutik Oqartussat, 28. november 1988.

Moses Olsen

/

Thorsten Højmose