Meeqqat inuusuttullu suliniaqatigiivinut init silamilu ingerlatsiviit pillugit Namminersornerullutik Oqartussat nalunaarutaat nr. 20, 27. september 1988-imeersoq.

Landstingip peqqussutaani nr. 7-imi 16. oktober 1979-imeersumi § 29 imm. siulianni aappaannilu kingusinnerusukkullu allannguutaasut naapertorlugit kommuneni meeqqat inuusuttullu suliniaqatigiivinut inissat silamilu ingerlatsivissat pillugit maleruagassat makku matumuuna aalajanersarneqarput.

 

§ 1. Kommunalbestyrelsep init silamilu ingerlatsiviit naleqquttut naammaattunik atortullit meeqqat inuusuttullu suliniaqatigiivinut akuerisaasunit atugassanngortissavai.

§ 2. Init silamilu ingerlatsiviit kommunep pigisai makku pisariaqartunik ineerartallit aamma qaammaqqutillit, kiassakkat, uffarfillit, eqqiaanermut atortullit, pequtillit, atuartitsinermut atortullit pisariaqarneratullu nakkutigineqartut, tamatumunnga ilanngullugu pedeleqartitat, atugassanngortinneqassapput:
1) Atuarfiit, init silamilu ingerlatsiviit allat.
Imm. 2. Init silamilu ingerlatsiviit imm. 1-imi eqqartorneqartut meeqqat inuusuttullu sunngiffimminni sammisassaqartitaanerinnaannut atugassanngortinneqassapput atornissaat init ingerlatsiviillu siunertarisaannut naapertuussinnaappat.

§ 3. Init silamilu ingerlatsiviit kommunep pigisaasa atorneqarnerinut atorput malittarisassaat kommunentit suliarineqartut.

§ 4. Init aserfallatsaaliornerannut, kiassarnerannut, qaammaqqutaannut, eqqiarnerannut, imermut, eqqagassanut allanullu akiligassanut § 2 imm. 1 naapertorlugu atugassanngortinneqartut akiliuteqartinneqassapput.

§ 5. Kommuneni meeqqat inuusuttullu suliniutileqatigiivinut meeqqat inuusuttullu sunngiffiini sammisassaqartinniarlugit sullissinerminnut atasumik kommunimiit allanilluunniit ininik silamilu ingerlatsivinnik pigisaqartunut imaluunniit attartugaqartunut kommune aningaasartuutaareersut 75%iat angullugu tapiissuteqartaassaaq.

§ 6. Tapiissutit meeqqanut inuusuttunullu suliniutivinnut tunniunneqartassapput. Nalliuttorsiornernulli, qitimmut taamaaqataannullu tapiissutinik tunisisoqarsinnaanngilaq.

§ 7. Illup nammineq pigisap nalinginnaasumik aserfallatsaaliorneranut, kiassarneranut, qaammaqqutaanut, eqqiarneranut, imermut, eqqagassanut allanullu akiligassat tapiiffigineqassapput.
Imm. 2. Kommunalbestyrelsep immikkut aalajangersaaneratigut atukkat erniaannut tapiisoqarsinnaavoq, akiligassanulli taarsersuutitut tapiissuteqartoqarsinnaanngilaq.

§ 8. Tapiiffigineqarnissamik qinnuteqaatit kommunalbestyrelsemut nassiunneqartassapput kommunalbestyrelsep tamatumani erseqqinnerusumik maleruagassiai naapertorlugit.

§ 9. Nalunaarut manna atortuulissaaq 15. september 1988. Ulloq taanna atorunnaarsinneqassaaq Kultureqarnermi atuartitsinermilu Pisortaqarfiup kaajallaasitaa nr. 32/80 23. oktober 1980-imeersoq.

Kulturimut atuartitsinermullu pisortaqarfik, Nuuk, ulloq 27. september 1988.

Jens Lyberth

/

Aqigssiaq Møller