Namminersornerullutik Oqartussat nalunaarutaat nr. 13, 19. maj 1988-imeersoq aalisarnermut, piniarnermut aallaaniarnermullu allagartanut tunngasoq.

Inatsisartut inatsisaanni nr. 11, 21. november 1984-imeersumi inuutissarsiutigalugu aalisarnermut tunngasumi, § 3, imm. 4 aamma Inatsisartut inatsisaanni nr. 12-imi 22. november 1984-imeersumi inuutissarsiutigalugu piniarnermut aallaaniarnermullu tunngasumi § 3, imm. 3 naapertorlugit aalajangersarneqarpoq:

 

§ 1. Aalisarsinnaanermut allagartaq imaluunniit piniarsinnaanermut aallaaniarsinnaanermullu allagartaq 1986-ip imaluunniit 1987-ip ingerlanerani atorunnaarsimappat imaluunniit 1. januar 1989 nallertinnagu atorsinnaajunnaarpat nalunaarut manna iluaqutigalugu atorsinnaaffia 1. januar 1989-ip tungaanut sivitsorneqassaaq.

§ 2. Aalisarsinnaanermut allagartat aamma piniarnermut aallaaniarnermullu allagartat 1986-imi imaluunniít 1987-imi tunniunneqartut imaluunniit 1. januar 1989 nallertinnagu tunniunneqarsimasut 1. januar 1989-ip tungaannaanut atorsinnaapput.

§ 3. Nalunaarut atulersinneqarpoq 1. juni 1988.
Imm. 2. Taanna ilutigalugu Namminersornerullutik Oqartussat nalunaarutaat nr. 20, 28. september 1987-imeersoq aalisarsinnaanermut, piniarsinnaanermut aallaaniarnermullu allagartanut tunngasoq atorunnaarsinneqarpoq.

Nuuk, ulloq 19. maj 1988

Moses Olsen

/

Einar Lemche