Meeqqat atuarfianni klasseni ukioqatigiikkuutaanut agguataakkani tiimit agguataarneqartut ikilileqqinneqartarneri pillugit Namminersornerullutik Oqartussat nalunaarutaat nr. 12 11. maj. 1988-imeersoq.

Meeqqat atuarfii pillugit landstingip peqqussutaani nr. 6-imi 1979-imeersumi kingusinnerusukkut allannguutilimmi § 18, imm. 6 naapertorlugu atuarfinni klasseni ukioqatigiikkuutaanut agguataakkani tiimit sap. akunneranut atuartitsiviusut ikinnerpaaffissaasa sanioqqunneqarsinrtaanerat pillugu matumuuna erseqqinnerusumik aalajangersaasoqarpoq.

 

§ 1. Aalajangersakkani pineqarput ukoqatigiikkuutaani atuartut ikippallaarneri pissutigalugit klassenik 18-init ikinnerusunik atuartoqartunik pilersitsisariaqartarnerit.

§ 2. Tamatuminnga pissuteqartumik ukiup atuarfiusup aallartinnerani klasseni atuartut 12-init amerlanerugaangata 18-inilli ikinnerullutik, taava 1.-9. klassetrinnini tiimit sap. akunneranut atuartitsiviusut ikinnerpaaffissaat imaalillugit ikilileqqinneqarsinnaapput.

Atuartut 16 - 17:
Klasse:	1	2	3	4	5	6	7	8	9
Tiimit ikileriaataat:	1	1	1	1	2	2	2	2	2

 

Atuartut 13 - 15:
Klasse:	1	2	3	4	5	6	7	8	9
Tiimit ikileriaataat:	2	2	2	3	3	3	3	3	3

Imm. 2. Tiimit ikinnerpaaffissaasa ikilileriaatissaasa suliarinerini fagini ataasiakkaani taamattullu tamakkiisumik periarfissat (tiimit agguaataarnerisa aammalu atuartitsinissanut pilersaarusiat imminnut attuumassuteqarnerat) tunngavigalugit perorsaanerup tungaatigut nalilersuisoqartassaaq.

§ 3. Kultureqarnermut atuartitaanermullu Pisortaqarfik tiimit ikilileqqinneqartut malillugit atuartitsinerup aaqqissuuneqarnissaa pillugu erseqqinnerusunik aalajangersagaliorsinnaavoq.

§ 4. Nalunaarut 1. august 1988 atortuulissaaq.

Nuuk, ulloq 11.05.1988.

Jens Lyberth

/

Aqigssiaq Møller