Namminersornerullutik Oqartussat tiimit agguataarnissaannut najoqqutassiat pillugit nalunaarutaat nr. 10, 11. maj. 1988-imeersoq.

Meeqqat atuarfii pillugit landstingip peqqussutaani nr. 6-imi 1979-imeersumi kingusinnerusukkut allannguutilimmi § 9 naapertorlugu matumuuna nassiunneqarput tiimit agguataarnissaannut najoqqutassiat, kinguliini taaneqartut tiiminut nalinginnaasumik atuartitsivissanut pilersaarutinik.

 

§ 1. Tiiminut nalinginnaasumik atuartitsivissanut pilersaarummi pineqarput fagit pinngitsoorani ilinniartariaqartut, fagit qinigassat aamma ukiumi atuarfiusumi 40-nik sap. akunneqartumi sap. akunneranut tiimit ameranerpaaffissaat ikinnerpaaffissaallu.

§ 2. Atuarfinnut, tak. meeqqat atuarfii pillugit landstingip peqqussutaani § 17, stk. 2, sap. akunnerinit 40-init ikinnerusuni atuartitsiffiusartunut ukiumi atuarfiusumi sap. akunnerini 39, 38, 37 aamma 36-ini atuartitsiffiusartunut tiiminut nalinginnaasumik atuartitsivissanut pilersaarusiaqarpoq, pilersaarusianilu nalunaarsimapput sap. akunneranut tiimit amerlanerpaaffissaat ikinnerpaaffissaallu.
Stk. 2. Piffissaq atuartut ullormut sivisunerpaamik atuartinneqarfissaat pillugu meeqqat atuarfii pillugit peqqussummi § 18, stk. 5-imi aalajangersakkat malinneqassapput.
Stk. 3. Ukiumut atuarfiusumut 40-nik sap. akunnilimmut faqinut qinigassanut pilersaarut malinneqassaaq.

§ 3. Atuartunut kalaallisut oqaasiliunngitsunut malinneqassapput meeqqat atuarfii pillugit landstingip peqqussutaani § 12, stk. 3 naapertorlugu aalajangersakkat.

§ 4. Atuarfinnut ukioqatigiikkuutaanut aggugaanngitsunut aamma atuarfinnut ukioqatigiikkuutaanut aggugaasunut, atuartut qassiuneri pissutigalugit klassemi 18 inorlugit atuartoqartariaqartunut, malinneqassapput meeqqat artuarfii pillugit landstingip peqqussutaani § 18, stk. 6 naapertorlugu aalajangersakkat.

§ 5. Nalunaarut una atulissaaq 1. august 1988 taarsissavaalu Kultureqarnermi atuartitsinermilu Pisortaqarfiup kaajallaasitai 5/80, 28/80 aamma 1/84.

Nuuk, ulloq 11.05.1988.

Jens Lyberth

/

Aqigssiaq Møller