Kalaallit Nunaanni umimmaat eqqissisimatitaanerat pillugu Namminersornerullutik Oqartussat nalunaarutaat nr . 8, 5. maj 1988-imeersoq.
Kalaallit Nunaanni pinngortitamik allanngutsaaliuineq pillugu Inatsisartut inatsisaanni nr . 11-mi 12. november 1980-imeersumi § 2, imm. 1 naapertorlugu makku aalajangersarneqarput :
Piffissat piniarsinnaatitaaffiit aamma sumiiffiit eqqissisimatitsiviit.
§ 1. Umimmaat (Ovibos Moschatus) Illoqqortoormiit kommuneanni piffissani 21. decemberimit 19. augustusimut kiisalu 21. septemberimit 19. novemberimut eqqissisimat11aapput .
Imm. 2. Umimmaat Kitaani piffissami 26. septemberimit 31. julimut eqqissisimatitaapput.
Imm. 3. Umimmaat Ivittuut kommuneani ukiup 1999-ip naanerata tungaanut eqqissisimatitaalluinnarput.
Imm. 4. Umimmaat Avanersuup kommuneani ukiup 1999-ip naanerata tungaanut eqqissisimatitaalluinnarput.
Imm. 5. Umimmaat Kalaallit Nunaata Avannaarsuani Tunumilu Nunami uumasui ilanngullugit eqqissisimatitami eqqissisimatitaalluinnarput.
Imm. 6. Kangerlussuarmi sakkutooqarfiup nunataani kiisalu Kitaani kommunet tuttoqarfiutitaanni (nunap assinga ilanngussaq takuuk) umimmanniarneq inerteqqutaavoq.
Imm. 7. Piffissami eqqissisimatitsiffiusumi ulloq aallartiffik naaffillu ilanngullugit naatsorsuutigineqassapput .
Pisassat amerlassusiisa aalajanqersartarneri ukioqqortussusiinullu agguataartarneri .
§ 2. Naalakkersuisut ukiut tamaasa Ittoqqortoormiit kommuneanni Angujaartorfiullu Nunaanni umimmattarineqarsinnaasut amerlassusissaat (kvota) taakkunani kommunalbestyrelset suleqatigaluqit aalajanqertassavaat.
Imm. 2. Amerlassusiliunneqartut (kvota) taakku killilerneqarsinnaapput angutivissat arnavissallu aammalu aalajangersimasumik qanoq utoqqaassuseqartut pisarineqartussatut aalajangerlugit.
Imm. 3. Ukiumut pisassaritinneqartut amerlassusii (kvota) taakkununngalu atatillugu piumasarisat nuna tamakkerluqu tusagassiorfitsigut kiisalu radiokkut nalunaarutigineqassapput kingusinnerpaamik piniagaalernissaat sapaatit akunnerinik arfinilinnik sioqqullugu.
Inuit piniarsinnaatitaasut.
§ 3. Inuit Kalaallit Nunaanni najugaqavissut piniarnermik aallaaniarnermillu inuutissarsiuteqavissutut uppernarsaammik allagartallit kisimik umimmanniarsinnaatit aapput.
Piniariaatsit.
§ 4. Umimmanniarnermi taamaallaat qoorortooq kisimi atoqqusaavoq. Kaliberi atoqqusaasoq minnerpaaq 6,5 mm-iuvoq. Aqerlut aqitsumik nuullit atorneqassapput . Qoorortuut eqqarasuartaatit aamma eqittaannarissat atoqqusaanngillat.
Imm. 2. Kitaani umimmanniarnermi qimmilisarnissaq inerteqqutaavoq.
Imm. 3. Timmisartut, helikopterit kiisalu qamutit motorillit suulluunniit umimmanniarnermi imaluunniit piniarfissamukarnermut utimulluunniit atoqqusaanngillat.
Imm. 4. Uumasut pisarineqassanngillat neqaat sumiiffimmi nungullugit atugassat imaluunniit angerlaassassat sinnerlugit.
Uumasunik nujuartanik ilisimatuut misissuinerminni atortussaat.
§ 5. Piniartoq kinaluunniit umimmammik pisaqartoq pisussaavoq allerui angerlaatissallugit kommunemullu tunniullugit, ullormi sumi sumilu pisarinera, arnaviaanera angutiviaaneralu ilanngullugit nalunaarutigalugit.
Imm. 2. Umimmanniarsinnaatitaafflup qaangiunnerani kommunep alleqqut tunniunneqartut Namminersornerullutik Oqartussanut nassiutissavai.
Nalunaaqutsersuutit ataasiaannarluqit atugassiat.
§ 6. Inuit § 2, imm. 1 aamma § 3 naapertorlugit Angujaartorfiup Nunaani umimmanniarnissamut akuerineqarsimasut kommunemit nalunaaqutsersuutinik marlunnik ataasiaannarlugit atugassianik normulikkanik tunineqassapput umimmaat pisarineqartut kingusinnerusukkut uppernarsineqarnissaannut atugassanik.
Imm. 2. Umimmaap pisarineqarnerata kinguninngua nalunaaqutassat katajaatsumik takulertorneqarsinnaasumillu quttoraanut ikkunneqassapput.
Imm. 3. Nalunaaqutsiussat piniariareerluni uternermi sapinngisamik sivisuumik umimmaap quttoraani atatinneqassaapput.
Imm. 4. Nalunaaqutsiussassat tunniunneqarsimasut atunngisat piffissaq umimmanniarsinnaatitaaffik naaniariarpat piaartumik kommunemut utertinneqassapput.
Annissisarneq uumati1lugit tigusisarneq aamma umimmaliisarneq.
§ 7. Umimmaat uumasut kiisalu umimmaat amii imaluunniit niaquisa saarngi aatsaat anninneqarsinnaapput Kalaallit Nunaanni Namminersornerullutik Oqartussat akuersissuteqarnerisigut.
§ 8. Kalaallit Nunaanni Namminersornerullutik Oqartussat akuersiseqqaarsimatinnagit umimmaat ilisimajunnaarsinnissaat uumatillugillu tiguniarnissaat aammalu ungalusaniitinnissaat inerteqqutaapput.
Imm. 2. Umimmannik uumasunik nujuartanik allamut nuussineq aammattaaq Kalaallit Nunaanni Namminersornerullutik oqartussat akuersiseqqaarlugit aatsaat pisinnaavoq.§ 9. Umimmaat unioqqutitsinikkut pisarineqartut neqaannik amiinillu kiisalu umimmaap ilaanik allamik sumilluunniit pisineq imaluunniit pissarsineq inerteqqutaapput.
Pineqaatissiisarnerit .
§ 10. Alajangersakkanik siuliini taaneqartunik unioqqutitsineq akiliisitsissutaasinnaavoq , aammalu umimmaat unioqqutitsinikkut pisarineqartut pissarsiarineqartulluunniit neqaat, amii, niaquisa saarngi kiisalu umimmaat ilaat suulluunniit arsaarinnissutaassallutik.
Imm. 2. § 4-mi aalajangersakkanik unioqqutitsinermi sakkut angallatillu unioqqutitsinermi atorneqartut arsaarinnissutaasinnaapput.
Imm. 3. Arsaarinnissutit Kalaallit Nunaanni Namminersornerullutik Oqartussanut nakkartassapput.
Imm. 4. §§-it 1, 3, 4, 7 aamma 8 unioqqutinneqarnerini piniartut ataasiakkaat kisimik akisussaatinneqassanngillat, aammali angallammik piginnittoq, qamutinik imaluunniit allanik piniarnermut atorneqarsimasunik piginnittoq piniarnermut peqataasimaguni, imaluunniit piniarnermut atortut taaneqartut unioqqutitsilluni piniarnermut atorneqartussaanerinik ilisimannissimasoq akisussaaqataatinneqassaaq.
Immikkut akuersisoqarneratigut aalajangersakkanik sanioqqussisinnaaneq.
§ 11. Siunertanut ilisimatuussutsikkut misissuinernut allanullu tunngasunut Naalakkersuisut nalunaarummi aalajangersakkat immikkut ittumik sanioqqunnissaannut aalajangiisinnaapput.
§ 12. Nalunaarut erniinnaq atortuulerpoq. Peqatigitillugu Kalaallit Nunaanni umimmaat eqqissisimatinneqarnissaannik nalunaarut 11. juni 1958-imeersoq kingusinnerusukkut allannguuteqartarsimasoq kiisalu nalunaarummi junip 23-annit 1958-imeersumi Scoresbysundip Ammassallullu pigisaanni piniarnerup aallaaniarnerullu killilersugaanissaannik nalunaarutaasumi kingusinnerusukkut allannguuteqartarsimasumi § 1 atorunnaarsinneqarput.
Kalaallit Nunaanni Namminersornerullutik Oqartussat, 5. maj 1988.
Aqqaluk Lynge
/
Dorthe Johannsen
Nassuiaatit (pdf-format)