Kalaallit Nunaanni timmissanik eqqissisimatitsineq pillugu Namminersornerullutik Oqartussat nalunaarutaat nr. 6, 5. maj 1988-imeersoq.

Kalaallit Nunaanni pinngortitamik allanngutsaaliuineq pillugu Inatsisartut inatsisaanni nr. 11-mi 12. november 1980-imeersumi § 2, imm. 1 naapertorlugu makku aalajangersarneqarput:

 

Timmissat piniarneqarsinnaasut - Piffissat eqqissisimatitsiviit.

§ 1. Timmissat makku piniarneqarsinnaapput, kisianni piffissat eqqissisimatitsiviit ataani nalunaarsorneqartut avataanni: (*-mik nalunaaqutsikkanut piffissat immikkut taaneqartut nunat immikkoortuisa ilaanni eqqissisimatitsinermut atuupput, takuuk § 2).

Tuullik (Gavia immer) 1. juni - 15. august.
Qarsaaq (Gavia stellata) 1. juni - 15. august.
Qaqulluk (Fulmarus glacialis) 1. juni - 15. august.
Oqaatsoq (Phalacrocorax carbo) 1. april - 30. september.
Nerleq (Anser albifrons) 1. maj - 15. august.
Nerleq siggukitsoq (Anser brachyrhynchus) 1. maj - 15. august.*
Nerlernarnaq (Branta leucopsis) 1. maj-15. august.*
Qeerlutooq (Anas platyrhynchos) 1. juni-15. august.
Alleq (Clangula hyemalis) 1. juni-15. august.
Miteq siorartooq (Somateria mollissima) 1. juni-30. september.*
Miteq qingalik, sioraki (Somateria spectabilis) 1. juni-15. august.
Paaq (Mergus serrator) 1. juni-15.august.
Aqisseq (Lagopus mutus) 1. juni-15. august.
Isunngaq (Stercorarius parasiticus) 1. juni-15. august.
Isunngarsuaq (Stercorarius pomannus) 1. juni-15. august.
Papikkaaq (Stercorarius longicaudus) 1. juni-15. august.
Naajarluk (Larus marinus) 1. juni-15. august.
Naajarujussuaq (Larus hyperboreus) 1. juni- 15. august.*
Naajaannaq (Larus glaucoides) 1. juni-15.august.
Taateraaq (Rissa tridactyla) 1. juni-15. august.
Appaliarsuk (Alle alle) 1. juli-15. august.*
Appa (Uria lomvia) 15. marts-15. oktober.*
Appa sigguttooq (Uria aalge) 15. marts-15. oktober.*
Serfaq (Cepphus grylle) 1. juni-15. august.
Tulugaq (Corvus corax) 1. april-30. juni.*

Imm. 2. Timmissat allat tamarmik eqqissisimatitaalluinnarput. Timmissat eqqissisimatitaalluinnartut Kalaallit Nunaannit aallarunneqarnissaat inerteqqutaavoq, ilanngullugulu asiunaveersaganngorlugit Kalaallit Nunaannut utertinneqarnissaat siunertaralugu Kalaallit Nunaannit nassiunneqarnissaat inerteqqutaalluni. iaamatut inerteqquteqarnermi ilaapputtaaq timmissat uumasut toqungasulluunniit, qerititat, panertitat allatulluunniit asiunaveersakkat ilanngullugit, aammalu timmissat kivikkat kiisalu amii siaarlugit panertitat, niaquisa saarni manniiilu.
Imm. 3. Timmissat eqqissisimatitaalluinnartut toqungasut nassaat politiinut tunniunneqartussaapput.

 

Piffissat immikkut eqqissisimatitsiviit.

§ 2. Piffissat nalinginnaasumik eqqissisimatitsiviit § 1, imm. 1-imi taaneqartut saniatigut aalajangersakkat immikkut ittut makku atuupput:
a) Illoqqortoormiut kommuneani Nerlerit siggukitsut aamma Nerlernat piniaqqusaanngillat 1. juni- 31. august, taamaattorli sikup sinaavaniit julip aallaqqaataata tungaanut piniarneqarsinnaallutik.
b) Kangaatsiap kommuneata avannaani mitit eqqissisitaapput piffissami 1. juni - 15. august.
c) Kangaatsiap kommuneata avannaani Nunatta Kitaani appat eqqissisitaapput piffissami 1. juni - 31. august.
d) Avanersuup Illoqqortoormiullu kommuniini naajat, appaliarsuit, appat tulukkallu ukioq kaajallallugu piniarneqarsinnaapput.
Imm. 2. Qeerlutuut nerlerillu isat, mitit siorartuut, mitit qingallit siorakit, allerit aammalu nerlerit, nerlerit siggukitsut kiisalu nerlernarnat isat ataatsi mut ungoornissaat inerteqqutaavoq.

 

Timmissat ineqarfii.

§ 3. Sumiiffiit suulluunniit timmissat imarmiut aappa riikkuutaat ikinnerpaamik qulit piaqqiorfigisaat timmissat ineqarfiisut isigineqassapput.
Imm. 2. Timmissat ineqarfiiniitillugit eqqarneq allatulluunniit pisorpalutsitsineq inerteqqutaavoq, taamaattorli Avanersuup aamma Illoqqortoormiut kommuniini julip aallaqqaataaniit, timmissat ineqarfiannit unqasissutsip matuma iluani:
a) 5 km, innaq timmissat ineqarfiat timmissanit ukunannga inigineqarpat: appat, apparluit, serfat, appaliarsuit, taateraat, qaqulluit, imaluunniit oqaatsut.
b) 200 m, timmissat ineqarfiat qeqertaasimappat mikisoq pukkitsukujooq miternit siorartuunit, miternit siorakinit, serfanit, imeqqutaallanit imaluunniit naajanit allanit taateraajunngitsunit inigineqartoq.

 

Mannissarneq il.il.

§ 4. Mannissarneq inerteqqutaavoq.
Imm. 2. Kisianni 1. julip tungaanut makku mannii mannissarneqarsinnaatitaapput: Qaqulluit, imeqqutaallat, isunngat, naajarluit, naajaannaat, naajarujussuit, taaterat, serfat kiisalu appaliarsuit. Avanersuup Ittoqqortoormiillu kommuniini 25. junip tungaanut mitit siorartuut mannii mannissarneqarsinnaatitaapput kiisalu naajarujussuup tulukkallu mannii ukioq naallugu mannissarneqarsinnaallutik.
Imm. 3. Manniit imm. 2-mi aalajangersakkat malillugit mannissaat nammineq atorneqassapput, inuutissarsiutigalugulu tuniniarneqassanatik allatulluunniit iluanaarniutigineqassanatik.

§ 5. Timmissat suulluunniit piaraasa timmisinnaalersimanngitsut ullunit taakkuluunniit eqqaannit peernissaat inerteqqutaavoq, aammalu piaqqat uumasuutigeqqusaanatik. Taamaattorli Avanersuup Ittoqqortoormiillu kommuniini appaliarsuit piaraat timmisinnaanngitsut piniarneqarsinnaatitaapput.

 

Inuutissarsiutigalugu aallaaniarneq.

§ 6. Appat serfallu taamaallaat piniartunit saniatigooralugulu piniartartunit piniarneqarsinnaapput. Appat pisarineqartut inuutissarsiornermi nioqqutissiarineqassanngillat, inuutissarsiornermi tunisassiaassanatik tunisassiassatullu qerititassiarineqassanatik taamaallaalli kommuneni inuit taakku najuqarfiini "Kalaalimineerniarfinni" kisimi tuniniagaasinnaallutik.
Imm. 2. Naalakkersuisut kommunet qinnuteqarnerisigut killilimmik nunaqarfiit isorliunerusullu tunisassiorfiini tunisassiorneq akuerisinnaavaat erseqqissumik tunngavilersukkamik.
Imm. 3. Inuit sunngifimminni imaluunniit aliikkutaralugu aallaniartartuusut timmissanik imm. 1-imi taaneqartunik piniaqqusaanngillat. Aamma taamaallaat namminneq ilaqutariinni atugassaannarminnik pisaqaqqusaapput, pisaminnillu inuutissarsiutigalugu tuniniaaqqusaanatik allatulluunniit iluanaarniuteqaqqusaanatik.

§ 7. timmissat pisarineqartut inuussutissatut atorneqassapput, Inatsisartunit allamut atuinissamut akuersissummik tunniussisoqarsimanngippat. Taamatuttaaq timmissat pisarineqartut taakkuluunniit ilaat Inatsisartut akuersiteqqaarnagit inuutissarsiornermi avammut tuniniaqqussaanngillat.

 

Angallatit.

§ 8. Angallatit sukkasuuliat (piniarnermut atatillugu) angallatigineqarnissaat ajornartinneqanngilaq. Taamaattorli timmissat timmisut malersornissaat, timmisullu aallaanissaat imaluunniit angallatip sukkasuujunera pissutigalugu ajornannginnerusumik angullugit pisarinissaat inertegqutaavoq.
Imm. 2. Immikkut pissutissaqartillugu kommunet ileqqoreqqusaliornerisigut aalajangersarneqarsinnaavoq snescooterit piniariarfimmut utimullu atorneqarsinnaassasut.

 

Piniutit.

§ 10. Timmiarsiutit (kaliber 12 tikillugu), qoorortuuaqqat (kaliber 22) kiisalu qoorortuut nalinginnaasut piniarnermi sakkutut atoqqusaapput. Qoorortuut eqqarasuartaatit qoorortuullu eqittaannartakkat kiisalu timmiarsiutit eqittaannartakkat atornissaat inerteqqutaavoq. Timmiarsiutit singissaartullit ("Pump guns") marluinnarnik patroneqarsinnaanngorlugit aaqqinneqarsimagunik atorneqarsinnaatitaapput.
Imm. 2. Pisissit qarsullu aammalu nuffit atorneqarsinnaatitaapput.
Imm. 3. Nigartuutit, pullatit (kiisartut, nippuffissiat, pullatit karsit il.il.), aallaasit namminneq igittussiat, timmissat uumasut ussassaarutit kiisalu toqunartut ilisimajunnaarsitsissutilluunniit atornissaat inerteqqutaavoq.
Imm. 4. Qassutit suulluunniit (aalisakkanut qassutit,  qassutit silaannarmi nigarsiniutit, immap iluani pullaviliat il.il.) immap iluani silaannarmiluunniit timmiarniutitut ikkunneqassanngillat atorneqassanatillu. Taamaattorli Avanersuup Ittoqqortoormiillu kommuniini appaliarsunniarnermi qalut ipullit qassutaasallit atoqqusaapput.

 

Sumiiffiit eqqissisimatitsiviit.

§ 11. Piffissami 1. juni-31. august sumiiffinni ukunani taakkunanngalu 500 meterisut ungasitsigisumi nunamut
niunissaq allatullu angallannissaq inerteqqutaavoq:
1) Lion Øer Qeqertat kujataaniittut (Avanersuup kommunea),
2) Kuup apparsuit (Kap Schackleton, Upernaviup kommunea),
3) Toqqusaq, (Upernaviup kommunea),
4) Kingittuarsuk (Upernaviup kommunea),
5) Apparsuit, Sandersons Hope, (Upernaviup kommunea),
6) Salleq (Uummannap kommunea),
7) Assissut (ikkarluit Imerissut eqqaanniittut, (Qeqertarsuup kommuuniani),
8) Nunatsiaq (Kitsissuarsuit eqqaaniittoq, Aasiaat kommuunianni),
9) Saattuarsuit (Kitsissuarsuit eqqaani Qeqertaq (Aasiaat Kommuneanni),
10) Naternap tunuani kangerluup affarlia Tasiusarsuaq Nordenskiolds Bræp iluaniittoq (Kangaatsiap Qasigiannguillu Kommuuniini),
11) Appat (Ritenbænk, Ilulissat kommuneat) kiisalu
12) Kitsissut avalliit (Qaqortup kommunea). Upernaviup eqqaani Apparsuit silarluttumi aqqutigineqarsinnaavoq.

 

Miternut ivaffialiat.

§ 12. Miternut ivaffiliat mitit nalinginnaasut piaqqiorfiisa paarineqarnissaat siunertaralugu sumiiffinni toqqakkani akuerineqarsinnaapput.
Imm. 2. Angallannermut, piniarnermut, mannissarnermut il.il. malittarisassat kiisalu ivaffilianik atuinissamut akuerisaasut pisinnaatitaaffii pisussaaffiilu allat kommunep ileqqoreqqusaatigut aalajangersarneqarsimassapput.

 

Eqqussineq timmialiinerlu.

§ 13. Timmissanik nujuartanik uumasunik Kalaallit Nunaanni nalinginnaasumik timmiaariinngitsunik Inatsisartut immikkut akuerseqqaarsimatinnagit eqqussinissaq timmialiinissarlu inerteqqutaavoq.

 

Immikkut akuersissuteqartarneq.

§ 14. Nalunaarummi matumani aalajangersakkanit immikkut akuersissuteqarneq Kalaallit Nunaanni Inatsisartunit nalunaarutigineqarsinnaavoq Inatsisartut eqqissisimatitsinermut ataatsimiititaliaannut saqqummiussereernikkut. Timmissat Washington-imi isumaqatigiissummi (C.I.T.E.S.) ilaasut pillugit immikkkut akuersissuteqartarneq Naalakkersuisunit nalunaarutigineqartassaaq.
Imm. 2. Kisianni nalunaarummi § 10, imm. 3-mi 4-milu inerteqqutinit immikkut akuersissuteqarneq Naalakkersuisunit nalunaarutigineqarsinnaavoq suliffeqarfiup taamaaliornissamut akuerisaasup taassumaluunniit sinniisaata nalunaaqutsersuineranut atatillugu.

 

Ileqqoreqqusamik atortuulersitsineq.

§ 15. Kommunep ileqqoreqqusai nalunaarut manna tunngavigalugu akuersissutigineqartut atortuulinnginnerminni Naalakkersuisunit atortussanngortinneqaqqaartassapput.

 

Akiliisitsineq arsaarinninnerlu.

§ 16. Nulanaarummi matumani aalajangersakkanik unioqqutitsinerit akiliisitsissutaallutillu pisaqarsimagaan ni pisanik arsaarinnissutaasinnaapput. Akiliisitsissutit naalagaaffiup karsianut nakkartussaapput, arsaarinnissutillu landskassemut nakkartussaallutik.
Imm. 2. Arlaleriarluni unioqqutitsisoqartillugu piniutit arsaarinnissutigineqarsinnaapput.
Imm. 3. Kalaallit Nunaanni Naalakkersuisut aalajangertassavaat pisat arsaarinnissutit kiisalu timmissat toqungasut nassaat § 1, imm. 3-mi taaneqartut sumut atorneqassanersut.

 

Atortuulersitsineq.

§ 17. Nalunaarut ingerlannarluni atortuulerpoq, peqataanillu makku atorunnaarsinneqarput:
1) Kalaallit Nunaata Kitaani timmissanik aallaaniarneq pillugu Namminersornerullutik Oqartussat nalunaarutaat nr. 11, 19.
marts 1985-imeersoq,
2) Kalaallit Nunaata Avannaarsuani iunumilu timmissat assigiinngitsut anninneqarnissaata inerteqqutaanera pillugu nalunaarut 8. februar 1978-imeersoq (kingusinnerusikkut allannguuteqartarsimasoq),
3) Timmissat assigiinngitsut il.il. eqqissisimatitaanerat pillugu landsrådip ileqqoreqqusaa 30. december 1960-imeersoq,
4) Scoresbysundip Ammassallullu distriktiini piniarnerup aallaaniarnerullu killilersugaanerat pillugu nalunaarut 23. juni 1958-imeersoq (kingusinnerusukkut allannguuteqartarsimasoq),
5) iimmissat piaqqiorfimminniittut eqqissisimatitaanerat pillugu landsrådip ileqqoreqqusaa 12. maj 1958-imeersoq,
6) Kalaallit Nunaata Kitaani qussuit eqqissisimatitaanerat pillugu nalunaarut 13. april 1957-imeersoq,
7) Kissaviarsuit Kalaallit Nunaannit anninneqarnissaata inerteqqutaanera pillugu nalunaarut 17. november 1956-imeersoq,
8) Miternut ivaffiliat pillugit landsrâdip ileqqoreqqusaa 21. juni 1954-imeersoq,
9) Tulukkat isigaasa tunisaanerat pillugu nalunaarut 21. september 1943-imeersoq,
10) Ilulissat kommuneani timmissat ineqarfii pillugit ileqqoreqqusaq 15. august 1985-imeersoq,
11) Kalaallît Nunaata Avannaani nerlerit mitillu eqqissisimatinneqarnerat pillugu Avanersuup kommuneanut ileqqoreqqusaq 4. september 1981-imeersoq,
12) Aallaaniarneq piniarnerlu pillugit Ittoqqortoormiit kommuneanut ileqqoreqqusap allannquutaa pilluqu ileqqoreqqusaq 20. juli
1970-imeersoq,
13) Qeqertat kujataanni qeqertami timmissat eqqissisimatitaanerat pilluqu Avanersuup kommuneanut ileqqoreqqusaq 6. februar 1975-imeersoq,
14) Timmissat ineqarfiisa eqqaani timmissanik aallaaniartoqannginnissaa pillugu Qasigiannguit kommuneannut ileqqoreqqusaq 27. april 1972-imeersoq,
15) Uummannap kommuneani aallaaniarneq piniarnerlu pillugit ileqqoreqqusaq 17. februar 1969-imeersoq.




Kalaallit Nunaanni Namminersorneruulutik Oqartussat Nuuk, 5.maj 1988.




Aqqaluk Lynge

/

Dorthe Johannsen