Namminersornerullutik Oqartussat nalunaarutat nr. 1, 19. januar 1988-imeersoq najukkami inuussutissarsiornermut ilinniartitsirtermut ataatsimiititaaliaqarneq pillugu.
Inatsisartut peqqussutaat nr. 2, 16. november 1984-imeersoq Kalaallit Nunaanni inuussutissarsiutinutilinniartitsineq, ilinniarnermi tapiiffigineqartarneq inuussutissarsiutinullu ilitsersuisarnermut tunngasoq naapertorlugu najukkani inuussutissarsiutinut ilinniartitsinermut ataatsimiititaliaqarnermut ataatsimut aalajangersakkat makkua aalajangersarneqarput.
Kapitali 1.
Suliassat.§ 1. Suliffissaqartitsinikkut ilinniartitsinermillu pilersaarusiornerup ataqatigiissinneqarnissaat qulakkeerniarlugu najukkani inuussutissarsiutinik ilinniartitsivimmi inuussutissarsiornermut ilinniartitsinermut ataatsimiititaliamik pilersitsisoqassaaq. Pingaarnertut tunngaviusumik inuussutissarsiutinut ilinniartitsinermi STI sanguniagaasut maleruagassiaasullu siartigalugit najukkami inuussutissarsiornermut ilinniartitsinermut ataatsimiititaliaq makkuninnga pingaarnertut suliassaqarpoq:
1) sungiusarfissanik pissarsiornermi suleqataanissaq,
2) sungiusarfissat ilinniarnerup immikkoortuani siullermi akuersissutigisassalugit, taamaattorli brancheudvalgi naaggaarsinnaatitaavoq,
3) brancheudvalginut inassuteqaateqarnissaq ilinniarnerup immikkoortuata aappaani sungiusarfissat akuersissutigeqqullugit,
4) suleqataaffigissallugu atorfissaqartinneqartut pisariaqavissut pissarsiarineqarnissat, tamatumani ilanngullugit init ilinniartullu najugaqarfissaat,
5) Ilinniartitaanermut Naalakkersuisumut, ukiut atuarfiusut tamaasa tiguneqarsinnaasussat ilinniarnerup immikkoortuanut siullermut, ilinniartut qassiunissaat inassutigissallugu,
6) najukkami inuussutissarsiutinut atuarfimmi ilinniartussanik inuussutissarsiutinut ilinniartitsinernti pisortaasup inassuteqaateqarneratigut ilinniartitsinerup annertussusissaanik pilersaarusiat naapertorlugit tigusisassalluni,
7) sulianik aalajangersimasunik ilinniarfinnut inassuteqaatigissallugit ilinniartut sorliit ilinniarnerup immikkoortuata aappaani tiguneqarnissaminnut piukkunnaateqarnersut,
8) qulakkiissallugit najukkami inuussutissarsiutitigut ilinniartitsinerup pilersaarusiorneqarlunilu aaqqissuunneqarnissaa,
9) qulakkiissallugu ilinniartitsinerup ilikkarsimasassatigut, tunngaviusumik inuussutissarsiornermut ilinniartitsineq pillugu STI nalunaarummi tunngavissaatitaasut naapertorlugit, isumannaatsuunissaa, kiisalu
10) sungiusarfinni ilinniartitsineq nakkutigissallugu.§ 2. Najukkami inuussutissarsiutinut ilinniartitsinerntut ataatsimiititaliap paasissutissittassavai suliffissaqartitsiniarnerntut ataatsintiititaliaq, ilitsersuussinermut ataatsimiititaliaq kommunillu ataatsintiititaliai allat kiisalu kikkulluunniit tunngaviusumik inuussutissarsiutitigut ilinniartitsinerit - STI - pillugit.
§ 3. Najukkami inuussutissarsiutitigut ilinniartitsinermut ataatsintiititaliap suliarisassavai suliat ilinniartunut tunngasut, tamatumani ilanngullugit ilinniartunik soraarsitsisarnerit najukkami inuussutissarsiutinut ilinniartitsinermi pisortap inassuteqaateqarneratigut.
§ 4. Ilaasortat soqutigisaqaqatigiiffiit toqqagaat ataatsimiinnersiaqartinneqartassapput malittareqqusat naapertorlugit.
Imm. 2. Ilaasortaq komntunalbestyrelsip toqqagaa ataatsimiinnersiaqartinneqassappat kommunimit akilerneqassapput.
Imm. 3. Namminersornerullutik Oqartussani kommunimilu atorfillit, atorfitsik naapertorlugu ataatsimiititaliamut toqqarneqarsimasut kissalu ilinniartut siunnersuisuisa sinniisuat ataatsimiinnersiaqartinneqassanngillat.
Kapitali 2.
Katitigaanera.§ 5. Najukkami inuussutissarsiornermut ilinniartitsinermut ataatsimiititaliaq pilersinneqassaaq Illinniartitaanermut Naalakkersuisumit ukuninngalu ilaasortaqarluni:
1) kommunalbestyrelsip sinniisua ataaseq,
2) Sulinermik Inuutissarsiutillit Peqatigiiffiata, SIP-p, sinniisua ataaseq,
3) STI-mi ilinniartut siunnersuisoqatigiivisa sinniisuat ataaseq,
4) namminersorlutik sulisitsisut peqatigiiffisa ataatsimoorlutik sinniisutut toqqagaat ataaseq,
5) pisortaqarfittut sulisitsisut ataatsimoorlutik sinniisumittut toqqagaat ataaseq,
6) suliffissarsiuussinermut siunnersorti,
7) inuussutissarsiornermut siunnersorti, kiisalu
8) Kulturimut atuarfeqarnermullu allaffiup sinniisua ataaseq.
9) aalisartut, piniartullu peqatigiiffiata, sinniisua ataaseq.
Imm. 2. Imm. 1, nr. 6-mi ilaasortaq taaneqartoq suliffissarsiuussinermiut siunnersorti, taantaattumik peqarfiusuni, pisortaassaaq. Taantaanngippat suliffissarsiuussinermi siunnersorti ataatsimiititaliami ilaasortaassaq.
Imm. 3. Inuussutissarsiutinik ilinniartitsinermut ataatsimiititaliap pisariaqartippagu aamma sinniisussanik, imm. 1-mi taaneqartunut ilaasortanut toqqaasoqarsinnaavoq.§ 6. Inuussutissarsiutinut ilinniartitsinermut aqutsisoq ataatsimiititaliamut allattaavoq.
§ 7. Ataatsimiititaliaq nammineerluni siulittaasumik siulittaasumullu tullersortaasumik toqqaalluni inissitsitissaaq.
§ 8. Inuussutissarsiutinut ilinniartitsinermut ataatsimititaliaq, ataatsimiititaliap kissaatigisai pisariaqartitsinerilu naapertorlugit, pissutsit intntikkut ittut paasiumallugit, allanik aggersaasinnaavoq.
§ 9. Ataatsimiititaliap siulittaasua siulittaasuatalu tullia kiisalu najukkami inuussutissarsiutinik ilinniartitsinermut aqutsisoq ataatsimiititaliami ulluinnarni aqutsisupput.
Kapitali 3.
Suleriaaseq.§ 10. Ataatsimiititaliap sulinera siulittaasumit aqunneqassaaq. Taassuma peqannginnerani sulineq siulittaasup tullianit aqunneqassaaq.
§ 11. Najukkami inuussutissarsiutinik ilinniartitsinermi aqutsisup ataatsimiititaliamut allatsitut makkua suliassarai:
1) suliarissallugit ullormut oqaluuserisassat, ataatsintiinnerni oqallisissiat ataatsimiinnerillu imaqarniliorneqarneri, tamatumunnga ilanngullugit taakkua nassiussuunneqartarneri,
2) siulittaasoq sinnerlugu, sivikinnerpamik ullunik 7-nik sioqqutsisumik, ataatsimiigiaqgusisassalluni,
3) ataatsimiititaliamut inassuteqaateqassalluni, paasissutissallu ataatsimiititaliap suliamik suliarinninnissaani pisariaqartut pissarsiarissallugit, aammalu
4) kommunimi oqartussaqarfiit aammalu kikkulluunniit, ataatsimiititaliami aalajangiisoqareeraangat, paasissutissittassallugit.§ 12. Inuussutissarsiutinut ilinniartitsinermut ataatsimiititaliaq pisariaqarneratut akulikitsigisumik ataatsimiittassaaq.
§ 13. Taamaattorli suliassat, ataatsimiigiaqqusineqareersoq tiguneqarsimasut, ataatsimiinnermi, ataatsimiititaliap tamanna akuersissutigippagu, suliarineqarsinnaapput.
§ 14. Ilaasortat arlaata aggersinnaannginnera ataatsimiigiaqqusinermi siumut ilimagineqareersimappat, taava sinniisussaa, taantaattumik toqqaasoqarsimappat, ataatsimiigiaqquneqassaaq.
§ 15. Aalajangiinerit pisassapput nalinginnaasumik taasisut amerlanerussuteqarnerisigut.
Imm. 2. Taasinerit amerlaqatigiikkaangata siulittaasup taasinera aalajangiisuusassaq.
Imm. 3. Ataatsimiititaliaq aalajangiisinnaassuseqassappoq, ikinnerpaamik taallimat (5) najuuppata.§ 16. Ataatsintiititaliami ilaasortat pisortatigoortumik sulialittut allatulli nipangiussisimasussaatitaapput.
§ 17. Nalunaarut una, ulloq 15. januar 1988 atuutilersoq, nutaamik naliliivigineqassaaq kingusinnerpaamik ulloq 1. januar 1991.
Namminersornerullutik Oqartussat, ulloq 19. januar 1988
Jens Lyberth/
Ejvind Christoffersen