1988-imi nunaqarfinni innaallagissiorfiit pillugit peqatigiilluni aningaasaateqarfimmut kommunet akiliutaat pillugit Namminersornerullutik Oqartussat nalunaarutaat nr.  33, 14. december 1987-imeersoq.

Nunaqarfinni innaallagissap sarfaanik pilersuineq pillugu inatsisartut inatsisaat nr. 10, 28. oktober 1985-imeersup §§ 10 aamma 11 naapertorlugit aalajangerneqarpoq:

§ 1. Nunaqarfinni innaallagissiorfinnut aningaasaliissuteqartarneq pillugu akiliutissat assigiissarneqarnerannut 1988-imi ataani kommunet pineqartut ima akiliuteqassapput:

Peqatigiilluni aningaasaateqarfimmut
Nanortalik	474.100
Qaqortoq	529.100
Narsaq	324.600
Ivittuut	4.200
Paamiut	405.000
Nuuk	1.725.600
Maniitsoq	648.000
Sisimiut	736.700
Kangaatsiaq	240.800
Aasiaat	576.600
Qasigiannguit	266.500
Ilulissat	686.000
Qeqertarsuaq	162.100
Uummannaq	458.000
Upernavik	419.400
Avanersuaq	139.200
Tasiilaq	508.500
Illoqqortoormiut	85.600

Imm. 2. Akiliutit Grønlandsbanken-imut reg. nr. 6471 konto nr. 180809-2 akilerneqartassapput qaammatit tamaasa akiliutissap 1/12-ianik qaammatit pineqartut ataatsimut tapiissutit annikilliliineratigut.
Imm. 3. Akiliut imm. 2 naapertorlugu qaammammut ataatsimut tapiissut sinnerpagu, aningaasat akiliutip qaammammut ataatsimut tapiissummut sinneqartoorut,  imm. 2-mi kontomut pineqartumut akiliut akilerneqassaaq kingusinnerpaamik aningaaseriviup qaammammi pineqartumi ammasarfiata aappaani.

Namminersornerullutik Oqartussat, ulloq 14/12-1987

Kaj Egede

/

Margrethe Sørensen