Kalaallit Nunaanni illuliortiternermi oqartussaassuseq pillugu Namminersornerullutik Oqartussat nalunaarutaat nr. 24, 9. november 1987-imeersoq.
Nunaminertat atorneqarnerat pilersaarusiornerlu pillugit Inatsisartut peqqussutaanni nr. 6-imi 19. december 1986-imeersumi inatsisartut peqqussutaatigut nr. 1-ikkut 18. juni 1987-imeersukkut allanngortinneqartumi §§ it 21 aamma 22 naapertorlugit makku aalajangersarneqarput:
§ 1. Namminersornerullutik Oqartussat il luliortiternermi oqartussaapput.
§ 2. Illoqarfinni illuliortiternemi oqartussaassuseq Namminersornerullutik Oqartussat sinnerlugit kommunalbestyrelsit ataasiakkaat ingerlatissavaat.
Imm. 2. Illuliortiternermi oqartussaanermi innuttaasuni suliassat kommunalbestyrelsip suliarissavai Namminersornerullutik Oqartussanut akisussaassuseqarluni, tamatumanilu al1affeqarfimmi ingerlatsinermi nakkutilliisuunermilu suliassat kiisalu oqartussat suliassanik pilersaarutinik naliliinerat nammassissallugittaaq.
Imm. 3. Kommunalbestyrelsi pisinnaatitaavoq oqartussap suliassamik pilersaarummik naliliinera GTO-mut sullivimmulluunniit allamut Namminersornerullutik Oqartussanit akuerisaasumut suliaritissallugu tamatumunnga isumaqatigiissutit tamanut attuuttut imaluunniit isumaqatigiissutit sulianut immikkoortitaartunut ataasiakkaanut tunngassuteqartut tunngavigalugit.
Imm. 4. Malittarisassat Namminersornerullutik Oqartussanik isumaqatigiissuteqarnermik tunngaveqartut aallaavigalugit kommunalbestyrelsi oqartussaanermi suliarinninnerminut akiliuteqartitsiumasinnaavoq.§ 3. Illuliortiternermi oqartussaassuseq "illuliortiternermi maleruaqassat" 1982-imi aalajangersakkat kiisalu illuliortiternermi maleruagassanut atatillugu Namminersornerullutik Oqartussanit malitassiarineqartut unnersuussutigineqartullu tunngavigalugit ingerlanneqassaaq.
§ 4. Immikkut akuersissutit Namminersornerullutik Oqartussat sinnerlugit GTO-p pisortaqarfianit Nuummiittumit nalunaarutigineqassaput tassungalu qinnutigineqassallutik. Pisortaqarfiup immikkut akuersissuteqarnissamut tunngasumik suliassani tamani aalajangiinerit pillugit Namminersornerullutik Oqartussat ilisimatittassavai.
Imm. 2. Illoqarfimmi illuliortiternermi oqartussat illuliassamut tunngatillugu portussusissamut ungasissusissamullu tunngatillugu illuliortiternermi maleruagassanit immikkut qinnuteqartoqartillugu pisussaapput sanilit aperissallugit. Aatsaat immikkut akuersissuteqartoqarsinnaavoq illoqarfimmi illuliortiternermi oqartussat illup immikkut akuersissuteqarnissamik qinnuteqaatigineqartup sanilerisaanik ilisimatitsineriniit sapaatip akunnerisa pingasut qaangiutinnginneranni kiisalu illoqarfimmi illuliortiternermi oqartussanut oqaaseqaateqarsinnaanerannik ilisimatitsineriniit sapaatip akunnerisa pingasut qaangiutereerneranni. Sapaatip akunnerinik pingasunik piffissaliussaq naatsorsorneqassaaq illuliortiternermi oqartussat sanilerisanut attorneqartunut nalunaarutaata tiguneraniit.§ 5. GTO-p pisortaqarfiata § 4, imm. 1, naapertorlugu aalajangigaanut kiisalu illuliortiternermi maleruagassat naapertorlugit aalajangikkat pillugit naammagittaalliuutit Naalakkersuisunut maalaarfissaatitaasunut nassiunneqassapput.
Imm. 2. Piffissaq naammagittaalliorfissaq ullormit aalajangiinerup nalunaarutigineqarfianiit sapaatip akunnerinik sisamanik sivisussuseqarpoq.§ 6. Unioqqutitsisut nunaminertat atorneqarnerat pilersaarusiornerlu pillugit Inatsisartut peqqussutaanni § 27 naapertorlugu pillarneqartussaapput.
§ 7. Nalunaarut ernerluni atortuulerpoq.
Imm. 2. Tamatumunnga peqatigitillugu illuliortiterner mi oqartussaassuseq pillugu Namminersornerullutik Oqartussat nalunaarutaat nr. 31 10. december 1985-imeersoq atorunnaarsinneqarpoq.
Namminersornerullutik Oqartussat, 9. november 1987
Aqqaluk Lynge/
Karen Stjernholm