Namminersornerullutik Oqartussat nalunaarutaat nr. 18, 24. juni 1987-imeersoq arfanniarnerup killilersugaaneranut tunngasoq.
Inatsisartut inatsisaat nr. 12 22. november 1984-imeersumi inuutissarsiutigalugu piniarnermut aallaaniarnermullu tunngasumi § 4 najoqqutaralugu aalajangersarneqarpoq:
§ 1. Nalunaarut arfanniarnermut, tikaagullinnit annerusunut, immami Kalaallit Nunaata aalisarfittaani immanilu Kalaallit Nunaata eqqaaniittuni atuuttuuvoq.
Stk. 2. Imm. 1 malillugu piniarsinnaatitaapput inuit Kalaallit Nunaanni najugaqarlutik aaliangersimasumik inuiaqatigiinnut kalaallinut attaveqartut, inuutissarsiutigalugu piniarsinnaanermut aallaaniarsinnaanermullu akuerineqarlutik kommunemit najugaqarfimminnit uppernarsaammik tunineqarsimasut.§ 2. Piniarneq pillugu nalunaarummi aalajangersakkami pineqarput arfernik § 1-imi taaneqartunik pisaqarneq imaluunniit piniarniarneq qanorluunniit ittoq.
Imm. 2. Arfernik taakkuninnga eqqaassineq pisaqarnissamik siunertaqanngitsoq inerteqqutaavoq.§ 3. Arferit arnavissat piaqqisarpata taakku piaraalluunniit pisarineqassanngillat.
§ 4. Arfiviit (grønlandshval) arfiviilluunniit allat piniaqqusaanngillat.
§ 5. Tunnullit piniaqqusaangillat.
§ 6. Qipoqqaat piniaqqusaanngillat.
§ 7. Kigutilissuit piniaqqusaanngillat.
§ 8. Arfanniarnermi unaat tuukkartallit igeriuttakkat 50 mm-imik qaangerluguluunniit sulloqqortussusillit (kaliber) taamaallaat atorneqaqqusaapput.
§ 9. Qaammatisiutit malillugit ukiup ingerlanerani tikaagulliusaat amerlanerpaamik qulit Kitaani pisarineqarsinnaapput.
Imm. 2. Ukiumut tikaagulliusaartassat imatut agguataarneqarput:
a) Tikaagulliusaat katillugit annerpaamik marluk kommuuneni ukunani pisarineqarsinnaatitaapput: Nanortalik, Qaqortoq, Narsaq, Ivittuut, Paamiullu.
b) Tikaagulliusaaq ataasiinnaq kommuunini tamarmik immikkut ukunani pisarineqarsinnaatitaavoq: Nuuk, Maniitsoq Sisimiullu.
c) Amerlanerpaamik tikaagulliusaat katillugit tallimat kommuunini ukunani pisarineqarsinnaatitaapput: Kangaatsiaq, Aasiaat, Qeqertarsuaq, Qasigiannguit, Ilulissat, Uummannaq, Upernavik Avanersuarlu.
Imm. 3. Imm. 1-imi 2-milu pisarineqarsinnaatitaasut qaammatisiutit malillugit ukiumi qaangerneqarsimagaangata, ukiup tulliani pisassat amerlaqataannik ikilisinneqartassapput.
Imm. 4. Tikaagulliusaat 15,2 meterinit anginerusut taamaallaat pisarineqarsinnaatitaapput.§ 10. Tikaagulliusaartassat tamakkerneqarsimanerat pillugu Naalakkersuisunut ilaasortaq radiokkut tusagassiuutitigullu nalunaaruteqarsinnaavoq.
Imm. 2. Naalakkersuisunut ilaasortaq taamatut nalunaaruteqareeraangat qaammatisiutit malillugit ukiumi pineqartumi tikaagulliusaartoqaqqittassanngilaq.§ 11. Arferit pisat piniartunit kommunemut piaarnerpaamik nalunaarutigineqartassapput tassanngaanillu piaarnerpaamik Aalisarnermut Suliffissuaqarnermullu Naalakkersuisoqarfimmut, telex nr. 90613-imut, nassiuteqqinneqarlutik.
§ 12. Arferit tunnullit 10,7 meterinit anginerusut taamaallaat pisarineqarsinnaapput.
§ 13. Nalunaarummi aalajangersakkanik unioqqutitsinerit mianersoqqussummik akiliisitsinermilluunnit kinguneqarsinnaapput. Suliassat tassunga tunngassuteqartut inuutissarsiutigalugu piniarnermut aallaniarnermullu Inatsisartut inatsisaani malittarisassat malillugit suliarineqartassapput.
§ 14. Nalunaarut ingerlaannaq atortuulerpoq.
Imm. 2. Nalunaarutip atuutilerneratigut Namminersornerullutik Oqartussat nalunaarutaat nr. 13, 11. april 1986-imeersoq arfanniartarnerup killilersugaaneranut tunngasoq atorunnaarsinneqarpoq aamma nr. 11, 7. maj 1987-imeersoq nalunaarutip nr. 13 11. april 1986-imeersup (arfanniartarnerup killilersugaaneranut tunngasoq) allannguutaa.
Nuuk, ulloq 24. juni 1987
Moses Olsen/
Einar Lemche