Namminersornerullutik Oqartussat nalunaarutaat nr. 11, 7. maj 1987-imeersoq nalunaarutip nr. 13-ip 11. april 1986-imeersup arfanniarnerup killilersugaaneranut tungasup allanngortinneqarnisaa pillugu.

 

§ 1.

Nalunaarummi nr. 13, 11. april 1986-imeersoq arfanniartarnerup killilersugaaneranut tunngasumi makku allanngortinneqarput:

§ 1-imi imm. 1-p kingorna immikkoortoq nutaatut:
"Imm. 2. Imm. 1-imi arfanniartarneq pineqartoq inunnit Kalaallit Nunaanni najugaqartuinnarnit kalaallinullu inuiaqatigiinnut aalajangersimasumik atassuteqartunit taamaallaat ingerlanneqarsinnaavoq, kiisalu kommunimi najugaqarfimmi kommunalbestyrelsimit tunniunneqarsimasumik piniarnermik aallaaniarnermillu inuutissarsiuteqavillutik ingerlatsisinnaanermut uppernarsaatilinnit."

 

§ 2.

Nalunaarut saqqummiunneqarnermigut atortuulerpoq.

Nuuk, ulloq 7. maj 1987

Moses Olsen

/

Einar Lemche