Kalaallit Nunaanni siunnersuisoqarfeqarneq pillugu nr. 14, 25. martsi 1986-meersoq.
Kapitali I
Siunnersuisoqarfiup siunertaa suliassaalu.§ 1. Siunnersuisoqarfiup suliassaraa kalaallit inuutissarsiornikkut suliffeqarfiinik piorsaaneq tapersersussallugu inuutissarsiornikkut anguniakkat naalakkersuinikkut aalajangersarneqarsimasut tunngavigalugit.
Imm. 2. Siunnersuisoqarfik suliffeqarfiit pilersitaanerini ingerlatsinneqarnerinilu siunnersuisuusassaaq saniatigullu suliffeqarfiit ataasiakkaat nutarterneqarnissaannut allilerneqarnissaannullu tunngasut nalilersortassallugit.
Imm. 3. Siunnersuisoqarfiup inuutissarsiornikkut siunnersuinermini Kalaallit Nunaanni nunanilu allani teknikkikkut ineriartorneq raalittarisassavaa.
Imm. 4. Siunnersuisoqarfiup misilittagarilikkat inuutissarsiornerup ineriartorneranut iluaqutaasunngortittassavai nioqqutissiornerraut periarfissat pitsanngorsaatissalluunniit pillugit siunnersuinini aqqutigalugu.
Imm. 5. Suliassat immikkut ittut pineqartillugit siunnersuisoqarfillu kissaatigineqartutut siunnersuisinnaatinnani siunnersuisoqarfik allanik siunnersuisussarsiornermi ikiuuttassaaq.
Kapitali II
Siunnersuisoqarfiup aaqqissuussaanera.§ 2. Siunnersuisoqarfiup suliaasa ingerlanneqarnerinut siunnersortinik atorfinitsitsisoqartassaaq Kalaallit Nunaanni Namminersornerullutik Oqartussani atorfeqartussanik. Siunnersuisoqarfiup pisor-tatigoortumik taaguutaa tassaavoq Kalaallit Nunaanni Inuutissarsiutitigut Siunnersuisoqarfik - K.I.S.
Imm. 2. K.I.S. aalisarnermut suliffissuaqarnermullu naalakkersuisoqarfimmut atasuuvoq, suliffeqarfittulli imraikkoortutut siulersorneqarluni.
Imm. 3. Aalisarnermut suliffissuaqarnermullu naalakkersuisup siunnersuisoqarfiup ingerlatsinissaa malittarisassiussavaa.§ 3. Siunnersuisoqarfiup suliassaasa ilaai kommuneni inuutissarsiornermut siunnersortinit suliarineqarsinnaapput.
Kapitali III
Illoqarfinni inuutissarsiornermut siunnersortit.§ 4. Kommunit imaluunniit kommunit arlallit kattullutik inuutissarsiornermut siunnersortinik atorfinititsisinnaapput.
Imm. 2. Kommunini inuutissarsiornermut siunnersortit suliassaraat K.I.S. suleqatigalugu kommunemi iraaluunniit nunap immikkoortuini atorfeqarfigisaminni inuutissarsiortut tapersersimassallugit makkunatigut:
a) sullississallutik § 1-imi taaneqartut tunngavigalugit,
b) suliffissaqartitsiniarneq pillugu ataatsimiititaliaq ilisimatittuassallugu inuutissarsiornerup siuarsarneqarnissaa pillugu suliniutaasunik iraaluunniit tamakku tungaasigut pilersaarutigineqartunik pillugit, kiisalu nalunaarutigisassallugit inuutissarsiornermi suliffissaqartitsiniutaasut aningaasallu tungaasigut sunniutaajunnaartunik.
c) kommunit suliffissaqartitsiniarneq eqqarsaatigalugu suliniutigisinnaasaasa pilersaarusiorneqarnerini peqataasassallutik,
d) apeqqutit inuutissarsiornermut tunngasut allat, suliffissaqartitsiniarnerraut pingaaruteqarsinnaasut pillugit kommunip suliffissaqartitsiniarnermut allaffeqarfia suleqatigissallugu.
Kapitali IV
Nipangiussisussaatitaaneq.§ 5. Siunnersuisoqarfiup siunnersuisutut sulinermigut sullivimmut sulisuinullu tunngasut pisariaqartillugu nipangiulluinnartassavai.
Imm. 2. K.I.S.-imi siunnersortit komrnunimilu inuutissarsiornerraut siunnersuisutut atorfeqartut suliat ataasiakkaat pillugit nipang-iussilluinnartussaatitaapput. Nipangiussisussaasitaaneq taamaatittanngilaq atorfik qimareeraluaraanniluunniit.
Kapitali V
Aningaasalersuineq.§ 6. Aningaasartuutit K.I.S.-ip ingerlatitaaneranut tunngasut Kalaallit Nunaata Landskasseanit akilerneqassapput.
§ 7. Kommunit nunalluunniit immikkortuini inuutissarsiornermut siunnersortit aningaasartuutaat kommunenit akilerneqartassapput. Kalaallit Nunaata Landskassea tamaturaunnga tapiissuteqartarsinnaavoq. Kalaallit Nunaanni Kommunet kattuffianik isumaqatigiinninniareernikkut.
§ 8. Namminersortut suliffiutaat inuilluunniit ataasiakkaat siunnersugaanertik pillugu akileeqquneqarsinnaapput.
Kapitali IV
Atulersitsineq.§ 9. Inatsisartut inatsisaat raanna atuutilerpoq 1.april 1986.
Imm. 2. Peqatigitillugulu atuukkunnaarpoq inatsisartut peqqussutaat nr. 6 24. oktober 1980-imeersoq.
Kalaallit Nunaanni Namminersornerullutik Oqartussat 25. marts-ni 1986
Jonathan Motzfeldt/
Moses Olsen