Ilinniagaqarnermut atatillugu akiitsut isumakkeerneqartarneri pillugit inatsisartut inatsisaat nr. 9, 13. november 1986-imeersoq.
Kapitali 1
Inatsimmi makku pineqarput§ 1. Inatsisartut inatsisaanni malittarisassat malillugit ilinniagaqarnermut atatillugu akiitsut isumakkeerneqarnissaannut Namminersornerullutik Oqartussat tapiissuteqassapput. Inuit Kalaallit Nunaanni aalajangersimasumik najugallit tapiiffigineqarsinnaapput.
Imm. 2. Aningaaserivinni sparekassenilu ilinniagaqarnermut atatillugu aningaasat atukkat Namminersornerullutik Oqartussanit qularnaveeqquserneqarsimasut, erniaannut kiisalu aningaaserivinni sparekassenilu atukkat akilersuinermik naammassinnissimannginneq pissutigalugu Namminersornerullutik Oqartussat akilerallarsimasaannut tapiisoqarsinnaavoq.
Imm. 3. Ilinniagaqarnermut atatillugu aningaasat atukkat taarsersorrtissaannut tapiisoqarsinnaavoq. Ilinniagaqarnermi akiitsorilersimasat tassaapput Namminersornerullutik Oqartussanit nalinginrtaasumik atukkat erniallit, Namminersornerullutik Oqartussanit qularneveeqqusikkat aningaaserivinni spareekassenilu atukkat, aningaaserivinni sparekassenilu atukkat akilersuinermik naammassinnissimannginneq pissutigalugu Namminersornerullutik Oqartussat akilerallarsimasaat, ilinniagaqarnermi aningaasarsiat amerlanaarlugit tunniussimasat kiisalu akiitsut Namminersornerullutik Oqartussat ilinniarfiutaanni najugaqarnernut atatillugu akiligassarilersimasat.
Kapitali 2
Erniat akilersornissaannut tapiissutit§ 2. Erniat akilersornissaannut tapiissutit ukiut tamaasa tunniunneqartassapput, takuuk § 1, stk. 2.
Imm. 2. Namminersornerullutik Oqartussanit qularnaveeqqusikkat aningaaserivinni sparekassenilu atukkat erniaannut akilersuinissamut tapiissutit aalajangersorneqartassapput aningaasat atukkat erniaat ukiumut 4%-inngorlugu. Atukkanut Namminersornerullutik Oqartussanit akilerallarneqarsimasunut ernialiussaq ukiumut 8%-iusussatut aalajangerneqassaaq.
Imm. 3. Ernianik nalunaarutiginninnermut atatillugu erniat akilersornissaannut tappissutit aningaasanik atorsimasup aningaaserivimmut atorfigisimasaanut akilerneqartassapput.
Kapitali 3
Ilinnigaqarnermut atatillugu atukkat taarsersornissaannut tapissutit§ 3. Namminersornerullutik Oqartussat qinnuteqartoqareerneratigut ilinniagaqarnermut ataatillugu atukkat taarsersornissaannut, takuuk § 1, stk. 3, qinnuteqartup ukiup siuliani akilersimasaasa amerlaqataannik tapiissuteqarsinnaapput.
Imm. 2. Nunaqarfinni isorliunerusuniluunniit aalajangersimasumik najugallit periaaseq taanna atorlugu Namminersornerullutik Oqartussanit tapiiffigineqarsinnaapput qinnuteqartup ukiiup siuliani akilersimasaasa marloriaataannik.
Imm. 3. Malittarisassaq manna naapertorlugu tapiissutit ukiukkaartumik tapiissutigineqarsinnaapput atorneqassallutillu ilinniagaqarnermut atatillugu atukkat sinnerisa ikilisinneqarnissaannut. Tapiissutit akiitsunit sinneruttunit annerusinnaanngillat.
Kapitali 4
Nalinginnaasumik piumasaqaatit§ 4. Akiitsunik isumakkeerinninnissaq taamaallaat akuersissutigineqarsinnaavoq - qinnuteqartup qinnuteqaatimi tunniunnerani ilinnigaqarnini naammassisimappagu, unitsissimappagu akilersuinissarluunniit aallartereersimappagu
- qinnuteqartup ukiup siuliani kingusinnerpaamik 31. december atukkiisoq isumaqatigiissuteqarfigisimappagu, ilinniagaqarnermut atatillugu akiitsunik akilersuilernissamik imaluunniit tamanna pillugu kinguartitsigallarnissamik.
Imm. 2. Akilersuinissamik isumaqatigiissut unioqqutinneqarpat, akiitsunik isumakkeerinninnissamik akuerineqarneq atorunnaassaaq.
Imm. 3. Namminersornerullutik Oqartussanut ilinniagaqarnermut atatillugu akiitsut isumakkeerneqarnissaat akuersissutigineqarpat, Ilinniartitaanermut Pisortaqarfiup taarsersuilluni akilersuinissamut aalajangersimasumik piffissaliussaq qaangerlugu piffissap sivitsornissaa aalajangersinnaavaa.
Kapitali 5
Allaffeqarfikkut aqutsineq§ 5. Akiitsut isumakkeerneqartarnerat pillugu allaffikkut aqutsineq inatsit manna naapertorlugu Ilinniartitaanermut Pisortaqarfimmit isumagineqassaaq.
§ 6. Ilinniagaqarnermut atatillugu Namminersornerullutik Oqartussanit qularnaveeqqusigaasimasunik atorsimasut tamarmik atugaat 31. decemberimi naatsorsorneqarsimasut pillugit allaffeqarfikkut aqutsinermut atugassanik aningaaseriviit sparekassellu Namminersornerullutik Oqartussanut nalunaaruteqartassapput. Taakkununnga ilanngunneqarput atortup cpr.nr.-a, aningaaserivimmi nalunaarsuutit normuat, atortup konto-ata normua kiisalu aningaasaatit uninngasut erniaat ilanngullugit akiligassarsiarisimasat aallaqqaataaniit amerlassuserisimasaat akiitsullu sinneri.
§ 7. Qinnuteqarsinnaanerup qaqugumut killeqarnera, qinnuteqaatip imarisai aammalu akiitsut isumakkeerneqarnissaannut naatsorsuinermi tunngavigisat pillugit, tassani pineqarluni isertitanut aningaasaatinullu tunngasut qanoq annertutigisumik aalajangiisuussanersut akiitsunik isumakkeerinninnissamut, Naalakkersuisut malittarisassanik aalajangersaasinnaapput.
Kapitali 6
Maalaaruteqarsinnaaneq§ 8. Inatsit naapertorlugu Ilinniartitaanermut Pisortaqarfiup aalajangigai pillugit maalaarutit ilinniagaqartunut tapiissuteqartarfiup maalaaruteqartarfianut ullormiit aalajangikkamik nalunaarutisiffimmiit sapaatit akunneri sisamat qaangiutsinnagit maalaaruteqarsinnaapput. Aalajangiinermik nalunaarut, maalaaruteqarsinnaanermik periarfissat pillugit paasissutissartaqassaaq.
Kapitali 7
Pissutsit immikkut ittut§ 9. Akiitsut isumakkeerneqarnissaannut piumasarineqartut tamanut atuuttut qinnuteqartumik naammassineqanngikkaangata, qinnuteqartorli atugarisamigut ajornartorsiorluinnaavippat, Nalakkersuisut imaluunniit taakkunannga piginnaatitaasup aningaasanut inatsimmi atugassaritinneqartut atorlugit akiitsuut akilerneqarsinnaanngitsut isumakkeersinnaavai.
Imm. 2. Toqusimasut sulisinnaajunnaavissimasullu ilinniagaqarnerminnut atatillugu akiitsui isumakkeerneqarsinnaapput.
Kapitali 8
Atortussanngortinneqarnera il.il§ 10. Inatsit atortussanngortinneqarpoq 1. januar 1987.
§ 11. Inatsisartut inatsissaat ullutsinnut naleqquttuunersoq kingusinnerpaamik 1. januar 1989-mi nalilerneqaqqissaaq.
Namminersornerullutik Oqartussat, ulloq 13. november 1986
Jonathan Motzfeldt/
Josef Motzfeldt