Inatsisissatut siunnersuutip aalajangersagartaannut ataasiakkaanut oqaaseqaatit

 

Ataasiakkaanut akileraarusiinermi ilaanngillat:

Kommunet qatserutaataat annaassiniutaataallu, bussit inunnik angallassissutit, timimikkut innarluutillit angallataat motorillit kiisalu qamutit motorillit sulinermi atorneqartartut immikkut ittut, soorlu assersuutigalugu eqqaasut biilii, kivitsissussuit (kranit) nammineq ingerlatinneqarsinnaasut, truckit angallassissutillu immikkut atugassiat, sananeqarnerminni pingaarnerusutigut usinik inunnillu aqqusinerni ingerlatsissutissatut sanaajunngitsut.

Taamatuttaaq snescooterit kiisalu sulinermi atortut nammineq ingerlatinneqarsinnaasut traktorillu ilaatinneqanngillat.