Kalaallit Nunaanni Naalakkersuisunut, Inatsisartunut il.il. ilaasortat aningaasarsiaqartitaanerat il.il. pillugit Inatsisartut inatsisaat nr. 1,  27. februar 1986-imeersoq.

Kalaallit Nunaanni Naalakkersuisunut, Inatsisartunut il.il. ilaasortat aningaasarsiaqartitaanerat il.il. pillugit Inatsisartut inatsisaat nr.1 27. februar 1986-imeersoq.

 

§ 1. Kalaallit Nunaanni Inatsisartunut ilaasortat  Inatsisartuni ilaasortatut sulinerminnut ukiumut aningaasarsiaqartinneqassaput tjenestemandit najugaqavissut akissaateqarfimmi (lønramme) 31-ni skalatrin 44-miittut ukiumut aningaasarsiaqartitaanerat malillugu.
Imm. 2. Ilaasortat nunaqarfinneersut isorlerneersullu il.il. kiisalu savaateqarfinneersut sumiiffik tunngavigalugu tapisiaqartinneqassapput tjenestemandit sumiiffik tunngavigalugu tapisiaqartinneqarnerinut malittarisassat malillugit taakkulu tapisiaasa annertoqataannik aningaasartalinnik.
Imm. 3. Inatsisartunut ilaasort.at ilaasortatut  sulinerminnut atatillugu aningaasartuutiminnut matussutissanik tapisiaqartinneqassapput soraarnerussutisiaqaataasussaanngitsunik isertitanut akileraarutigineqartussanut ilaatinneqartussaanngitsunik. Tapisiat taakku 1986-imut kr. 36.000-inik annertussusieqarput.
Imm. 4. Tapisiat imm. 3-mi taaneqartut aningaasartaat ukiut tamaasa aningaasanut inatsimmi aalajangersarneqartassapput.
Imm. 5. Aningaasarsiat tapisiallu imm. 1-imi, 2-mi 3-milu taaneqartut qaammammoortumik siumoortumik tunniunneqartassapput.
Imm. 6. Taaneqartut saniatigut ilaasortat ataatsimiinnernut il.il. peqataanerminnut immikkut akissarsiassaqartitaassanngillat, ataatsimiinnersiaqartitaassanatik allatullunniit aningaasarsiaqartitaassanatik.

§ 2. Inatsisartunut ilaasortaq aningaasarsiaqartinneqalissaaq qaammatip qinigaanermi akuersissutigineqarfiata aallaqqaataaniit. Ilaasortap allap toquneratigut imaluunniit Inatsisartunut ilaasortatut tunuavinneratigut ilaasortanngorsimaguni kingoraakkami qaammatip toquffiata imaluunniit ilaasortaanerminit tunuaviffiata aallaqqaataaniit aningaasarsiaqartinneqalissaaq. Qaammatip Inatsisartunut ilaasortaajunnaarfiup naaneraniit aningaasarsiaqartitaaneq taamaatissaaq.
Imm. 2. Ilaasortaq qinnuteqarnini tunngavigalugu ilaasortaanerminit tunuarallarsimasoq piffissami tunuarallarsimaffimmini aningaasarsiaqartitaassanngilaq.
Imm. 3. Qanoq sivisutigisumik Ilaasortaasimaneq tunngavigalugu ilaasortaajunnaarnersLat soraarnerussutisiallu naatsornerini piffissaq tunuarallarfiusimasoq qaammatinut ilivitsunut ammut akunnaallillugu ilanngaatigineqartassaaq.

§ 3. Inatsisartunut ilaasortat ilaasortatut sulinerminnut atatillugu najukkamik avataani angalanerminnut najugaqarnerminnullu akiliunneqartassapput ullormusiaqartinneqarlutillu malittarisassat tjenestemandinut atuuttut malillugit.
Imm. 2. Aammattaaq najugaqarnermut aningaasartuutinut regningi malillugu akiliussisoqartassaaq.
Imm. 3. Inatsisartunut ilaasortaq pisinnaatitaavoq piffissap qinersiviup ataatsip nalaani ataasiarluni paasisassarsiorluni angalaartarnissaminut. Angalanermi siunertarineqassaaq ilaasortap Kalaallit Nunaanni pissutsinik annertunerusumik paasisimasaqalernissaa. Angalanermut aningaasartuuteqartoqartassaaq imm. 1-imi aammalu 2-mi aalajangersakkat malillugit.
Imm. 4. Aningaasat imm. 1-3-mi taaneqartut Inatsisartunut ilaasortap atsioreerneratigut kommunenit tunniunneqarsinnaapput kingusinnerusukkut landskassimit akilerneqartussanngorlugit. Aninqaasartuutit allat tamarmik landskassimit akilerneqartussaanngillat.
Imm. 5. Piffissap Inatsisartunut qinersinissap nalunaarutiginerata aammalu qinersinerup Inatsisartuni akuersissutigineqarnerata akornani Inatsisartunut ilaasortat angalaneri landskassimit akilerneqarsinnaanngillat; taamaallaat taamaaliortoqarsinnaavoq ataatsimiititaliani ataatsimiinnissanut kinguartinneqarsinnaanngitsunut atatillugu.
Imm. 6. Politikkut partiit qineqqusaarnernut atatillugu angalanernut aningaasartuutaannut immikkut ittumik tapiiffigineqartassapput. Tapiissutit annertussusii Naalakkersuisunit aalajangerneqartassapput agguataarneqarlutillu.

§ 4. 1. januar 1986 aallarnerfigalugu naatsorsorneqalersumik ukiut sisamat ingerlaneranni Inatsisartunut ilaasortap aapparisaa Inatsisartut ataatsimiinnerannut atatillugu Nuummukaqataanerminut akiliunneqarsinnaavoq.
Imm. 2. Aapparisaq Nuummukaqataasoq najugaqarnerminut akiliunneqassaaq aammalu ullormusiaqartinneqarluni.
Imm. 3. Katissimallutik aappariittut naatsorsuunneqassapputtaaq ukioq ataaseq inuit aqqisa allattorsimaffianni najugaqatigiittut nalunaarsorneqarsimasut.

§ 5. Naalakkersuisut siulittaasuat naalakkersuisunullu ilaasortat aningaasarsiaqartinneqassapput tjestemanditut atorfillip najugaqavissup akissaateqarfimmi (lønramme) 39-mi skalatrin 52-imiittup aningaasarsiaasa amerlaqataannik, tamatumani nalinginnaasumik tapisiat ilanngunnagit.
Imm. 2. Naalakkersuisunut ilaasortat saniatigut Inatsisartunut ilaasortaajutiginngitsut tapisiaqartinneqassapput Inatsisartunut ilaasortat aningaasarsiaat pillugit § 1, imm. 1-imi taaneqartut malillugit.
Imm. 3. Naalakkersuisut siulittaasuat Naalakkersuisunullu ilaasortat aningaasarsiaqartitaassapput qaammatip Naalakkersuisunut ilaasortatut qinigaaffimmik aallaqqaataaniit qaammatip Naalakkersuisunut ilaasortaajunnaarfimmik naanerata tungaanut. Aningaasarsiat qaammammoortumik siumoortumik tunniunneqartassapput.
Imm. 4. Naalakkersuisunut ilaasortat aningaasartuutiminnut matussutissanik aammalu sumiiffik tungavigalugu tapisiaqartinneqassanngillat.
Imm. 5. Naalakkersuisut siulittaasuat ineqarnerminut akiliisassanngilaq. Naalakkersuisunut ilaasortat sinneri inissaqartinneqassapput, malittarisassallu nalinginnaasut malillugit ineqarnerminnut akiliisassallutik.

§ 6. Naalakkersuisut siulittaasuat, Inatsisartut siulittaasuat kiisalu Naalakkersuisuriut ilaasortat ataasiakkaat pisinnaatinneqarput landskassip akiligaanik ilassinninnersiuteqartinneqarnissaminnut.
Imm. 2. Ataasiakkaat ilassinninnersiutaasa annertussusii ukiut tamaasa aningaasanut inatsimmi aalajangersarneqartassaput.

§ 7. Naalakkersuisunut ilaasortat Naalakkersuisunut ilaasortatut angalaneri landskassimit akilerneqartassapput.
Imm. 2. Nerisaqarnermut najugaqarnermullu aningaasartuutit regningi malillugu matussuteqartinneqassapput kingusinnerusukkut landskassimit akilerneqartussanngorlugit.

§ 8. Aningaasat tunniunneqartartussat §§ 3-mi, 6-imi aamma 7-imi taaneqartut akilerneqartarnissaat atsiorneqartarnissaallu pillugit maleruagassat erseqqinerusut Naalakkersuisut nalunaarutaasiqut aalajangersarneqartassapput.

§ 9. Inatsisartunut Naalakkersuisunulluunniit ilaasortaq tunuaruni ilaasortaajunnaarnersiaqartinneqassaaq. Ilaasortaajunnaarnersiat naatsorsorneqassapput pineqartup kingullermik qaammammusiai tunngavigalugit.
Imm. 2. Ilaasortaajunnaarnersiat naatsorsorneqartassapput ukiut inuup pineqartup ilaasortaaffigisimasaasa ilivitsunngorsimaneri tamaasa qaammatip aappaata affaani aningaasarsiassatut annertussusilerlugit.
Imm. 3. Naalakkersuisunut ilaasortatut tunuartoq ilaasortaajunnaarnersiaqartinneqassaaq piffissaq Naalakkersuisunut ilaasortaaffigisimasaa tunngavigalugu.
Imm. 4. Inatsisartunut ilaasortatut tunuartoq ilaasortaajunnaarnersiaqartinneqassaaq Inatsisartunut Landsrådimullu ilaasortaaffigisimasaasa sivisussusii tunngavigalugit.
Imm. 5. Ilaasortaajunnaarnersitit sivikinnerpaamik qaammatinut pingasunut sivisunerpaamillu qaammatinut aqqaneq-marlunnut tunniunneqartassapput, qaammammoortumillu siumoortumik tunniunneqartassallutik.
Imm. 6. Ilaasortaajunnaarnersiaqartitsisoqareersillugu ilaasortaaffigisimasamut qanoq sivisutigisumik ilaasortaasimaneq tunngavigalugu ilaasortaajunnaarnersiaqartitsinermik naatsorsuinermi tunngaviusoq sivikillineqassaaq imaluunniit ilaasortaajunnaarnersiat tamakkiisumik tunniunneqareersimappata atorunnaassalluni.

§ 10. Naalakkersuisunut imaluunniit Inatsisartunut ilaasortap ilaasortaatilluni toqusup imaluunniit toqunermi nalaani ilaasortaajunnaarnersiaqartup aapparisaa avissimanngikkunik piffissap ilaasortaajunnarnersiaqarfiusup sinnerani, taamaattorli aapparisami toquneraniit sivisunerpaamik qaammatini pingasuni, ilaasortaajunnaarnersiutisiaqassaaq.
Imm. 2. Ilaasortaajunnaarnersiaqarsinnaatitaasoq aapparisaminik qimataqanngippat imaluunniit aapparisaa toquneraniit qaammatit pingasut ilaasortaajunnaarnersiutisisinnaatitaaffii qaangiutinngitsut toquppat qitornaat 18-nit inorlugit ukiullit ilaasortaajunnaarnersiutinik pisinnaanngortinneqassapput, tamatumani patsisissatillugu taakku angajoqqaatut oqartussaassuseqarfigigai.

§ 11. Inatsisartunut ilaasortat kingoraartissaat  ilaasortat taarserlugit InatsisartunL ataatsimeeqataanerminnut ullormut aningaasarsiaqartLnneqassapput aningaasarsiassat § 1, imm. 1-mi 3-milu taaneqartut 1/365-erarterutaannik. Kingoraartissaq pisortani atorfeqartuunngippat ilanngullugu piffissanut angalanermut utaqqinermullu atugaanut aningaasarsLaqartinneqassaaq. Aammattaaq najugarisap avataaniinnermut ullormusiaqartitsisoqassaaq malittarisassat tjenestemandinut atuuttut malillugit kiisalu angalanermut akiliussisoqartassalluni aammalu regningi malillugu najugaqarnermut aningaasartuutit matussutissaqartinneqartarlutik.

§ 12. Inatsisartunut ilaasortaanngitsut ataatsimiititalianut sinniisoqarfinnullu il.il. Inatsisartunit pilersinneqarsimasunut ilaasortatut toqqarneqarsimasut piffissap qinigaaffimmik naanissaata tungaanut ilaasortaaffimminni sulinerminnut atatillugu aningaasanik pisartagaqartitaassapput, ataatsimiinnersiaqartitaallutik aningaasarsiaqartitaallutillu maannamut pisartagaqartitaanertik malillugu. Aammattaaq najugarisap avataani  ataatsimiinnermut peqataanernut nerisassarsiuteqartitsisoqassaaq malittarisassat maannamut atuuttut malillugit.
Imm. 2. Inatsisartunut ilaasortaanngitsut 1. januar 1986-ip kingorna Namminersornerjllutik Oqartussat sinnerlugit sinniisuutitaalersut ullormut aningaasarsiaqartinneqassapput aningaasarsiat § I, imm. 1-imi taaneqartut 1/365-erarterutaannik.
Imm. 3. Namminersornerullutik Oqartussani atorfillit toqqarneqarsimasut imaluunniit peqquneqarsimasut aningaasarsiaqartinneqassanngillat.

§ 13. Inatsit atortuulerpoq 1. januar 1986.
Imm. 2. Taamaattorli Inatsisartunut ilaasortaanngitsunut atortuulissapput § 12-imi aalajangersakkat malillugit.

§ 14. Inatsisip matuma atulerneratigut makku atorunnaarput:
1) Landsstyremi ilaasortanut il.il. ilaasortaajunnaarsimasunut millisitanik akissaateqartarnissaq pillugu Landstingip inatsisaa nr. 4 16. maj 1979-imeersoq.
2) Kalaallit Nunaata Landstingia pillugu Landstingip inatsisaani nr. 2-mi 7. maj 1979-imeersumi § 27, imm. 3.
3) Landsrådip ileqqoreqqusaani Kalaallit Nunaata landskassiata karseqarneranut naatsorsuuteqarneranullu tunngasunik imalimmi 19. december 1974-imeersumi § 2, imm. 2 aamma § 13, imm. 1, oqaaseqatigiit 2.
4) Kalaallit Nunaata Landsrådiani ilaasortat akissarsiaat pillugit Landsrådip ileqqoreqqusaa 11. oktober 1977-imeersoq Landstingip ileqqoreqqusaatigut 18. oktober 1979-imeersukkut allanngortinneqartoq.
5) Kaajallaasitaq 5. december 1977-imeersoq Landsrådimut ilaasortat piffissap qinersiviup ingerlanerani Kalaallit Nunaanni angalasinnaanerannut tunngasoq.
6) Kaajallaasitaq nr. 1/1981 Inatsisartunut ilaasortat  telefoneqarnerannut il.il. tunngasoq.
7) Namminersornerullutik Oqartussat kaajallaasitaat 14. marts 1984-imeersoq Inatsisartunut ilaasortat aningaasarsiaasa akitsuutinut iluarsiissusemeqartarneri nut tunngasoq.
8) Kalaallit Nunaanni Inatsisartunut il.il. ilaasortat aningaasarsiaqartitaanerat il.il. pillugit kaajallaasitaq 11. december 1985-imeersoq.

Namminersornerullutik Oqartussat, ulloq 27. februar 1986.

Jonathan Motzfeldt

/

John E.Jensen