Namminersornerullutik Oqartussat inissiaataat attartortakkat pillugit inatsisartut peqqussutaat nr. 11, 22. december 1986-imeersoq.

Kalaallit Nunaanni inigisaqartitsineq, inigisaqarnermut ikiorsiissuteqarneq, inigisanik attartortitsineq il.il. pillugit inatsit nr. 944 23. december 1986-imeersoq tunngavigalugu matumuuna makku aalajangersarneqarput:

 

§ 1. Naalagaaffiup attartortittakkatut sulisorisanullu inissiaatai 1. januar 1987-imi Namminersornerullutik Oqartussanit tiguneqarput, siunissamilu taaguuteqartinneqalerlutik Namminersornerullutik Oqartussat inissiaataat attartortakkat.

§ 2. Inissiat innuttaasunut attartortitatut pisortaqarfiillu sulisorisaannut attartugassanngorlugit atorneqassapput.
Imm. 2. Aammattaaq immikkut isumaqatigiissuteqarnikkut attartortitsisoqarsinnaavoq.

§ 3. Naalakkersuisut § 2-mi siunertat atortinneqarnissaat qulakkeerniarlugu qaqugukkulluunniit erseqqinnerusunik maleruagassiorsinnaapput.

§ 4. Kalaallit Nunaannut ministeqarfimmit Naalagaaffiullu sinniisoqarfianit pineqartunut tunngassuteqartut malittarisassaliaasimasut maannamut atuuttut allanngortinneqarnissamik imaluunniit atorunnaarsitaanissamik tungaannut atuukkallassapput.

§ 5. Folketingip inigisaqartitsineq, inigisaqarnermut ikiorsiissuteqarneq, inigisanik attartortitsineq il.il. pillugit inatsit akuersissutigissappagu peqqussut manna atuutilissaaq 1. januar 1987.

Namminersornerullutik Oqartussat, ulloq 22. december 1986

Jonathan Motzfeldt

/

Martha Labansen