Kalaallit Nunaanni inissialiornermi ikiorsiissuteqartarneq pillugu inatsisartut peqqussutaat nr. 10, 22. december 1986-imeersoq.

Kalaallit Nunaanni inissaqartitsineq, inissaqarnerraut ikiorsiissuteqarneq, inigisanik attartortitsineq il.il. pillugit inatsit nr. 944 23. december 1986-imeersoq tunngavigalugu matumuuna makku aalajangersarneqarput:

 

§ 1.

Kalaallit Nunaannut ministereqarfiup 28. februar 1959 Kalaallit Nunaanni inissialiornermi tapiisarneq pillugu nalunaarutaa nr. 53 kingusinnerusukkut allannguuteqartoq imatut allannguuteqartillugu ingerlateqqinneqarpoq:

1. § 1 imatut oqaasertaqartinneqarpoq:
"§ 1. Inissanik sanaartornermi tapiissuteqartarnermut tunngassuteqartut Namminersornerullutik Oqartussat sinnerlugit aqunneqassapput ataatsimiititaliamit (inigisaqarnermut ikiorsiissuteqarnermut ataatsimiititalianit) inuttalersugaasamik sukkulluunniit ineqarnermut naalakkersuisuutitaasoq siulittaasoralugu, Kalaallit Nunaanni inatsisartut qinigaaffimmi nalaanni ilaasortassatut qinigaat ataaseq kiisalu Kalaallit Nunaanni kommunet Kattuffiata siulersuisuisa qinigaaffimmik nalaani toqqagaa ilaasortaralugit. Ilaasortat tamarmik sinniisussaannik qinersineqarlunilu toqqaasoqartassaaq.
Imm. 2. Ataatsimiititap suleriaasissaa naalakkersuisut aalajangersartassavaat. Ataatsimiititap siulit taasua pisariaqartitsineq naapertorlugu ikiortissarsiortassaaq.
Imm. 3. Ataatsimiititaq aammattaaq najukkani ataasiakkaani oqatussanut isumagisassat ilaannik suliassiisinnaatitaavoq, taakkualu pisussaapput suliassiissutit naammassiniassallugit.
Imm. 4. Ataatsimiititap allaffeqarfikkut ingerlatsinermi pigisat nalingi akiligassallu, isertitat aningaasartuutillu, immikkut naatsorsuuteqartissavai.
Imm. 5. Ataatsimiititap taarsigassarsiniarluni qinnuteqaatit nalornissutaasinnaasut naalakkersuisunut aalajangigassanngortissinnaavai, taamaaliortassallunittaaq inissialiornermi tapiissuteqartarneq pillugu malittarisassanik nalornisoortoqartillugu."

2. § 2, imm. 2 imatut oqaasertaqassaaq:
§ 2, imm. 2. Kalaallit Nunaanni Namminersornerullutik Oqartussat kommunellu tuniniaanissaq attartortitsinissarluunniit siunertaralugit inissialiorsinnaapput, sanaartornerat Kalaallit Nunaanni inissialiornermi tapiissuteqaataasartunik aningaasalersorlugu.

3. §16, imm. 4 imatut oqaasertaqassaaq:
§ 16, imm. 4. Ingerlatsinermi naatsorsuutit, § 1, imm. 4 naapertorlugu, ukiut naatsorsuiffiit naaneri tamaasa suliarineqartartut, decemberip naanerani naatsorsuutinik oqimaaqatigiissaarinertallit Namminersornerullutik Oqartussanut maleruagassat atuuttuusut najoqqutaralugit nassiunneqartassapput.

4. Nalunaarutip aalajangersagartaasa sinnerini taaguutit, Kalaalit Nunaannut ministereqarfik naalakkersuisunik, statskasse landskassemik taaguullu naalagaaffik Kalaallit Nunaanni Namminersornerullutik Oqartussanik, taarserneqassapput.

 

§ 2.

Taarsigassarsisarneq tapiissuteqartarnerlu pillugit Boligtøtteudvalgip allaffeqarfikkut ingerlatsinermut maleruagassatut aalajangersagai allanngortinneqarnissamik atorunnaarsinneqarnissamilluunniit tungaannut atuukkallassapput.

 

§ 3.

Folketingip Kalaallit Nunaanni inissaqartitsineq, inissaqarnermut ikiorsiissuteqarneq, inigisanik attartortitsineq il.il. pillugit inatsit akuersissutigissappagu, peqqussut atulissaaq l.januar 1987.

Namminersornerullutik Oqartussat, ulloq 22. december 1986.

Jonathan Motzfeldt

/

Martha Labansen