Nalunaarasaartaatitigut atassuteqarneq nalunaarasuartaaseriveqarfiillu pillugit Inatsisartut peqqussutaat nr. 7, 19. december 1986-imeersoq.
Innaallagiaq, imeqarneq kiassarnerlu, qatserisartoqarneq, umiarsualiviit, aqquserngit, nalunaarasuartaaseriveqarneq il.il. pillugit Kalaallit Nunaannut inatsit nr. 943 23. december 1986-imeersoq naapertorlugu matumuuna aalajangersarneqassapput makku:
Kapitali 1.
Kisermaassinermut aalajangersakkat.§ 1. Kalaallit Nunaanni Namminersornerullutik 0qartussat tamanut aamasumik nalunaarasuartaatitigut atassuteqarnermut kisermaassinerini ilaapput telefonimik, telegrafimik, teleximik qarasaasiatigut il.il. ingerlatsiviit ingerlatsinerlu, taakkulu isumagineqassallutik Grønlands tekniske Organisationimit Kalaallit Nunaanni nalunaarasuartaaseriveqarfikkut, Inatsisartut aningaasanut inatsisaanni aalajangersarneqartumik atugassiissutit malillugit.
Imm. 2. Kalaallit Nunaanni Nalunaarasuartaaseriveqarfiup suliassaraa kalaallit inuiaqatigiit tamanut ammasumik nalunaarasuartaatitigut atassuteqarnermik pilersuiffigissallugit atortorissaarutitigut ineriartorneq malittaralugu, kisianni aamma sapinngisamik sunniuteqarluartumik, isumatusaartumik ileqqaartumillu pisumik.
Imm. 3. Kalaallit Nunaanni Namminersornerullutik Oqartussat kisermaassinerinit pineqassanngillat ingerlatsiviit,
1) illersornissamut tunngasuni atorneqartut,
2) naalagaaffiit pisortaqarfiini imaluunniit kommunemi taakkorpiaannaat iluini sulinermi atorneqartut,
3) illuutip iluani taamaallaat, imaluunniit illuutit arlallit ataatsimik piginnitseqartut iluini taamaallaat atorneqartut.
Imm. 4. Kalaallit Nunaanni nalunaarasuartaaseriveqarfiup Kalaallit Nunaata Danmarkillu akornanni, Kalaallit Nunaata Savalimmiullu akornanni aammalu Kalaallit Nunaata nunallu allat akornanni nalunaarasuartaaserinikkut atassuteqarnermi atassusersuinermi ingerlatsinermilu Generaldirektoratet for Post- og Telegrafvæsenet suleqatigissavaa.
Imm. 5. Kalaallit Nunaanni Nalunaarasuartaaseriveqarfiup suliffeqarfiit allat isumaqatigiissuteqarfigisinnaavai, taakku nalunaarasaartaaserveqarfimmut tunngasunik suliaqarsinnaasut erseqqissumik aalajangersagaasut tunngavigalugit.§ 2. Naalakkersuisut nalunaarasuartaaserveqarfimmit inassuteqarnikkut maleruagassanik piumasaqaatinillu aalajangersaasinnaapput, Namminersornerullutik Oqartussat kisermaassaannut atasunik atortulersuutinut qanoq annertutigisumik atuisitsisoqarnissaanut.
§ 3. Nalunaarasuartaaserinermi atortunut, nalunaarasuartaaserinermi atassusersuutinut tamanut ammasunut ikkunneqartut imaluunniit atorneqartut, Kalaallit nunaanni Nalunaarasuartaaseriveqarfiup aalajangersarlugit maleraagassiai piumasaqaasiaalu makkununnga atuupput:
- atortulersuinermut, suliarinerinut, inissinnerinut, ingerlannerinut atornerinullu, akuersissutiginerinut, tamatumanilu pisatsersuutit (udstyr) apparaatillu sananeqaataannik akuersissutinut,
- pisatsersuutit (udstyr) atortorissaarusersuutillu (installationer) piumasaqaatinut eqquunnerinik pasinaarinermut nakkutilliinermullu.§ 4. Naalakkersuisut aalajangersinnaavaat, ingerlatsiviit (anlæq) immikkut siunertanut atorneqartut, aamma apparatit atortullu (materiel) aalajangersimasumik piumasaqaatitallit Namminersornerullutik Oqartussat kisermaassinerinit ilaatinneqassanngitsut.
Kapitali 2.
Nipangiussisussaaneq itigartitsisinnaanerlu.§ 5. Nalunaarasuartaaseriveqarfimmi sulisoq, nalunaarasuaatitigut atassuteqarnermi sumilluunniit imaanik imaluunniit atorneranik susassaqanngitsunat kalerriissanngilaq.
Imm. 2. Nipangiussisussaanermut pisussaaneq atajuassaaq, pineqartoq kinaluunniit nalunaarasuartaaseriveqarfimmiikkunnaaraluarpalluunniit.
Imm. 3. Assingi atuupput Kalaallit Nunaata Nalunaarasuartaaseriveqarfia sinnerlugu nalunaarasuartaaserinermut tanngasunik sulissussillutik sulliveqarfinni sulisunut.§ 6. Inuinnaat nalunaarasaartaaseriveqarfikkut nassiunniagaat naalagaaffiup isumannaatsuunissaanut ajoqutaasinnaasutat isigineqarsinnaasut imaluunniit unioqqutitsisunik, assuarnartumik imaluunniit narrutsannartunik imalittut isigineqarsinnaasut itigartinneqarsinnaapput imaluunniit unitsinneqarlutik.
Kapitali 3.
Nalunaarasuaatinut tunngasumik atortulersuutinik (installationer) aqqusersuutissianillu (kabel) inissiineq.§ 7. Kalaallit Nunaanni Nalanaarasuartaaseriveqarfik nalunaarasuaatinut tunngasumik atortulersuutinik, aqqusersuutissianik (kabel) ledninginik il.il. inissiisinnaavoq nunamik atuineq, nuna tamakkerlugu illoqarfinnillu pilersaarusiorneq illuliornerlu pillugit Inatsisartut peqqussutaanni maleruagassat naapertorlugit.
Imm. 2. Kalaallit Nunaanni Nalunaarrasuartaaseriveqarfik tamatumani aamma nalunaarasuaatinut tunngasumik aqqusersuutissianik atortorissaarusersuutitalinnik illuni kikkunnilluunniit atorneqartuni namminerisamillu pineqartuni inissiisinnaapput. Nalunaarasuaatinut tunngasunik sulinermi sapinngisamik piginnittup imaluunniit atuisup inissiinissami kissaataa malinniarneqartassaaq.
Imm. 3. Kalaallit Nunaanni Nalunaarasuartaaseriveqarfik atuisumut imaluunniit piginnittumut nalunaaruteqareerluni allami, illuni angerlarsimaffinnilu nalunaarasuaatitut tunngasumik sulianut atatillugu sulinermi nakkutilliinermilu isernissamik piumasaqarsinnaavoq.
Imm. 4. Illuni kikkunnilluunniit atorneqartuni imaluunniit namminerisamik pigineqartuni kabelilersuinermi, kabeleqareernerani taakkulu aserfallatsaaliornerini ajoqusiineq akornusiinerlu tamarmi, taarsiiffiussaaq Kalaallit Nunaanni atuuttumik taarsiissuteqartarnermut maleruagassat malillugit.§ 8. Atassusiineq imaluunniit kabeleqarfik Kalaallit Nunaanni Nalunaarasuartaaseriveqarfimmit pigineqartoq inissinneqarpat, nalunaarasuartaaseriveqarfimmit akuerineqartinnani illuliorneq nunnerinerluunniit, allalunniit taama inissiinermik akornusiilluniluunniit ajoqusiisinnaasoq suliarineqassanngilaq.
Kapitali 4.
Ingerlatsinermi akornusersuutit.§ 9. Namminersornerullutik Oqartussat kisermaassaqarfiinut ilaasumik suliffeqarfiit ingerlannerini akornusersuutit kinguaattoorneriluunniit kingunerisaannut Kalaallit Nunaanni Nalunaarasuartaaserisoqarfik taarsiinissamut pisussaaffeqanngilaq.
Kapitali 5.
Unioqqutitsinerit.§ 10. Inatsisartut peqqussutaanni matumani aalajangersakkanik, taakkulu naapertorlugit aalajangersagaasunik unioqqutitsinernut akiliisitsineq pineqaatissiissutaasinnaavoq, inatsisit allat malillugit sakkortunerusumik pineqaatissiisoqanngippat.
Imm. 2. Unioqqutitsineq aktieselskabimit, anpartsselskabimit, andelsselskabimit imaluunniit assigisaannit piliaappat, akiliisitsinermi selskabi akiliinissamut akisussaatinneqarsinnaavoq.
Imm. 3. Unioqqutitsineq kommunemit imaluunniit kommunet suleqatigiiffiannit piliaappat, akiliisitsinermi kommune imaluunniit kommunet suleqatigiiffiat akiliinissamut akisussaatinneqarsinnaavoq.§ 11. Inatsisartut peqqussutaanni matumani aalajangersakkanik imaluunniit taakku naapertorlugit aalajangersagaasunik unioqqatitsinermi, arsaarinninneq pillugu pinerlunnermut inatsimmi maleruaqqusat taamatulli atuutsissapput.
Kapitali 6.
Ikaarsaariarnermut atulersitsinermullu aalajangersakkat.§ 12. Inatsisartut peqqussutaat una 1. januar 1987-imi atulissaaq Kalaallit Nunaannut inatsisip innaallagissamut, imermut kiassarnermullu, qatserisartoqarnermut, umiarsualivinnut, aqqusinernut, nalunaarasuartaaseriveqarnermut il.il. tunngasup folketingimit akuerineqarnissaa tunngavigalugu.
Imm. 2. Aalajangersakkat pioreersut Kalaallit Nunaanni nalunaarasuartaaserisoqarnermut tunngasut atuukkallassapput Inatsisartut peqqussataat una naapertorlugu allanngortinneqarnisamik tungaannut.
Kalaallit Nunaanni Namminersornerullutik Oqartussat, ulloq 19. december 1986.
Jonathan Motzfeldt/
John E.Jensen