Nunaminertat atorneqarnerat pilersaarusiornerlu pillugit Inatsisartut peqqussutaat nr. 6, 19. december 1986-imeersoq.
Nunaminertat atorneqarnerat, illoqarfiit allilerneqarneri sanaartorfigineqarnerilu pillugit Kalaallit Nunaannut inatsit nr. 612 23. december 1980-imeersoq nunaminertat atorneqarnerat, illoqarfiit allilerneqarneri sanaartorfigineqarnerilu pillugit Kalaallit Nunaannut inatsisip nr. 612 23. december 1980-imeersup allanngortinneqarnera pillugu inatsisikkut nr. 29 23. december 1986-imeersukkut allanngortinneqartoq naapertorlugu matumuuna makku aalajangersarneqarput:
Kapitali 1.
Peqqussutip siunertaa.§ 1. Peqqussutip siunertaraa nunap nunaminertaasa inuiaqatigiit eqqarsaatigalugit ataatsimut naliliineq tunngavigalugu atorneqarnissaat isumannaallisassallugu. Siunertaq taanna makkunuuna anguneqassaaq,
1) pinngortitap illersorneqarneranik,
2) inuiaqatigiit tungaanniit isigalugu tulluartumik nunap inuillu pilersitaasa akornanni immikkoortiterineq,
3) nunap nunaminertai atorneqassasut pilersaarusiorneq inuutissarsiutitigut, atukkatigut pinngortitamillu illersuinerup tungaasigut ajunngitsumik ineriartornissamut iluaqutaasussaq tunngavigalugu,
4) najukkani pisortat innuttaasullu nunaminertat atorneqarnissaannik pilersaarusiornermi peqataatinneqarnerannik,
5) nr. 1-imiit 4 ilanngullugu allassimasut naapertorlugit atuinerit suliassanut aningaasalersuinermullu tunngasumik pilersaarusiamut ataqatigiissinneqarnerisigut.
Kapitali 2.
Akisussaalluni oqartussaassuseq.§ 2. Naalakkersuisut peqqussummi uani maleruagassat malillugit pilersaarusiorneq aqqutigalugu nunap nunaminertaasa peqqussutip siunertaanut naapertuuttumik atorneqarnissaat qulakkeerniassavaat.
§ 3. Naalakkersuisut nunaminertat atorneqarnissaat, tamatumunngalu ilanngullugu pilersaarusiornerup tamarmiusup imarisassai, ilusissaa taassumalu qanoq iliorluni pissarsiarineqarnissaa pillugit erseqqinnerusunik maleruagassiussapput.
Kapitali 3.
Nunaminermik atuinissamut akuerineqarneq.§ 4. Nunaminertaq sunaluunniit akuerineqanngitsumik atorneqassanngilaq.
Imm. 2. Nunaminertamik atuineq sunaluunniit akuerineqanngitsumik allanngortinneqassanngilaq.§ 5. Kommunalbestyrelse nunaminertamik illoqarfittut aamma nunaqarfittut sanaartorfiusuni aammalu allilerinermi sanaartorfissani aamma sukisaarsarfissani atuinissamut akuersissuteqassaaq.
Imm. 2. Nunap ilaanut imm. 1-imi taaneqartut avataanniittunut tunngatillugu Naalakkersuisut kommunalbestyrelse susassaqartoq oqaaseqartereerlugu atuinissamik akuersissuteqassapput.
Imm. 3. Siunertamut nunamut tamarmut tunngassuteqartumut pilersaarusiami akuersissutigineqarsimasumi ilaanngitsumut nunaminertamik atuinissaq taamaallaat Naalakkersuisut akuersineratigut akuersissutigineqarsinnaavoq.
Imm. 4. Nunap ilaani imm. 2-mi taaneqartuni nunaminertanik atuisinnaanermut Naalakkersuisut kommunalbestyrelse akuersissuteqarsinnaatissinnaavaat.§ 6. Nunaminertamik atuinissamut akuersissuteqarnermi siunertap § 1-imi taaneqartup anguneqarnissaa siunertaralugu piumasaqartoqarsinnaavoq naammassiniagassaqartitsisoqarsinnaallunilu. Piumasatut naammassiniagassatullu aalajangersarneqartut ima imaqassapput, sanaartukkat kommunep pilersaarusiaata tunngavigisaanut imarisaanullu naapertuuttumik suliarineqarnissaat qulakkeerneqartussanngorlugu.
Imm. 2. Atuisinnaatitaaneq piffissamut killilerneqarsinnaavoq.
Imm. 3. Atuisinnaatitaaneq inatsisinut akerliusumik atorneqaruni atorunnaarsinneqarsinnaavoq.
Kapitali 4.
Nuna tamakkerlugu pilersaarusiorneq.§ 7. Naalakkersuisut nuna tamakkerlugu ataatsimut pilersaarusiornissaq aammalu misissuinerit tamatamunnga pisariaqartut ingerlanneqarnissaat isumagissavaat.
§ 8. Pisortani oqartussat kiisalu kisermaassisussatut akuerineqarsimasut suliffeqarfiillu taamaaqataat nuna tamakkerlugu pilersaarusiornermi atugassanik misissuinissanik, pilersaarusiornissanik annertunerusunillu sanaartornissanik pilersaaruteqarneq ingerlatsinerluunniit pillugit nalunaaruteqassapput.
§ 9. Naalakkersuisut nuna tamakkerlugu pilersaarusiornerup kommunet pilersaarusiornerannut, tak. kap. 5, aammalu immikkoortukkuutaani pilersaarusiornermut ataqatigiissitamik ingerlanneqarnissaa aammalu innuttaasut nuna tamakkerlugu pilersaarusiornerup siunertaa qanorpiarlu imaqarnera pillugu oqallinnissaat siunertaralugu paasissutissiiniarnermik pilersitsisoqarnissaa isumagissavaat.
§ 10. Naalakkersuisut ukiumut ataasiarlutik nuna tamakkerlugu pilersaarusiorneq pillugu Inatsisartunut nalunaaruteqartassapput.
§ 11. Naalakkersuisut nuna tamakkerlugu pilersaarusiornermi najoqqutassat pingaarnerit pillugit Inatsisartut akuerisassaannik siunnersuummik saqqummiussisapput.
Imm. 2. Naalakkersuisut najoqqutassat pingaarnerit akuersissutigineqarsimasut imm. 1-imi taaneqartut pisariaqalerfiatigut nutarterneqartarnissaat isumagissavaat.§ 12. Pisortat pilersaarusiornermik ingerlatsinerat sanaartornerallu nuna tamakkerlugu pilersaarusiaq naapertorlugu ingerlanneqassaaq.
Kapitali 5.
Kommunet pilersaarusiornerat.§ 13. Kommunalbestyrelse nuna tamakkerlugu pilersaarusiornermi peqataassaaq kommunemi nunaminertanut, nunap pissarititaanut aningaasanullu tunngatillugu periarfissat, inuit amerliartornissaannut inuutissarsiutillu irier iartortinneqarnissaannut tunngasunik anguniakkat pisortallu immikkoortunut tunngatillugu pilersaarusiornerat ataatsimut nalilereerlugit kommune tatikillugu atortuuffissalerneqarsinnaavoq.
§ 19. Immikkoortumut pilersaarut suliarineqareersimappat pilersaarummi aalajangersakkanut akerliusumik akuerineqarluni nammineerluniluunniit qanoq iliuuseqartoqassanngilaq, imm. 2 naaperrtorlugu immikkut akuersissuteqartoqarsimanngippat.
Imm. 2. Immikkoortumut pilersaarusiaareersumit allannguutit annikinnerusut kommunalbestyrelsep akuersissutigisinnaavai, immikkoortup immikkut pissusia qanorlu atorneqarnera taamaaliornikkut allanngortinneqanngippat.§ 20. Immikkoortumut pilersaarutip piviusunngortinneqarnissaanut pisariaqaraangat pigisaareersunik pigisassanngortitsisarneq pillugu Kalaallit Nunaannut inatsimmi aalajangersakkat malillugit pigisassanngortitsisoqarsinnaavoq.
Kapitali 7.
Ataatsimut aalajangersakkat.§ 21. Pissutsinut peqqussummi uani pineqartunut tunngatillugu kommunalbestyrelsep aalajangiinera Naalakkersuisunut suliassanngortinneqarsinnaavoq. Maalaarut kingusinnerpaamik kommunalbestyrelsep aalajangiinerata tiguneqarneraniit qaammatit 2 qaangiunneranni tunniunneqassaaq.
§ 22. Pisortat § 5-imi taaneqartut siumoortumik atuinissamut akuerineqarsimasumut imaluunniit piginnittumut ilisimatitsereerlutik peqqussut una tunngavigalugu pilersaarusiornerminni uuttortaajumallutik allatigullu teknikimut tunngasunik suliaqarlutik nunaminertamut aammalu illumut namminersortamik pigineqartumut ornigunnissamik piumasaqarsinnaapput.
§ 23. Sukkulluunniit illumik piginnittoq imaluunniit nunaminertamik atuisoq pisussaavoq unioqqutitsisumik iliornerit iluarsissallugit.
Imm. 2. Piginnittup imaluunniit unioqqutitsisup iliornerit iluarseqqullugit peqqussutigineqartoq maleruanngippagu eqqartuussutikkut pisussanngortinneqarsinnaavoq piffissaliussatut aalajangiunneqartup qaangiutinnginnerani pinngitsaaliissutaasumik akiliuteqartarluni pissutsinik iluarsiinissaminut.
Imm. 3. Unioqqutitsinermik iluarsiinissamik eqqartuussutikkut peqqussut piffissap eqqartuussutikkut aalajangerneqartup ingerlanerani malinneqanngippat, aammalu pingitsaaliinikkut akiliuteqartitsinikkut pineqartup peqqussummik malinninnissaa ilimananngippat kommunalbestyrelse piginnittup akiligassaanik iluarsiissutissanik pisariaqartunik iliuuseqarsinnaavoq.§ 24. Mianersoqqussummik imalaunniit akiliisitsinermik eqqartuunneqassaaq
1) § 4-mik unioqqutitsisoq,
2) immikkoortumut pilersaarusiami peqqussut naapertorlugu akuerineqartumi imaluunniit peqqussut naapertorlugu maleruagassiat imaluunniit pilersaarutit naapertorlugit akuerineqartumi aalajangersakkanik unioqqutitsisoq,
3) peqqussummik imaluunniit inerteqqummik peqqussut naapertorlugu maleruagassiat naapertorlugit suliarineqartumik, aamma unioqqutitsinermik iluarseeqqusilluni peqqussummik, malinninngitsoq.
Imm. 2. Maleruagassani peqqussut naapertorlugu suliarineqartuni aalajangersakkanik unioqqutitsinermi mianersoqqussummik imaluunniit akiliisitsinermik eqqartuunneqarnissamik aalajangersagaliortoqarsinnaavoq.
Imm. 3. Aktieselskabi, anpartsselskabi, andelsselskabi assigisaalluunniit unioqqutitsisimappata ingerlatseqatigiiffik akiliinissamut akisussaatinneqarsinnaavoq.
Kapitali 8.
Atortuulersitsinissamik aalajangersakkat.§ 25. Inatsisartut peqqussutaat manna atortuulerpoq 1. januar 1987.
§ 26. Tamanna peqatigalugu nunamik atuineq, nuna tamakkerlugu pilersaarusiorneq aamma illoqarfimmik pilersaarrusiorneq illuliortiternerlu pillugit Inatsisartut peqqussutaat nr. 1 2. februar 1981-imeersoq atorunnaarpoq, kisianni § 25 aamma § 29 imm. 2 illuliornermi oqartussaassutsimut tunngasunik aalajangersagartaqartut pinnagit.
Imm. 2. Nunamik atuineq, nuna tamakkerlugu pilersaarusiorneq aamma illoqarfimmik pilersaarusiorneq illuliortiternerlu pillugit Inatsisartut peqqussutaanni nr. 1-imi 2. februar 1981-imeersumi § 25 naapertorlugu maleruagassiarineqartut atuutiinnassapput Inatsisartut peqqussutaat naapertorlugu aalajangersagaliornikkut atorunnaarsinneqarnissamik tungaanut.
Namminersornerullutik Oqartussat, ulloq 19. december 1986.
Jonathan Motzfeldt/
John E.Jensen