Inuutissarsiornermik ikiorsiisarneq pillugu Inatsisartut peqqussutaat nr. 5, 13. november 1986-imeersoq.
Inatsit nr. 134, 28. marts 1984-imeersoq Kalaallit Nunaanni inuutissarsiutinut tapersiisarnermut tunngasoq najoqqutaralugu matumuuna makku aalajangersarneqarput:
Kapitali 1
Inuutissarsiutinut ikiorsiisarnermi siunertat tunngaviilu.§ 1. Kalaallini inuutissarsiornerup sunniuteqartumik ingerlasinnaassuseqarnera unammillersinnaassuseqarneralu allisarniarlugit kiisalu suliffissaqartitsiniarnerup pitsanngorsarniarneranik siunertaqartumik Kalaallit Nunaanni Namminersornerullutik Oqartussat ikiorsiissuteqarsinnaapput kapitali 3-mi kapitali 4-milu taaneqartutut annertutigisumik Kalaallit Nunaanni inuut-issarsiummik ingerlassanut, inunni Kalaallit Nunaanni aalajangersumik najugaqartunit imaluunniit ingerlatseqatigiinnit (selskaber) assigisaannillu Kalaallit Nunaanni nunaqartunut imaluunniit ingerlassilersussanut.
Imm. 2. Ikiorsiissuteqarnermi nalinuutissarsiornermut eqquttumik sumiiffeqartitsinissaq anguniarneqassaaq aammalu siuarsaaniarluni qanoq iliuutsinut allanut pisortat pilersissimallugilluunniit pilersilersaagaannut naleqquttumik.§ 2. Ikiorsiissutinik tunniassinissamik, ikiorsiissutissap angissusissaanik aammalu ikiorsiissuteqassagaanni naammassereersimasassatut piumasarisat pillugit apeqqutit aalajangiiffiginiarnerini makkua naatsorsuutaassapput:
1) Ikiorsiissutit tunnianneqassapput inuutissarsiutinut inuiaqatigiinnut tunngatillugu aningaasaqarniarnikkullu pissarititaasut eqqarsaatigalugit siuarsagassatut kissaatigineqartumik siunertaqartunut.
2) Ikiorsiissutit taamaallaat tunniunneqarsinnaapput sullivik ingerlassaq (virksomhed) ilaatigut suliffissuarnut, angallatinut, umiarsualivinnut, inissianut, innaallagissiorfinnut imeqarfinnullu, aqqusinernut, sullivinnut sullissisartoqarfiusunut (servicevirksomheder) il.il. pilersaarutaasumik aningaasaliinikkut siuarsarniakkatut kissaatigisaasut ineriartortinnerannut naleqquppat.
3) Ikiorsiissutit taamaallaat tunniunneqarsinnaapput pilersaarutinut teknik-ip tungaatigut illersorneqarsinnaasunut siunissarlu ungasinnerusoq isigalugu aningaasaqarniarnikkut attanneqarsinnaasutut isigineqarsinnaasunut.
4) Qinnuteqaateqartup ingerlassamut qanoq pikkorissuseqarnera taamatullu isertitaqarneranut aningaasaateqarneranullu tunngasut.
5) Pilersaarununut ikiorsiissutinik akuersisoqarsinnaanngilaq aningaasartuutissatut missingiusiat il.il naliliiffigereerlugit sulliviup aningaasatigut illersorneqarsinnaasumik ingerlanissaanut pisariaqartutut isigineqartunit anginerusunik.
Kapitali 2.
Inuutissarsiutinut ikiorsiinermut ataatsimiititaliap inuttalersugaanera, pisinnaatitaaffii suliassaalu.§ 3. Ikiorsiissuteqarnissat inuut issarsiutinut ikiorsiinermut ataatsimiititaliamit aalajangiiffigineqartassapput peqqussummi aalajangersakkatut aalajangersarneqartut naapertorlugit.
Imm. 2. Ataatsimiititaliap inuttarai aalisarnermut suliffissuaqarnermullu naalakkersuisoqarfimmi Inuutissarsiornermi Pisortaq siulittaasutut; Inatsisartunillu qinersiviup atuunnerani atasussatut tikkuarneqartut ilaasortat marluk. Ataatsimiititaliaq Nuummi inissisimavoq.
Imm. 3. Inuutissarsiornermi Pisortap peqannginnerani taassuma suliaanik tigummisaqarluni Inuutissarsiornermi Pisortaasoq ataatsimiititaliami siulittaasuussaaq.
Imm. 4. Ilaasortanut Inatsisartunik tikkuarneqartunut siniisussanik aamma Inatsisartut qinersissapput.
Imm. 5. Ataatsimiititaliap suliassat innuttaaqatigiinnut annertuumik sunniuteqarsinnaasut, tamatumunnga ilanngullugu immikkut aningaasatigut kinguneqarsinnaasut Naalakkersuisunut saqqummiunneqareernerisigut aatsaat aalajangiiffigisinnaavai.
Imm. 6. Qinnuteqaateqartut ataatsimiititaliap aalajangiineri orulluteqartarf immut ingerlateqqissinnaavaat aalajangiinerup tiguneqarneranit sapaatit akunneri sisamat qaangiutsinnagit.
Imm. 7. Orulluteqartarfik pingasunik ilaasortaqarpoq Inatsisartut qinigaaffinnut tamanut toqqagaannik. Orulluteqartarf immi ilaasortat inuutissarsiutinut ikiorsiisarnermut ataatsimiititaliami ilaasortaajutigisinnaanngillat .§ 4. Ataatsimiititaliap aalajangiiffigissavaa ilaasortaq suliassami ima soqutigisaqartiginersoq suliassap ataatsimiititaliami suliarineqarnerani ilaasinnaatitaassanani.
Imm. 2. Ilaasortap ataatsimiititaliaq ilisimatissavaa pissutsit imaassimappata suliassamut attuumassuteqarnini/soqutigisaqarnini pillugu suleqataasinnaanini nalorninarsinnaasoq.§ 5. Aalisarnermut Suliffissuaqarnermullu Naalakkersuisoq nalunaarusiornikkut peqqussutip pisortaaffigineranut aalajangersagaliussaaq, tassunga ilanngullugu ataatsimiititaliap suleriaasissaanut aammalu kommune-t peqataanissaannut.
Kapitali 3.
Inuutissarsiutinut ataasiakkaanut ikiorsiissutit.
Aalisarneq aamma piniarneq il.il.§ 6. Angallatinik aalisarnermut piniarnermullu imaluunniit inuutissarsiornermik allanik siunertaqartunut atugassanik pisaarniartunut taarsigassarsisitsineqarsinnaavoq imaluunniit akiligassarsisarfinni namminersortuni taarsigassarsianut qularnaveeqqusiineqarsinnaalluni, angallatip qanoq sivisutigisumik pigineqarsinnaanerata naatsorsuutigineqarneratut sivisutigisumik taarsersugassanik, taamaattorli angallatinut atornikunut sivisunerpaamik ukiuni qulini, angallatinut nutaanut glasfiberimik sanaajusunut ukiuni 15-ini angallatinullu nutaanut qisummik sisammilluunniit sanaajusunut ukiuni 20-ni. Angallammik atornikumik pisaarniarnermi taarsigassarsiap taarsigassarsiamulluunniit qularnaveeqqusiussap taarsersorneqarnissaata sivisussusissaa aamma aalajangiiffigineqartassaaq imaalillugu, taarsigassarsiaq qularnaveeqqusiussarluunniit tamakkerlugu akilereersimasussanngorlugu kingusinnerpaamik angallammik nutaamik pissarsinermi sivisunerpaamik tarsersuiffissamit pigineqarsimaffia ilanngaatigeriarlugu taassuma kingorna ukiuni tallimanik ilallugu sivisussusilimmik.
Imm. 2. Angallatinik atornikunik pisaarniarnermut atatillugu imm. 1-imi aalajangersakkat saneqqullugit aalajangersaasoqarsinnaavoq peqqussut manna imaluunniit manna tikillugu maleruagassat inuutissarsiutitigut tapersiisarnermut tunngasut najoqqutaralugit taarsigassarsiaareersunut imaluunniit taarsigassarsianut qularnaveeqqusiutaareersunut taarsersuinissap sivisussusissaanut aalajangiussaaqqaarsimasut atuutsiinnarneqarnissaat, soorlu aamma taarsigassarsiat imaluunniit taarsigassarsianut qularnaveeqqusiussat taamaattut taarsersorneqarnissaannut taarsigassarsisitsisoqarsinnaasoq taarsigassarsiamulluunniit qularnaveeqqusiisoqarsinnaasoq ukiut tallimat ingerlaneranni taarsersugassamik.
Imm. 3. Inuutissarsiutigalugu aalisarnermut piniarnermullu atugassanik nutaanik angallatitaarniartunut taarsigassarsisitsineqarsinnaavoq erniaqanngitsunik taarsersugassaanngitsunillu. Taarsigassarsiat taamaattut, imm. 4-mi 5-imilu pineqartut pinnagit, Kalaalalit Nunaanni angallatit pisiarineqarnerini akigitinneqartumit annerpaamik 30%-erisinnaavaat.
Imm. 4. Angallatinik nutaanik inuutissarsiutigalugu aalisarnermut piniarnermullu tamakkiisumik annertungaatsiartumilluuniit atugassamik pissarsiniarnermi, tunisassiornermut periarfissanik piorsaanermut atatillugu aalisarnermik ineriartortitsinissamik pisariaqartitsiffiusuni periarfissaqarfiusunilu, imm. 2 malillugu taarsigassarsiat angissuseqarsinnaapput Kalaallit Nunaanni angallatip pisiarinerani akiata 35%-ia tikillugu. Taamaattoqartillugu piumasarineqarpoq angallatip nunap immikkoortuani taaneqartumi taarsigassarsisup aalajangersimasumik najugaqarnissaa angallatillu angerlarsimaffeqarnissaa.
Imm. 5. Angallatit nutaat aalisarnermik piniarnermillu inuutissarsiuteqarnermut atugassatut pissarsiariniarneqartut taamaallaat imaluuniit anneremik Kalaallit Nunaanni sanaajusut inuutissarsiutitigut tapersiisarnermi ataatsimiititaliamit piffissami aalajangersimasumi immikkut ittumik angallatip akiata 5%-ianik erniaqanngitsumik taarsersugassaanngitsumillu taarsigassarsisitsivigineqarsinnaapput.
Imm. 3. naapertorlugu taarsigassarsiaritinneqarsimasut tak. imm. 4 angallatip pissarsiarineqarnerani akia taarsigassarsiat erniaqaratillu taarsersugassaanngitsut immikkut ittut ilanngaatigereerlugit naatsorsorneqartassapput. Inuutissarsiutitigut tapersiisarnermi ataatsimiititaliap aalajangersakkap uuma atulereernerata kingorna nalilissavaa taamaattunik taarsigassarsisitsisarnerup ingerlatiinnarneqarnissaa tunngavissaqarnersoq.§ 7. Inuutissarsiutigalugu angallatinut allanngortiterinissamut iluarsaanermullu imaluunniit piniutinik, motorinik, sillimanermut atortussanik allanilluunniit teknikimut tunngasunik atortunik angallatinut taamaattunut atortussanik pissarsiniarnermi taarsigassarsisit sisoqarsinnaavoq qularnaveeqqusiisoqarluniluunniit atorniartarfinni namminersortuni taarsigassarsinissamut ukiut quliit tikillugit taarsersugassamik.
Imm. 2. Pitsanngorsaanernut annertunerusunut, annertunerusumik maskiinanik taarsersuinermi aamma sillimaniarnermut atortunik imm. 1 malillugu taarsigassarsiamut atatillugu erniaqanngitsumik taarsersugassaanngitsumillu taarsigassarsisitsisoqarsinnaavoq. Taarsigassarsiat taamaattut aningaasartuutit tamarmiusut annerpaamik 30%-erisinnaavaat.§ 8. Angallatip aalisarnermut, piniarnermut imaluunniit inuutissarsiutinik allanik siunertaqartup ingerlanneranut akiligassarsiniartarfinni namminersortuni taarsigassarsianut qularnaveeqqusiineqarsinnaavoq. Suliffissuaqarneq, niuerneq aamma assassorluni sulisartoqarneq il.il.
§ 9. Sullivinnik inuutissarsiorfinnik sananissamut tigusinissamut, alliliinissamut, pisariillisaanissamut aammalu sanaartukkanik allannguinissamut aammalu pissutsini immikkut ittuni sulliviup ingerlannissaanut pisariaqartumik inissatut illuliornissamut imaluunniit illunik tigusinissanut, taamatullu maskin-anik, atortussanik taamaaqataannillu inuutissarsiummi pigisariaqakkanik pisinissamut taarsigassarsisitsisoqarsinnaavoq imaluunniit akiligassarsiniartarfinni namminersortuni taarsigassarsianut qularnaveeqqusiisoqarsinnaalluni.
Imm. 2. Illunut allanullu pigisanut aalaakkaasunut inuutissarsiutinik ingerlatsiviusunut taarsigassarsisitsineqarsinnaavoq imaluunniit qularnaveeqqusiisoqarsinnaalluni ukiuni 25-ini taarsersugaassanik. Maskin-anut, atortulersuutinut taamaaqataannullu taarsigassarsiat qularnaveeqqutillu taarsersorneqarfissaat sivisunerpaamik ukiut 10-usinnaapput.
Imm. 3. Siunertanut imm. 1-imi taaneqatunut erniarqanngitsunik taarsersorneqartussaanngitsunillu taarsigassarsisitsisoqarsinnaavoq.
Imm. 4. Imm. 3 naapertorlugu taarsigassarsiat sanaassamut imaluunniit pisassamut aningaasartuutit annerpaamik 60%-iannik angissuseqarsinnaapput.§ 10. Ikiorsiissutit § 9 naapertorlugu tunniunneqarsinnaasut pingaartumik inuutissarsiorfinnut avammut nioqquteqarnissaq siunertaralugu tunisassiortunut imaluunniit Kalaallit Nunaannut eqqunneqartaraluartunik nioqqutissiortunut, imaluunniit allatigut inuutissarsiornerup suliffissaqartitsiniarnerullu ineriartortinniqarnerinut immikkut iluaqutaasunut tunniunneqartassapput.
Imm. 2. Allat tungaanniit naammattunik naammaginartunik piumasaqaatitalinnik aningaasanik pissarsiassaqannginnerata annertussusia naapertorlugu suliffissuaqarnermi, niuernermi assassorlunilu sulisartoqarnermi imaluunniit inuutissarsiutinut peqqussumik immikkut taaneqarsimanngitsuni sullivinnut § 9 naapertorlugu ikiorsiissutinik tunisineqarsinnaavoq. Aamma taamatut annertutigisumik § 9 naapertorlugu Kalaallit Nunaanni kommune-t taarsigassarsisinneqarsinnaapput inuutissarsiutigalugu suliffinnik kalaallinut namminersortunut attartortinnissaat tuninissaalluunniit siunertaralugu sanaassanut imaluunniit allanit tigusassanut atugassanik.§ 11. Suliffiit, inuutissarsiutini § 9-mi 10-milu taaneqartut, ingerlannerinut akiligassarsiniartarfinni namminersortuni taarsigassarsiassanut qularnaveeqqusiineqarsinnaavoq.
§ 12. Allat tungaannit naammattunik naammaginartunik piumasaqaatitalinnik aningaasanik pissarsiassaqannginnerata annertussusia naapertolugu iluarsaassinissanut pigisallu aningaasanik nalillit pitsanngorsarnissaannut § 9 imaluunniit § 10 naapertorlugu taarsigassarsisitsissutigineqarsinnaasunut imaluunniit qularnaveeqqusiiffigineqarsinnaasunut taarsigassarsisitsineqarsinnaavoq ukiut 10-t tikillugit taarsersugassanik.
Uumasuuteqarneq, tuttuuteqarneq ass.
§ 13. Illut inuutissarsiornermut atorneqartat uumasuuteqarnermut assigisaannullu tunngasut sananeqarnerinut, pisiarinerinut allineqarnerinulluunniit tamatumunngalu atatillugu piginnittup, atuisup, pisortaatitap ikiortilluunniit illuuliuunneqarnerinut illussarsissunneqarnerinulluunniit atugassanik taarsigassarsisitsineqarsinnaavoq imaluunniit akiligassarsisarfinnit namminersortunit ingerlanneqartunit taarsigassarsianut qularnaveeqqusiineqarsinnaalluni.
Imm. 2. Imm. 1 naapertorlugu taarsigassarsiat qularnaveeqqusiissutillu taarsersorneqassapput ukiut 25-it tikillugit sivisussuseqartumik.
Imm. 3. Siunertanut imm. 1-imi taaneqartunut erniaqanngitsunik taarsersugassaanngitsunillu taarsigassarsisitsineqarsinnaavoq.
Imm. 4. Imm. 3 naapertorlugu taarsigassarsiat annerpaamik sanaartornermut imaluunniit pisinermut aningaasartuutit 60%-erisinnaavaat. Sanaartukkat uumasuuteqarnermik inuutissarsiuteqarnermut atugassat nammineerluni sananeqarpata taamaattoq atortussanut aningaasartuutit 90%-ii tikillugit erniaqanngitsunik taarsersugassaanngitsunillu taarsigassarsisitsisoqarsinnaavoq. Savaateqarnermik inuutissarsiuteqarniarluni namminersorluni aallartittup savaateqarnermut tunngatillugu illutat aamma suliffissat nammineq sanassagaangagit sanaanut atortussat akiisa 95-ii ernialersugaanngitsutut akilersugassaanngitsutullu taarsigassarsiaritinneqarsinnaapput.
Imm. 5. Imm. 4 naapertorlugu taarsigassarsianut atasumik taarsigassarsisitsisoqarsinnaavoq imaluunniit qularnaveeqqusiineqarsinnaalluni assassorluni sulisartunik ikiorteqartariaqarsimanermut aningaasartuutit 90%-ii tikillugit.
Imm. 6. Tamanna suliariniakkap piviusunngortinneqarnissaanut pisariaqartutut isigineqarpat erniat akilersuutissallu akilernissaat kinguartikkallarneqarsinnaavoq taarsigassarsisoqarneranit ukiut pingasut tikillugit.§ 14. Uumasuutissanik, tamakkununnga ilanngullugit savanik, tuttunik, uumasuutinik ameerniutaasartunik aammalu maskin-anik, sakkunik assigisaannillu pissarsinissamut taarsigassarsisitsisoqarsinnaavoq imalaunniit akiligassarsisarfinnit namminersortunit taarsigassarsianut qularnaveeqqusiisoqarsinnaalluni.
Imm. 2. Piffissaq taarsigassarsiat qularnaveeqqusiissutilluunniit akilersorneqarfissaat annerpaamik ukiunik 10-nik sivisussuseqarsinnaavoq.
Imm. 3. Erniat akilersugassallu akilernissaannik § 13, imm. 6-imi aalajangersakkat malillugit kinguartitsineqarallarsinnaavoq.§ 15. Nunamik pitsanngorsaalluni sulianut, aamma naggorissaanermut ujaraajaanermullu aamma imerterisarfiliornermut, ungalulersuinermut assigisaannullu atugassanik taarsigassarsisitsisoqarsinnaavoq imaluunniit tarsigassarsianut qularnaveeqqusiisoqarsinnaalluni ukiut 20-it tikillugit akilersorneqartussaasunik.
Imm. 2. Nunamik pitsanngorsaalluni sulianut atugassanik erniaqaratillu taarsersugassaanngitsunik taarsigassarsisitsisoqarsinnaavoq aningaasartuutit 60%-ii tikillugit.
Imm. 3. Nunamik pitsanngorsaanermut narsaammik marraasarterilluni kussiorlunilu atugassanik taarsigassarsianik imaluunniit qularnaveeqqutinik akilersuinissaq ukiut 12 tikillugit sivisussuseqartussatut aalajangerneqarsinnaavoq.
Imm. 4. Nunamik pitsanngorsaanermut kalk-ilersuinermut naggorissaasersuinermullu atugassanik taarsigassarsianik imaluunniit qularnaveeqqutinik akilersuinissaq ukiut tallimat tikillugit sivisussuseqartussatut aalajangerneqarsinnaavoq.§ 16. Nunalerinermi, tuttuuteqarnermi ass. sulliviit ingerlannerinut atugassatut akiligassarsisarfinnit namminersortunit ingerlanneqartunit taarsigassarsiat qularnaveeqqusiiffigineqarsinnaapput.
§ 17. Pigisat aningaasanik nalillit §§ 13-15 malillugit taarsigassarsisitsinikkut qularnaveeqqusiissuteqarnikkulluunniit pissarsiarineqarsinnaasut iluarsaannerinut pitsanngorsarnerinulluunniit atugassanik ikiorsiisoqarsinnaavoq taarsigassarsianik qularnaveeqqusiinernilluunniit ukiut 10-t tikillugit akilersorneqartussanik.
Ineriartortitsinermut tapiissutit.
§ 18. Aalisarnermut Suliffissuaqarnermullu Naalakkersuisup aalajangiineratigut inuutissarsiutinik ingerlataqartut peqatigiiffii tapiissuteqarfigineqarsinnaapput ingerlatsiniarnermut, ilinniartitsinermut tunngasunut siunertanulluunniit taakkua assigisaannut allanut aammalu peqatigiiffiit siunnersuisartunik akissarsiaqartitsinerinut atugassanik.
§ 19. Aalisarnermut Suliffissuaqarnermullu Naalakkersuisoq pilersitsisinnaavoq imaluunniit ikiorsiissuteqarsinnaalluni misiliinerit inuutissarsiutit ineriartortinneqarnissaannik siunertaqartut naammassiniarnissaannut.
Kapitali 4.
Ikiorsiissutit annertussusii suunerilu.§ 20. Sullivinnut ataasiakkaanut kapitali 3 naapertorlugu ikiosiissutit siunertamut aningaasartuutit 90%-iinik annertussuseqarsinnaapput taamaallaat imm. 2-mi aamma imm. 5-imi taaneqartut pinnagit.
Imm. 2. § 6-imi aamma § 9, imm. 1-imi taaneqartutut siunertanut aamma angallatinik inuutissarsiutigalugu aalisarnermut piniarnermullu atorneqartunik annertunerusumik pitsangorsaanermi annertunerusumillu maskiinanik taarsersuinermi, kapitali 3 naapertorlugu tapersiissutit siunertamut aningaasartuutit 95%-erisinnaavaat.
Imm. 3. Kapitali 3 naapertorlugu ikiorsiissut angallammik atornikumik, ukiut qulit sinnerlugit pisoqaassusilimmik, pissarsiniarnermi annerpaamik aningaasartuutit 85%-ii tikillugit annertutigitinneqarsinnaavoq, angallat ukiut 15-it sinnerlugit pisoqaassuseqarpat pissarsiarineqarnerani akiata 80%-ia tikillugupat pissarsiarineqarnerani akiata 80%-ia tikillugu.
Imm. 4. Siunertanut § 6, imm. 5-imi taaneqartunut annerpaamik ikiorsiissutaasinnaasut angallatip pissarsiarineqarnerani aningaasartuutit aalajangersagaq manna najoqqutaralugu taarsigassarsiat erniaqaratillu taarsersugassaanngitsut immikkut ittut ilanngaatigereernerisa kingorna.
Imm. 5. Savaateqarnermik inuutissarsiuteqalerniartoq namminersorluni aallartikkaangat tarsigassarsiat § 13, imm.1, § 13, imm. 5, § 14, imm. 1 aamma § 15, imm. 1-imi taanerqartunut atugassat ataatsimut aningaasartuutit 95%-iinik annertussuseqarsinnaapput.§ 21. Atorniartarfinni namminersortuni kapitali 3 naapertorlugu taarsigassarsiarineqarsimasunut ernialinnut erniaq annikillisarniarlugu erniatigut tapiissuteqartoqarsinnaavoq.
Imm. 2. Ingerlatsinermut taarsigassarsianut erniatigut tapiissuteqartoqarsinnaavoq taarsigassarsianut peqqassutip matuma suli atortunngortinneqannginnerani taarsigassarsiarineqarsimasunut.§ 22. Taperseeriaasissap qinerneqarnerani erniatigut tapiissutitaqanngitsumik qularnaveeqqusiineq inuutissarsiutitigut tapersiisarnermi taarsigassarsisitsinermit siulliuneqartassaaq, siuliani taaneqartut ataatsikkut atorneqartillugit ernialinnik taarsigassarsisitsineq erniaqanngitsunik taarsersugassaanngitsunillu inuutissarsiutitigut tapersiisarnermi taarsigassarsisitsineq siulliuniarneqartassaaq.
Imm. 2. Qularnaveeqqusiinermi inatsisit allat atuuttut naapertorlugit qularnaveeqqusiisoqarsinnaanera paasiniarneqartassaaq.
Imm. 3. Taarsigassarsinermi aatsaat qularveeqqusiisoqarsinnaavoq aningaaseriviit, sparekasset atorniartarfiillu allat pisortanit nakkutigineqartut taarsigassarsiffigineqarpata.
Kapitali 5.
Ikiorsiissuteqarnermut patsisissaatitat.§ 23. Taarsigassarsiat nalinginnaasut ernialersorneqarlutillu naafferartumik akilersorneqassapput maleruagassat Aalisarnermut Suliffissuaqarnermullu Naalakkersuisumit aalajangersarneqarsimasut malillugit. Taarsigassarsiat agguaqatigiissaaganngorlugit tunniunneqarsinnaapput.
Imm. 2. Inuutissarsiutinut ikiorsiisarnermut ataatsimiititaliap akiligassaqartut inuutissarsiutinut ikiorsiisarnermi taarsigassarsiaasa ernialinngitsuugaanissaannut akuerisinnaavai piumasaqaat (akiligassaq) sallunaveeqqusiussap inuutissarsiutinut ikiorsiisarnermut ataatsimiititaliamit tiguneqarneratigut, umiiartoqarneratigut imaluunniit sallunaveeqqusiussap allanik pissuteqartumik akiligassalimmit pigineerunneratigut sallunaveeqqusiussaq atorlugu qularnaarlugu isumannaarneqarsimanngippat, aammalu inuutissarsiutinut ikiorsiisarnermut ataatsimiititaliaq isumaqarpat akiligassalik ilumut pisinnaanngitsoq pisinnaalernavianngitsorluunniit piumasaqaatip (akiligassap) erniatullu akiligassanngortut utertillugit akilernissaannut.§ 24. Taarsigassarsiat erniaqaratillu akilersugassaanngitsut nalikillilerneqassapput piffissami pigisap aningaasanik nalillip piusinnaaffissaatut ilimagineqartup sivisoqataani. Tamatuma saniatigut pissarsiniarneq pillugu nalinginnaasumik taarsigassarsisitsisoqarsimappat imaluunniit tarsigassarsianut qularnaveeqqusiisoqarsimappat taarsigassarsiat erniaqanngitsut akilersugassaanngitsut taava piffissami taarsigassarsiat nalinginnaasumik akilersugaaffissaanni nalikillilerneqassapput.
Imm. 2. Pigisaq aningaasanik nalilik pineqarsimasoq piffissami taarsigassarsianik nalikillileriffiusumi inatsisini tunngavissiissutaasut malillugit naatsorsuutigineqartutut atorneqanngippat, imaluunniit taarsigassarsinermi imaluunniit nalinginnaasumik taarsigassarsianut imaluunniit taarsigassarsinermut qularnaveeqqusiinermi ataatsikkut tunniunneqarsimasinnaasuni piumasaasunik sumiginnaaneqarsimappat, taava aningaasat nalikillileriffigineqanngitsut utertillugit akilerneqassapput. Taamaattoq aalajangerneqarsinnaavoq taarsigassarsiat atuutiinnassasut, immaqa soorlu ima patsisissaqartitsilluni aningaasat sinneruttut siunissami taarsigassarsiatut nalinginnaasutut ernialersorneqarlutillu akilersorneqassasut.§ 25. Aatsaat aningaasat qularnaallisaaserneqarpata taarsigassarsisitsisoqarlunilu qularnaveeqqusiineqassaaq.
Imm. 2. Ingerlatsinermut taarsigassarsianut akiligassarsianullu (kreditter) qularnaveeqqusiissutit immikkut qularnaallisaaserneqaratik atugassiissutigineqarsinnaapput sulliviup inuutissarsiutinik ineriartortitsinermut pingaaruteqarnera aamma suliffissaqartitsiniarnermut taamatullu inuutissarsiutinut ikiorsiisarnermut ataatsimiititaliap sullivimmut akuliussimanera ima annertutigisimappat tamanna illersorneqarsinnaasutut isigisariaqarluni, aammalu qularnaallisinneqarsinnaappat sulliviup siunissami inuutissarsiutinut ikiorsiisarnermut ataatsimiititaliamut pisussaaffini eqqortissinnaassagai.§ 26. Ingerlatsinermut taarsigassarsianut qularnaveeqqusiineq sivisunerpaamik ukiut 10-t ingerlanerini isumannaarniarneqassaaq sapinngisamillu taarsigassarsiat ilaannaannut killilimmik qularnaveeqqusiineqassalluni.
Imm. 2. Sanaartorniarluni siunertanut taarsigassarsianut qularnaveeqqusiineq isumannaarniarneqassaaq sivisunerpaamik ukiuni taarsigassarsiat tamakkua taamaaqataannik siunertallit peqqussummi aalajangersarneqartutut sivisunerpaamik akilersorneqarfissaattut sivisutigisumik.§ 27. Sullivinni kapitali 3 naapertorlugu ikiorsiissuteqarfiusuni piginneqatigiiffinni (aktieselskabini, anpart- imaluunniit andelsselskab-ini) piginneqataassutissanik (aktie-t, anpart-it imaluunniit andelit) pisisoqarsinnaavoq killilimmik akisussaaffilikkanik.
Imm. 2. Aktie-nik, anpart-inik andele-nilluunniit imm. 1 naapertorlugu peqalernikkut aktie-t, anpart-it andel-illu ataatsimut aningaasartaasa 50%-ii qaangerlugit pissarsiarinissaat ajornarpoq.
Imm. 3. Atite-nik, anpart-inik andele-nilluunniit pisisitsinerni piumasarineqarsinnaavoq Kalaallit Nunaanni Namminersornerullutik Oqartussat piginneqatigiiffiup siulersuisuini sinniiseqassasut.
Imm. 4. Aktie-nik, anpart-inik andele-nillu pisisitsinermut tunniussinermullu atatillugu aalajangersarneqarsinnaavoq inuit inuussutissarsiutinik ingerlataqartut Kalaallit Nunaanni aalajangersimasumik najugallit aammalu selskab-it taamaaqataallu Kalaallit Nunaanni aalajangersimasumik angerlarsimaffillit aktie-nik, anpart-inik andel-inillu pisinissaminnut salliutinneqassasut.
Imm. 5. Aalajangerneqarsinnaavoq selskab-ip aktie-nut, anpart-inut imaluunniit andel-inut aningaasaliissutit akilerneqarsimasut 6%-annik anginerusoq iluanaarutisiatut aggornersiarititatulluunniit akiliutigisassanngikkaa.§ 28. Aalisarnermut Suliffissuaqarnermullu Naalakkersuisoq taarsigassarsianut, qularnaveeqqutinut, aamma aktie-nik, anpart-inik imaluunniit andel-inik pisinermi piumasaqaatinut ilassutissat pillugit malittarisassanik aalajangersaasinnaavoq.
Kapitali 6.
Taarsigassarsiat akilersorneri, pillaammik ernialiussat, aamma akiligassanik akiliinissamik kinguartitsineq kiisalu akiitsuiaarnermut aaqqissuussinerit.§ 29. Taarsigassarsiat ima ikiliartuaartinneqassapput ukiuni akilersuiffissatut aalajangerneqartuni ukiut tamaasa akiligassat assigiimmik angissusilikkat akilersorneqassallutik imaluunniit nalikilliliiffigineqartassallutik.
Imm. 2. Ikiorsiissutit akiligassarsisitsisarfimmit namminersortumik taarsigassarsianut imaluunniit akiligassarsianut qularnaveqqusiissutitut immaqaluunniit erniat tapiissutitut tunniunneqarsimappata, taarsigassarsiat imaluunniit akiligassarsiat ikiliartuaartinneqassapput taarsigassarsinermi pineqartumut isumaqatigiissummi aalajangersakkat naapertorlugit.§ 30. Pigisanut aningaasanik nalilinnut qularnaallisaaneqarsimatillugu inuutissarsiutinut ikiorsiisarnermut ataatsimiittitaliaq akiligassanik akilersuinissamik naammaginartumik kinguart itsisinnaavoq taarsigassarsisitsinermi piumasaqaatinut naapertuuttumik ernialiinikkut, qaammatit 1 2-ikkuutaartarlugit sivisunerpaamik ukiut 5-it tikillugit, taava taarsigassarsianik taarsersuinissat siunissami angeqqatigiiaartumik akilersorneqarsinnaassammata taamaalillunilu akiligassat kingulliit akilerneqareersimasariaqassallutik kingusinnerpaamik ukiut 5-it qaangiutinnginnerini.
§ 31. Inuutissarsiutinut ikiorsiisarnermut ataatsimiititaliaq akiligassat akilerneqarnissaannik kinguartitsisinnaavoq ernialerlugit § 30-mi pineqartutut piumasaqaatitalinnik, annerpaamilli ukiut marluk tikillugit.
§ 32. Ikiorsiissutit qularnaveeqqutitut tunniunneqarsimatillugit akiligassarsisitsisartoqarf ik pineqartoq akilersuinissamik kinguartitsisinnaavoq, akiligassarsisitsisartoqarf iup inuutissarsiutinullu ikiorsiisarnermut ataatsimiititaliap erseqqinnerusumik isumaqatigiissuteqarnerat malillugu.
§ 33. Aalisarnermut Suliffissuaqarnermullu Naalakkersuisumut saqqummiussereerluni ataatsimiititaliaq, taarsigassarsisitsinermi qularnaallisitsisimaneq naatsorsuutigalugu, akiligassanik akilersuinissamik kinguartitsisinnaavoq taarsigassarsianik akilersuinissamik killiliussat peqqussummi aalajangersarneqartut saniatigut.
§ 34. Ikiorsiissutinik pissarsisoq akilersuutit kinguartikkallarnissaannut qinnuteqaammik tunniussaqareerpat, pillaammik ernialiineqassanngilaq, inuutissarsiutinut ikiorsiisarnermut ataatsimiititaliaq aalajangeereertinnagu.
Imm. 2. Akilersuutit kinguartinneqarnissaannik nalunaaruteqarnerup kingorna pillaammik ernialiineqassanngilaq.
Imm. 3. Pisuni allani, akiligassat ulloq akilerneqarfissat kingusinnerpaamik qaammatip ataatsip qaangiunnerani akilerneqarsimanngippata, pillaammik ukiumut 6%-imik ernialiineqassaaq.§ 35. Inuutissarsiutinut ikiorsiisarnermut ataatsimiititaliaq Naalakkersuisut akuersissuteqarnerisigut akiligassanik isumakkeerisinnaavoq imaluunniit sulliviup peqqussut manna imaluunniit inuutissarsiutinut ikiorsiinermut aalajangersakkat siusinnerusukkut atuuttut naapertorlugit ikiorsiivigineqarsimasup akiligassanik nungutitsinermut atasumik immikkut ittumik tapiissuteqarsinnaalluni.
Imm. 2. Imm. 1-imi aalajangersagaq taanna atorneqarsinnaavoq uppernarsisinneqarsinnaappat siunissami sulliviup taarsigassarsiami akilersornissaannut pisussaffini taamaasilluni eqqortissinnaassagai.§ 36. Angallammik atorunnaarsitsinermut atasumik inuutissarsiutitigut tapersiisarnermi ataatsimiititaliap erniaqanngitsoortitsinissamik akuersissuteqarsinnaavoq aamma inuutissarsiutitigut tapersiisarnermi akiligassat akilersorneqarnissaannut kinguartitsisinnaalluni peqqussut una imal. inuutissarsiornermik ikiorsiisarneq pillugu aalajangersakkat siusinnerusukkut atuuttut malillugit ikiorsiiffigineqarsimasumut. Kiisalu aamma inuutissarsiornermik ikiorsiisarnermut ataatsimiititaliap naalakkersuisunik akuerineqarlutik taamma angallammik atorunnaarsitsinermit atasumik pissutsini immikkut ittuni akiitsunik nalikilliliisinnaavoq (isumakkerfiginnissinnaavoq).
Imm. 2. Immikkoortoq 1 naapertorlugu taamaallaat tapersiisoqarsinnaavoq angallatinut atorsinnaajunnaarsinneqarsimasunut pisoqaassutsimikkut piffissamik taarsersuiffissamik sivisunerpaajusumik nutaap pisoqaliartorneranut sanilluinneqarsinnaasunut, aamma ilimagineqarpat angallat aningaasatigut imminut akilersinnaasumik ingerlanneqarsinnaajunnaartoq aammalu teknikkikkut aningaasatigullu naliliinermi angallatip iluarsaannissaa imminut akilersinnaasorinarani.
Imm. 3. Imm. 1 malillugu taamaallaat tapersiisoqarsinnaavoq taarsigassarsiniartoq nutaamik nutaajunerusumilluunniit inuutissarsiutigalugu aalisarnermut piniarnermullu atugassamik taarsigassarsiniartillugu angallammut atorsinnaajunnaartutut isumaqarfigineqartumut taartissamut.
Imm. 4. Imm 1. malillugu taamaallaat tapersiisoqarsinnaavoq taarsigassarsiniartup angallamminik ingerlatsisimanera tunulequtaralugu aamma angallammut nutaamut pisusaaffinnik tigusinermi angallatip aalisarnikkut teknikkikkullu atorsinnaassusia eqqarsaatigalugu qularnaateqanngippat taarsigassarsisup taarsigassarsinermini pisussaaffini angallammut nutaamut siunissami naammassisinnaagaa.
Imm. 5. Imm. 1 malillugu ernianik akiliinngitsoortitsisinnaaneq akiligassanillu kinguartitsisinnaaneq ukiut tallimat tikillugit atortuutinneqarsinnaavoq, tamatuma kingorna akiligassaq taarsigassarsinermi piumasarineqartut malillugit ernialersorneqassaaq angallammullu taarsigassarsiaq taarsersorneqartussaalluni piffissamit taarsersuiffissamit sivisunerunngitsumik taarsersorneqarluni angallammut pissarsiarineqarsimasumut atorsinnaajunnaarsinneqartutut taarsiunneqartumut.
Imm. 6. Imm. 1 malillugu taperserneqarnermi angallammut atorsinnaajunnaarsinneqartumut taarsigassarsiat sallunaveeqquserneqarnissamut angallammut atorsinnaajunnaarsinneqarsimasumut taarsiunneqartup nalinga iluaqutigalugu.
Imm. 7. Imm. 1 malillugu tapersiinissamut neriorsuut atortussaajunnaarsinneqassaaq piffissakkut inuutissarsiutitigut ataatsimiititamit killigitinneqartoq suli naanngitsoq angallat atorsinnaajunnaarsinneqanngippat.
Imm. 8. Kapitali 3 najoqqutaralugu angallammik taartissatut angallatitaarnissamut taperserneqarneq, tassunga imm. 1 malillugu tapersiisoqarsimatillugu, aatsaat piviusunngortinneqarsinnaavoq inuutissarsiutitigut tapersiisarnermi ataatsimiititaliamut uppernarsarneqarsinnaappat taarsigassarsiniartup angallatigisaa atorsinnaajunnaarsinneqartoq.
Kapitali 7.
Ikaarsaarnermi atortuulersitsinermilu aalajangersakkat.§ 37. Manna tikillugu inuutissarsiutitigut tapersiisarnermi maleruagassat najoqqutaralugit taarsigassarsiaritinneqarsimasut imaluunniit allatut tapersiissutigineqarsimasut ataatsimiititaliamit nakkutigineqassapput taperserneqarnermi piumasarineqartutut aalajangersakkat naapertorlugit. Ataatsimiititalli aalajangersinnaavaa peqqussummi matamani taarsigassarsiamut tapiissummullu aalajangersakkat atuutsinneqarnissaat taperserneqartumut iluaqutaasorinarnerutinneqarpat.
§ 38. Namminersornerullutik Oqartussat Inatsisartut peqqussutaata inuutissarsiutitigut tapersiisarnermut tunngasup nr. 4, 20. november 1984-imeersup atulerneratigut taarsigassarsianut qularnaveeqqusiinernulluunniit inuutissarsiutinut ikiorsiissutit pillugit maannamut atuuttut naapertorlugit tunniunneqarsimasunut atasumik naalagaaffimmit pisinnaafigineqarsimallutillu pisussaaffigineqarsimasunut pisinnaatitaaffeqalerlutillu pisussaaffeqartuulerput. Taamaattoq pisussaaffiit 1. januar 1985 sioqqullugu pisut naalagaaffimmit pisussaaffigineqaannassapput. Naalagaaffik Namminersornerullutik Oqartussat tungaannut aningaasartuutinik taama pisussaaffeqarnerup kinguneranik akilerneqarsimasunik atortitsinissamut piumasaqarsinnatitaavoq.
§ 39. Peqqussut manna atortuulerpoq 1. januar 1987.
§ 40. Peqqussutip matuma atortunngortinneqarnera ilutigalugu inatsisartut peqqussutaat nr. 4, 20. november 1984-imeersoq inuutissarsiutitigut tapersiisarnermut tunngasoq atorunnaarsinneqarpoq. Inatsisartut peqqussutaat manna najoqqutaralugu inuutissarsiutitigut tapersiisarneq pillugu nalunaarutinngortinneqarsimasoq aamma inuutissarsiutitigut tapersiisarneq pillugu kaajallaasitat atortuutiinarneqassapput peqqussut manna najoqqutaralugu aalajangersagaliortoqarnissaata tungaanut.
Nuuk, ulloq 13. november 1986
Jonathan Motzfeldt/
Moses Olsen