Inatsisartut peqqussutaat nr. 3, 11. november 1986-imeersoq meeqqanut akilersuutit il.il. pillugit Inatsisartut peqqussutaata nr. 9-p 28. oktober 1982-imeersup allannguutaa pillugu.

 

§ 1.

Meeqqanut akilersuutit il.il. pillugit Inatsisartut peqqussutaata nr. 9-p 28. oktober 1982-imeersup makku allannguutigissavai:

a) § 2 imm. 1 imatut oqaasertaqassaaq:
"§ 1, imm. 2, nr. 1 - 5-imi tunniunneqarsinnaasut imatut angissuseqarput, tak. § 21:
1) Akilersuutit nalinginnaasut ukiumut kr. 6.276,-.
2) Anaanaasup erninissaq qaammatinik marlunnik sioqqullugu erninerullu kingorna qaammat ataaseq ilanngullugu pilersorneqarnissaanut akilersuutit kr. 417,- qaammammut.
3) Erninermut atatillugu akilersuutit kr. 395,-.
4) Meeqqap kuisinneranut atatillugu akilersuutit kr. 526,-.
5) Meeqqap apersortinneranut atatillugu akilersuutit kr. 2.092,-.

b) § 5, imm. 3 atorunnaarpoq.

c) § 5 imm. 4, 5-ilu immikkoortunngussapput 3 aama 4.

d) § 21, imm. 1- imi "1975" "1984"-ngorpoq.

e) § 21, imm. 2-mi "§ 2 nr. 2" allanngortinneqassaaq "§ 2, nr. 1"-nqorlugu.

 

§ 2.

Peqqussut manna atulerpoq 1. januar 1987.

Namminersornerullutik Oqartussat, ulloq 11. november 1986.

Jonathan Motzfeldt

/

Aqqaluk Lynge