Inatsisartut peqqussutaat nr. 2, 11. november 1986-imeersoq Pisortat annertussusileriikkanik ikiorsiisarnerat pillugu Inatsisartut peqqussutaata nr. 11-ip 1. november 1982-imeersup allannguutaa pillugu.

 

§ 1.

Inatsisartut peqqussutaanni nr. 11-imi 1. november 1982-imeersumi pisortat annertussusileriikkanik ikiorsiisarnerat pillugu peqqussummi Inatsisartullu peqqussutaatigut nr. 2-kut 20. oktober 1983-imeersukkut, nr. 3-kut 19. november 1984-imeersukkut kiisalu nr. 1-ikkut 21. februar 1985-imeersukkut allanngortinneqarsimasup allannguutissaa imaappoq:

§ 12, imm. 3 imatut oqaasertaqassaaq:
Sulinnginnerit imm. 2-mi taaneqartut erninerup nalaani sulinnginnertut naatsorsuunneqassanngillat, tamakku naartunerup pissusissamisut ingerlannginneranik nappaammilluunniit naartunermut attuumassuteqanngitsumik patsiseqarpata. Tamanna nakorsamit atsiukkamik uppernarsaaseqquneqarsinnaavoq. Sulinnginnerit allat tamarmik naartunerup erninerullu nalaani sulinnginnertut naatsorsorneqassapput.

 

§ 2.

Peqqussut manna atulerpoq 1. januar 1987.

Namminersornerullutik Oqartussat, ulloq 11. november 1986.

Jonathan Motzfeldt

/

Aqqaluk Lynge