Kalaallit Nunaanni Namminersornerullutik Oqartussat "akinik misissuisarnerit" pillugit nalunaarutaat nr. 36 16. november 1986-imeersoq.
Atuisartunut pisisartunullu siunnersuisartoqatigiit, tuniniaasarneq, nalunaaqutsersuineq, akit aamma atuisartunut pisisartunullu maalaaruteqartarfittut ataatsimiititaliat pillugit Inatsisartut inatsisaat nr. 10, 13. november 1986-imeersoq naapertorlugu uku aalajangersarneqarput:
§ 1. Niuernermut Angallannermullu Pisortaqarfik pisinnaatinneqarpoq akinut iluanaarutinullu, nioqqutissanut aamma sullivinnut aalajangersimasunut tunngasunik, misissuisarnissanut kiisalu taakkua inernerisa tamanut tusagassiarineqartarnissaannut.
§ 2. Akinik misissuinerit nioqqutissakkuutaartut imaluunniit kiffartuussissutit aalajangersimasut pillugit ingerlanneqarsinnaapput, aammalu piffinnut toqqarneqarsimasunut tunngatinneqarsinnaallutik. Piffimmi misissuineq pissaaq ullormi pisortaqarfiup aalajangersimasaani.
§ 3. Pisortaqarfiup atuisartunut pisisartunullu tunngasumik ataatsimiititaliat imaluunniit allat pisinnaatissinnaavai paasissutissat pissarsiariniarnissaannut. Sulinermut taamaattumut honorarisiaqartitsisoqarsinnaavoq.
§ 4. Inuit pisinnaatitsissummik tunineqartut pisiniarfiit initaannut nalinginnaasunut akornutissaqanngitsumik akornusersorneqaratillu isersinnaassapput.
§ 5. Ingerlassivik, ingerlassivimmi paasissutissanik pissarsiarineqartunik, immersukkap nuutsinneqarneratigut, ilisimatinneqassaaq. Pisiniarfiup pisortaata tamanna uppernarsassavaa kiisalu akinut paasissutissat eqqortuunerat, immersugassavimmi atsiornikkut, uppernarsassallugu.
§ 6. Immersugassavik pisinnaatitsissumik tunineqarsimasumit erngersumik, Niuernermut Angallannermullu Pisortaqarfiup suliarinneqqinnissaa pilluqu, nassiunneqassaaq. pisortaqarfiup inernerit tamakkiisumik ilaannakortumilluunniit tamanut, immaqa kisitsisitigut suliarinertal igaasumik, takusassiarineqarnissaat isumag issavai.
§ 7. Tamanut takussusiaq, piffissamik paasiniaaffiusumik nalunaarinniffiusussaq, sulliviit susaqarfiilIu aqqinik ilaqartinneqartussaq, pisinnaavoq radiokkut tv-kulluunniit tusagassiinikkutjtakusassiinikkut, atuagassiani illoqarfinni ataasiakkaani imaIuunniit nuna tamakkerlugu atuuttuni allaaserinninnikkut imaluunniit naqitat immikkut ittut saqqummersinneqarnerisigut.
Kalaallit Nunaanni Namminersornerullutik Oqartussat, ulloq 16. november 1986
Josef Motzfeldt/
Fl. Bolų