Namminersornerullutik Oqartussat nalunaarutaat nr. 35, 29. december 1986-imeersoq 1987-imi kinguppanniarsinnaanermut akuersissutinut tunngasoq.

Inatsisartut inatsisaaani nr. ll-mi 21. november 1984imeersumi inuutissarsiutigalugu aalisarnermut tunngasumi §§ 8, imm. 1 aamma 3, 9, 10, 12 aamma 14 najoqqutaralugit aalajangersarnerqarpoq.

 

§ 1. Nalunaarut Kalaallit Nunaata aalisarfittaani inunnut piginneqatigiiffinnullu kalaallit angallataannik inuutissarsiutigalugu kinguppanniarnermi ingerlataqartunut atuuppoq, tak. inatsisartut inatsisaanni inuutissarsiutigalugu aalisarnermut tunngasumi § 3.
Imm. 2. Nalunaarummi angallatit angissusii allassimapput uuttueriaatsit inatsit nr. 203-mi 18. maj 1977-imeersumi umiarsuarnik uuttuisarnermut tunngasumi aamma maleruagassani siusinnerusukkut atuuttuni aalajangersakkat naapertorlugit.

§ 2. Angallat sunaluunniit atorlugu kinguppanniarsinnaaneq akuersissummik tunngaveqartinneqassaaq.
Imm. 2. Akuersissut qaammatisiutit malillugit ukiuusumut qinnutigineqarlunilu tunniunneqartassaaq. Qinnuteqarnissamut killigititaq Naalakkersuisunut ilaasortamit aalajangersarneqartassaaq. Qinnuteqaat qinuteqarnermi immersugassamut Inuutissarsiornermi Pisortaqarfimmi pissarsiarineqarsinnaasumut immersorneqassaaq.
Imm. 3. Angallatit umiarsuarmi tunisassiorsinnaanermut akuersissuteqarfigineqartut kinguppanniarsinnaanermut akuersissuteqarfigineqarneranni piumasarineqassaaq pisamik agguarnerisa aalajangersimasut nunami tunisassiorfinni tunisassiassanngorlugit nunniguttassagaat.
Imm. 4. Akuersissurnmi piumasarineqarsinnaavoq pisat tunisassiorfinnut aalajangersimasunut tunineqartarnissaat.
Imm. 5. Nalunaarutip immikkut ittup kalaalit aalisariutaasa inuttalersugaaneranut tunngasup atulersinneqarnissaata tungaanut akuersissuteqarnermi piumasarineqarpoq minnerpaamik angallatip inuttaasa 70%-iisa Kalaallit Nunaani ukiuni kingullerni marlunni najugaqarsimanissaat najugaqartuarnissaallu kalaallinullu inuiaqatigiinnut aalajangersimasumik attuumassuteqarnissaat, uppernarsaatissaqartillugu aalisarnermik inuutissarsiuteqavinneq. Piumasaqaatip naammassineqarsimaneranut uppernarsaatit usingiareernerit tamaasa ullut 14-it qaangiutsinnagit Kalaalit Nunaanni Aalisarsinnaanermut Akuersissutinik Naakutilliivimmut nassiunneqartassaaq inuttaasunut pisanullu allattuiffissap immersorneqarneratigut, tasunga ilanngunneqassaaq aalisarsinnaanermut aallagartap normua.
Imm. 6. Immikkut pissutissaqartillugu Naalakkersuisunut ilaasortap imm. 3-miit 5-imut piumasarineqartut atunngitsoortissinnaavai.

§ 3. Angalatit 80 BRT-illit annerusulluunniit (angallatip uuttuinermut allagartaa uppernarsaataaluunniit malillugu) akuersissutaani allanneqassaaq angallammut aammajimaluunniit umiarsuaatileqatigiinnut pisarineqarsinnaasut annertussusii.
Imm. 2. Angallatit 80 BRT-init minnerusut (angallatip uuttuinermut allagartaa uppernarsaataaluunniit malillugu) akuersissutaani allanneqassaaq angallammut aammajimaluunniit umiarsuaatileqatigiinnut pisarineqarsinnaasut annertussusii.
Imm. 3. Akuersissummi pisat annertussusissai piffissanut sumiiffinnullu agguataarneqarsinnaapput, soorlu aamma akuersissut tamarmiusoq piffissamut alajangersimasumut atortussanngortinneqarsinnaasoq.
Imm. 4. l-imiit 3-mut aalajangersakkatut taaneqartuni akuersissuteqarnissamut piumasarineqartuni tunngavigineqassapput pisassarititaasinnaasut annertussusiisa nalilerneqarnerat, angallatit pisaqarsinnaassusii aamma nunap suatungaani aalisarnermik ineriartortitsinissap pitsaanerusussia.
Imm. 5. l-imi pisassarititaasunut aalajangersarneqarsimasut annertussusii Naalakkersuisunut ilaasortamit aaqqiivigineqarsinnaapput, pisassarititaasut tamarmiusut aalajangiivigineqarnerini Naalakkersuisunut ilaasortap naliliinera malillugu aaqqiissuteqarnissaq pisariaqarsorinartinneqarpat. Taamatut aaqqiisoqarsinnaavoq piffissat sumiiffiilluunniit aalajangersimasut eqqarsaatigalugit. Taamatuttaaq piffissat sumiiffiilluunniit imm. 3-mi aalajangersarneqarsimasut pillugit Naalakkersuisunut ilaasortaq aaqqiissuteqarsinnaavoq.
Imm. 6. Aalisarneq unitsinneqassaaq
1) pisassarititaasut imm. 1 malillugu aalajangerneqarsimasut pisarineqarpata,
2) imm. l-imiit 3-mut qanoq iliuusissatut aalajangersarneqarsimasut malinneqartussanngortillugit imaluunniit
3) pisassatut akuersissutigineqartut tamarmiusut (TAC) pisarineqarpata.
Aalisarnerli kingusinnerpaamik unitsinneqassaaq taanna pillugu Naalakkersuisunut ilaasortap radiokkut tusagassiuutitigulluunniit nalunaaruteqarpat. Taamatut nalunaaruteqarneq piffissanut sumiiffinulluunniit aalajangersimasuinnarnut tunngasuteqarsinnaavoq.
Imm. 7. Uuttuinermut allagartaq malillugu angallat 80 BRT-iuppat annerulluniluunniit akuersissut umiarsuarmiitinneqassaaq.

§ 4. Akuersissut allamut tunniunneqarsinnaanngilaq.
Imm. 2. Akuersissummik piginnittup toqunerani, piginneqatigiiffiup akuersisummik piginnittup atuukkunnaarnerani angallatilluunniit akuersissummik piginnittup annaanneqarsinnaajunnaarluni umiunerani akuersissut atorunnaarsinneqassaaq, isumaliutigineqarsinnaallunili paasineqarpat piumasarineqareersimasut nutaamik akuersissuteqarnissamut naammassineqarsimanersut.
Imm. 3. Akuersissummik tunniussaqarnermi piumasarineqartut allannguuteqarsimappata, tassunga ilanngullugu piginnittuusut allannguuteqarneranni, tamanna Naalakkersuisunut Ilaasortamut akuerisassanngorlugu saqqummiunneqassaaq.

§ 5. Nalunaarummi matumani aalajangersakkanik unioqqutitsineq akiliisitaanermik aamma/imaluunniit akuersisummik arsaagaanermik kinguneqarsinnaavoq. Suliassallu tassunga tunngasuteqartut Inatsisartut inatsaanni inuutissarsiutigalugu aalisarnermut tunngasumi maleruagassat malillugit suliarineqartassapput.

§ 6. Nalunaarut manna atuutilerpoq 1. januar 1987.
Imm. 2. Nalunaarutip atuutilerneratigut Naaminersornerullutik Oqartussat nalunaarutaat nr. 14, 11. april 1986-imeersoq kinguppanniarsinnaanermut akuersissutinut 1986-imut tunngasoq atorunnaarsinneqarpoq.

Nuuk, ulloq 29. december 1986.

Moses Olsen

/

Einar Lemche