Namminersornerullutik Oqartussat nalunaarutaat nr. 32, 22. september 1986-imeersoq tikaagullinniarnermut tunngasoq.
Inuutissarsiutigalugu piniarnermut aallaaniaarnermullu inatsisartut inatsisaanni nr. 12, 22. november 1984-imeersumi § 4-mut naapertuuttumik aaliangerneqarpoq:
§ 1. Tikaagulliit Kalaallit Nunaata aalisarnikkut imartaani piniarneqarsinnaapput taamaallaat piffissami 1. april-imiit 31. december ilanngullugu.
Imm. 2. Imm. 1 malillugu piniarsinnatitaapput inuit Kalaallit Nunaanni najugaqarlutik aaliangersimasumik inuiaqatigiinnut kalaallinut attaveqartut, inuutissarsiutigalugu piniarsinnaanermut aallaaniarsinnaanermullu akuerineqarlutik kommunemit najugaqarfimminnit uppernarsaammik tunineqarsimasut.
Imm. 3. Tikaagulliit ataasiakkaarlutik sikkussimasut imaluunniit sassani akuusut imm. 1-imi aaliangersagaq apeqqutaatinnagu januarimi, februarimi martsimilu pisarineqarsinnaapput.§ 2. Tikaagulliit taamaallaat pisarineqarsinaapput qamutilimmik minnerpaamik 50 mm-imik kaliber-ilimmik. Toqulertornissaat anguniarlugu qamutilinneqareernerisa kingorna qoorortuut 7,62 mm-mik annermilluunniit kaliber-illit atorneqarsinnaapput.
§ 3. Aalisarnermi suliffissuaqarnermilu naalakkersuisoq § 2-mi aaliangersakat sanioqqunneqarnissaannut akuersissuteqarsinnaavoq, akuersissutigalugu tikaagulliit amerlassusii aaliangereerneqarsimasut - amerlanngitsulli - pisarineqarsinnaasut, tamatumanilu makku patsisissaatillugit:
a) taamaaliornisamut qinnuteqaat kommunalbestyrelsemit najukkamilu aalisartut piniartullu peqatigiiffiannit akuereqquneqassaaq,
b) uppernarsarneqassaaq arfanniarneq inooqatigiinnut arfaniarniat inooqataaffigisaanut aningaasatigut,
c) annertuumik pingaaruteqartussaasoq, nutaamik neqitugassaqarnissaq ima pingaartigisoq najukkami aalisariutit qamutilillit neqitugassaqartitsinissamut naammagatik.
Imm. 2. Immikkut akuersissuteqarnissamut makku patsisissaatitaapput:
a) piniarneq ataatsimoorullugu piniarnertut aaqqissuunneqassaaq, piniarnermilu ataatsimi angallatit ikinnerpaamik tallimat peqataassallutik,
b) piniarnermi qoorortuut minnerpaamik 7,62 mm-imik kaliberillit atorneqassapput (qoorortuuaqqat, timmiarsiutit kiisalu qoorortuut ingerlaannartumik eqqarsinnaasut atorneqarnissaat inerteqqutaavoq),
c) angallatit tamnarmik immikkut unaanik, allunaartaannik (minnerpaamik 12 mm-isut silitsigisunik) kiisalu puttaqutinik naammattunik peqartinneqassapput, taamaaliornikkat tikaagulliit kivisittuunnginnissaat sillimaffiginiarlugu,
d) ataasimoorluni piniarnermi peqataasussat piniarnerup aallartinnisaa pillugu kalerrinneqareersinnagit piniarneq aallartineqassan-
ngilaq,
e) tikaagullik sapinngisamik piaartumik toqunneqassaaq.§ 4. 1986-imi 1987-imilu Kitaani tikaagulliit pisarineqarsinnaasut amerlanerpaamik 220-ussapput.
Imm. 2. Ukiut imm. 1-imi taaneqartut tamaasa immikkut tikaagulliit Kitaani pisarineqarsinnaasut amerlanerpaamik 130-ussapput.§ 5. Tikaagullinnik pisaqarnerit ingerlaannarlutik pisaqartunit (ataatsimoorluni piniartoqartillugu najukkami aalisartut piniartullu peqatigiiffiannit) kommunemut nalunaarutigineqartassapput. Kommune nalunaarsuuteqassaq, takuuk nalunaarutip matuma ilanngussartaa. Nalunaarsuut nassiunneqassaaq Inuutissarsiornermi Pisortaqarfik, Box 269, 3900 Nuuk, qaammatit aallartinneri tamaasa, tassanilu nalunaarutigineqassaaq qaamatip siuliani tikaagulliit qassit pisarineqarsimanersut.Nalunaarsuummut ilanngunneqassapput piniartut tikaagullissimanitik pillugit nalunaarutaat, takuuk nalunaarut arfernik pisaqarneq persataqarnerlu pillugit nalunaruteqartarnissamut tunngasoq. Pisassat tamakkerneqangajalerpata Inuutissarsiornermi Pisortaqarfiup sapaatip akunnikkuutaartumik nalunaaruteqartarnissaq piumasarisinnaavaa.
§ 6. Naalakkersuisunut ilaasortap radiokkut tusagassiuutitigullu tikaagullittassat tamakkerneqarnerat nalunarutigisinnavaa.
Imm. 2. Naalakkersuisunut ilaasortaq taamatut nalunaaruteqareeraangat qaammatisiutit malillugit ukiumi tassani tikaagullinnik tikaagulleqqittoqarsinnaanngilaq.§ 7. Nalunaarummi aalajangersakkanik unioqqutitsinerit akiliisitsissutaasinaapput aammalu kommunep ataatsimoorluni piniarnissamut immikkut akuersissutaanik arsaarinnissutigineqarsinnaallutik tamakku pillugit suliassat inuutissarsiutigalugu piniarnermut aallaaniarnermullu inatsisartut inatsisaanni aaliangersakkat malillugit suliarineqartassapput.
§ 8. Nalunaarut tamanut nalunaarutigineqarnermini atortuulerpoq. Peqatigitillugu tikaagullinniarneq pillugu landsrådip ileqqoreqqusaa 4. oktober 1974-imeersoq landsrådip ileqqoreqqusatigut 5. februar 1976-imeersukkut aamma landsrådip ileqqoreqqusaatigut 1. december 1977-imeersukkut allanngortinneqarsimasoq atorunnaarpoq.
Nuuk, ulloq 22. september 1986
Moses Olsen/
Einar Lemche