Namminersornerullutik Oqartussat nalunaarutaat nr. 31, 22. september 1986-imeersoq arfertanut persatanullu tunngasoq.

Inuutissarsiutigalugu piniarnermut aallaaniarnermullu inatsisartut inatsisaanni nr. 12, 22. november 1984-imeersumi §§ 6 og 7 naapertorlugit makku aaliangersarneqarput:

 

§ 1. Nalunaarut tikaagullinnik, arfernillu tikaagullinnit anginerusunit pisaqarnermut atatillugu atuuppoq.

§ 2. Arferit § 1-imi taaneqartut pisarineqareeraangata tulaanneqareeraangatalu makku nalunaarutigineqartassapput:
1) Arfeq pillugu:
a) Sorliunera.
b) Takissusia. - Arferup takissusia malillugu narlusuumik uutorlugu. Uuttorneqassaaq sarpiata kiggaaniit kakkiviaata nuuanut.
c) Arnaviaanersoq angutivianersorluunniit.
d) Arnaviaappat: Immussaqarfimmini immoqarnersoq, illaaqarnersoq, taamaassimappallu illaava qanoq takitiginersoq aammalu arnaviaanersoq angutiviaanersorluunniit.
e) Aqajarormiui.
2) Piniarneq pillugu:
a) Angallatip aqqa aammaa GR-normua (ataatsimoorluni pinianerni: Pujortuleeqqat atii GR-normuilu imaluunniit angallateeqqat qassiuneri).
b) Piniartup aqqa (ataatsimoorluni piniarnermi: Piniartut aqqi).
c) Piniarfiup sumiissusia ( allorniusat sanimukaartut /ammukaartut atorlugit imaluunniit feltkode atorlugu, takuuk Kalaallit Nunaanni aalisakkanik avatangiisinillu misissuisoqarfiup feltkodekortiutai, imaluunniit sumiiffia allatut ililluni aatsuugassaajunnaarlugu nalunaarlugu).
d) Ulloq piffissarlu suna pisaqarsimaneq.
e) Sumi pilassimaneq.
f) Ulloq piffissarlu suna pilassimaneq.
3) Pisap sumut atorneqarnera pillugu:
Neqip ilaa qanoq annertutigisoq nammineq atorneqarsimanersoq, najukkami tunineqarsimanersoq imaluunniit nioqqutissiorfinnut tunineqarsimanersoq.

§ 3. Arferit § 1-imi taaneqarsimasut persanneqarsimappata tulaanneqaratilli makku nalunaarutigineqassapput:
a) Arferup sorliunera.
b) Angallatip atia GR-normualu (ataatsimoorluni piniarnerni: Pujortuleqqat aqqi imaluunniit angallateeqqat qassiuneri).Piniartup atia (ataatsimut
c) piniaarnermi, aqqi).
d) Arfeq sumi persanneqarsimanersoq (allorniusat sanimukaartut/ammukaartut atorlugit imaluunniit feltkode atorlugu, takuuk Kalaallit nunaanni aalisakkanik avatangiisinillu misissuisoqarfip feltkodekortiutai_, imaluunniit sumiiffia allatut ililluni paatsuugassaajunnaarlugu nalunaarlugu).
e) Ulloq piffissarlu persataqarsimaneq.

§ 4. Paasissutissat §§ 2-mi aamma 3-milu taaneqartut piniartumit (ataatsimoorluni piniarnermi: Najukkami aalisartut piniartullu peqatigiiffiannit) sapinngisamik piaartumik kommunep allaffianut nassiunneqartassapput, takuuk nalunaarutip matuma ilanngussartaa.

§ 5. Nalunaarummi aaliangersakkanik unioqqutitsineq akiliisitaanermik kinguneqarsinnaavoq.

§ 6. Nalunaarut tamanut nalunaarutigineqarnermini atortuulerpoq. Peqatigitillugu Kalaallit Nunaanut ministereqarfiup arfernik pisaqarnerit nalunaarutigineqartarnissaat pillugu nalunaaruta nr. 485, 30. november 1979-imeersoq atorunnaarpoq.

Nuuk, ulloq 22. september 1986

Moses Olsen

/

Einar Lemche