Namminersornerullutik Oqartussat nalunaarutaat nr. 29, 29. august 1986-imeersoq "raajakarsimi" kilisassinnaatitaanermut tunngasoq.

Inuutissarsiutigalugu aalisarneq pillugu inatsisartut inatsisaanni nr. 11, 21. november 1984-imeersumi § 12 mallillugu aaliangerneqarpoq:

 

§ 1. Allorniusat 68°00N-ip aamma 70°45N-ip akornanni 56°00W-ip kangiani "Raajakarsimi" kinguppanniarsinnaatitaaneq pillugu nalunaarut.

§ 2. Kinguppanniartoqarsinnaavoq angallataannaat  kinguppannik uutiterivissatut sananeqarsimanngitsut atorlugit.

§ 3. Piffissami 1. sepbember 1986 ilanngullugu  aallartittumi angallatit 80 BRT/BT 80-init annerusut annertunerpaamik 850 tonsinik igeqqitat ilanngullugit kinguppassinnaanissaat aaliangersarneqarpoq.
Imm. 2. Imm. 1-imi pisassat annertussusissaattut aaliangersarneqartut kilisaatinit 200 BRT/BT 200-nit minnerusunit taamaallaat kilisanneqarsinnaatitaapput.

§ 4. "Raajakarsimi" kilisaatinit akuerineqarsimasunit pisassarititaasut tamakkerneqarpata kilisanneq unitsinneqassaaq. Tamannalu pillugu Aalisarnermi Suliffissuaqarnermilu naalakkersuisoq radiokkut tusagassiuutitigullu nalunaaruteqassaaq.

§ 5. Nalunaarummi aaliangersakkanik unioqqutitsineq akiliisitaanermik akuersissummilluunniit arsaarinninnermik kinguneqarsinnaavoq. Suliat tassunga tunngassuteqartut inuutissarsiutigalugu aalisarneq pillugu inatsisartut inatsisaanni nr. 11, 21. november 1984-imeersumi aaliangersakkat malillugit suliarineqartassapput.

§ 6. Nalunaarut atuutilerpoq 1. september 1986. Taanna ilutigalugu Namminersornerullutik Oqartussat nalunaarutaat nr. 1, 11 marts 1986-imeersoq allorniusat 68°00N-ip aamma 70°45-ip akornanni 56°00W-ip kangiani   kinguppanniarnermut tunngasoq atorunnaarsinneqarpoq.

Nuuk, ulloq 29. august 1986.

Moses Olsen

/

Einar Lemche