Aningaaserivinni il.il. ernianit isertitat il.il. akileraarutinut tunngatillugu nakkutigineqarnerat pillugu Namminersornerullutik Oqartussat nalunaarutaat nr. 28, 23. august 1986 -imeersoq.
Aningaasarsianit akileraarutat pillugit Inatsisartut inatsisaanni § 94 A, imm. 2, § 94 B imm. 2 aamma § 121, imm. 3 naapertorlugit imaattut aalajangersarneqarput:
Kontoqarfiit nalunaaruteqartarnerat pillugu aalajangersakkat assigiinngitsut
§ 1. § 94 A imm. 1 naapertorlugu nalunaarut imaqassaaq kontoqartup aqqanik, najugaanik, inuup normuanik (cpr.nr.) imaluunnnt piginneqatignffiup akileraartartutut normuanik (skr.nr.).
Imm. 2. Nalunaaruteqartussaanermut aamma ilaapput kontot il.il. ukiup ingerlanerani atorunnaarsinneqartut.
Imm. 3. Pissutissaqartillugu aammalu § 94 A naapertorlugu paasissutissat pingaaruteqanngikkaangata kontot ataasiakkaat imaluunnnt ataatsimoortut imaluunnnt kontot ilaat aalajangersimasumik ilusillit nalunaarutigineqartussaatitaasut nalunaarutigineqanngitsoorsinnaatitaapput imaluunnnt taakkununnga tunngatillugu nalunaaruteqartussaatitaaneq annikillisinneqarsinnaalluni, aammalu aningaasat nalunaarutigineqartussat amerlassusiisa ammut killingat aalajangerneqarsinnaalluni.
Imm. 4. Nalunaaruteqartussaatitaasup kontoqartoq §94 A imm. 1 tunnqavigalugu nalunaarutigineqartup angissusia pillugu ilisimatissîavaa. Kontoqartoq kingusinnerpaamik qaamatisiutit malillugit ukiup nalunaaruteqaataasussap tulliani 1. februar nalunaarfigineqassaaq.
Kontoqartut Kalaallit Nunaata avataani najugaqarallartut imaluuniit najugaqartut
§ 2. Kontot § 94 A imm. 1-imi pineqartut inunnit, piginneqatigiffinnillu peqatiqiiffinnillu il.il. Kalaallit Nunaata avataani najugaqartunit imaluuniit najugaqarallartunit imaluuniit qaammatit 3 sinnerlugit Kalaallit Nunaanniissimanngitsunit pigineqartut pillugit inuup normua imaluuniit akileraartartup normua aatsaat nalunaarutigineqassaaq kontoqartoq normumik taamaattumik tunineqarsimappat. Aamma kontoqartup aqqa, najugaa nunalu najugaqarfia nalunaarutigineqassapput. Danmarkimi imaluunniit Savalimmiuni najugaqarallarneq najugaqarnerluunniit Kalaallit Nunaata avataani najugaqarnertut naatsorsuunneqassaaq.
1-imik ilisarnaaserlugu konto pilersinneqassaaq.
Kontoqartut Kalaallit Nunaanni najugaqarallartut imaluunnnt najugaqartut
§ 3. Kontomik § 94 B imm. 1-imi pineqartumik pilersitsisup paasissutissat tunniussani uppernarsassavai kontoqarfimmut kinaassutsimut uppernarsaammik (ID-kort) imaluunnit inuup normuanut uppernarsaammik imaluunnnt pisortat uppernarsaasiussaannik allamik takutitaqarnermigut. § 94 B imm. 1-imi taaneqartutut inuup normuanut imaluunnnt aki leraart art ut ut normumut tunngasumik paasissutissiinermut atatillugu kontoqartup aqqa najugaalu nalunaarutigineqassapput.
Imm. 2. Kontotaarniartoq paasissutissanik imm. 1-imi pineqartunik paasissutjsseereertinnagu konto pilersinneqarsinnaanngilaq.
Imm. 3. Paasissutissat imm. 1-imi pineqartut kontoqartup ilisanneqarnissaanut pisariaqartut allanngorpata kontoqartoq pisussaavoq qaammat ataaseq qaangiutsinnagu allannguut pillugu kontoqarfiusumut nalunaaruteqarnissaminut.
Imm. 4. Piginneqatigiiffinnut , peqatigiiffinnut, aningaasaateqarfinnut kontoqartunullu allanut inuup normuanik peqarat illuunniit akileraartartutut normumik pigisaqanngitsunut tunngatillugu siulittaasup allalluunnnt kontoqartoq sinnerlugu iliuuseqarsinnaatitaasup inuttut normua nalunaarutigineqassaaq. 2-mik konto ilisarnaaserneqassaaq.
Aningaasaatit taarsigassarsiellu paarsaralugit nakkutigineqartut pillugit nalunaaruteqarneq
§ 4. Aningaaseriviit il.il. § 94, imm. 1-imi taaneqartut kajumissaarneqaqqaanngikkaluarlutik ukiut tamaasa akileraarusi inermut atugassanik akileraarusennermi pisortanut aningaasaatit il.il. pilugit nalunaarutigisassavaat nalingi, taakua erniaat kiisalu taarsigassarsiat ukiup siuliani erniaat.
Imm. 2. Paasissu 11 ssnsussaaneq aamma aningaasaatinut ukiup ilaannaani paarineqartunut attartortinneqartunulluunnnt atuuppoq.
Imm. 3. § 1, imm. 3-mi 4-milu maleruagassiat pigisanut taarsigassarsiarititanullu makkununnga taamatut atuupput.
Atortussanngortitsinermi aalajangersakkat
§ 5. Nalunaarut ukioq aningaasarsiorfik 1986 aallarnerfigalugu atortuulerpoq.
Imm. 2. Nalunaarutip matuma Namminersornerullutik Oqartussat nalunaarutaat nr. 6, 22. januar 1985-imeersoq atorunnaarsippa.
Imm. 3. Akileraartarnermi Pisortaqarflup paasissutissnsussaanermup piviusurmgortinneqarnissaanut maleruagassiat erseqqinnerusut aalajangersassavai.
Namminersornerullutik Oqartussat, 23.august 1986
Hans-Pavia Rosing/
Kaare Hagemann