1987-imi akileraarutitigut naligiissaanissaq aammalu kommunenut ataatsimut akileraarutip agguataarneqarnissaa pillugit Namminersornerullutik Oqartussat nalunaarutaat nr. 27, 23. august 1986-imeersoq.

Aningaasarsianit akileraarutit pillugit Inatsisartut inatsisaanni § 82, imm. 2, § 83 aammalu § 85 naapertorlugit aalajangersarrieqarpoq:

 

§ 1. Kommuneni inummut ataatsimut agguaqatigiissitanik akileraarutitigut isertitat assigiinngissutaasa naligiissarneqarnissaat aammalu kommunenut ataatsimut akileraarutip agguataarneqarnissaa anguniarlugit kommunet ataani taaneqartut 1987-imi ima tapiissuteqarfigineqassapput:

Nanortalik	kr.   9.511.946
Qaqortoq	kr.   7.721.058
Narssaq	kr.   4.221.679
Paamiut	kr.   7.710.731
Maniitsoq	kr.   6.486.366
Sisimiut	kr.   7.330.062
Kangaatsiaq	kr.   7.258.107
Aasiaat	kr.   9.030.342
Qasigiannguit	kr.   5.205.358
Ilulissat	kr. 11.065.285
Qeqertarsuaq	kr.   2.067.733
Uummannaq	kr.   5.105.544
Upernavik	kr.   9.728.319
Avanersuaq	kr.   3.823.877
Tasiilaq	kr. 12.887.261
Ittoqqortoormiit	kr.   2.192.185

Imm. 2. Tapiissutit landskassemit akílerneqartassapput qaammatini tamani 1/12-iusut qaammati nut ataasiakkaanut tapiissutinut agguagassanut tapertaliullugit.

§ 2. Kommunet ataani taaneqartut 1987-imi imaattunik akiliuteqassapput:
Ivittuut ................... kr.    4.473.990
Nuuk ..................... kr. 19.871.863
Imm. 2. Akiliutissat landskassemut akilerneqartassapput ukiup qaammataaru tamani 1/12-iusut qaammatinut ataasiakkaanut tapiissutinit agguagassanit millilerutitut.
Imm. 3. Imm. 2 malillugu akiliutissat qaammammi tapiissutinit agguagass.anit annertuneruppata aningaasat qaammammi tapnssutinit annertunerussutaasut landskassemut akilerneqassapput qaammatip pineqartup aallaqqaataani.

§ 3. 1987-imi kommunenut ataatsimut akileraarummit agguataagassaapput 87.000.000 kr.-nit.
Imm. 2. Kommunenut ataatsimut akileraarut nuna tamakkerlugu akileraarutip akilersorneqartarneratut landskassemut akilersorneqartassaaq.
Imm. 3. Kommunenut ataatsimut akileraarummit  isertitat stk. 1-imi kisitsimmit aalajangerneqarsimasumit allaaneruppat nikingassut ukiumi tulliuttumi kommunenut ataatsimut akileraarutip agguataarneqarnerani iluarsiissutigineqassaaq.

Namminersornerullutik Oqartussat, 23.8.1986.

Hans-Pavia Rosing

/

Kaare Hagemann