Kalaallit Nunaata kitaani bundgarnit atorlugit saarullinniarsinnaanerup inerteqqutaalerneranik namminersornerullutik oqarussat nalunaarutaat nr. 25, 14. juli 1986-imersoq.

Inuutissarsiutigalugu aalisarneq pillugu inatsisartut inatsisaat nr. 11 21. november 1984-imeersumi § 14, imm. 1, b malillugu aaliangerneqarpoq:

 

§ 1. Kalaallit Nunaata kujaramut isuata kitaani aalisarfiusuni nalunaarut atortussanngortinneqarpoq.

§ 2. Bungarnit atorlugit saarullinniarneq tamarmi inerteqqutaavoq.
Imm. 2. Naalakkersuisunut ilaasortaq kangerluit avataanni immikkut akuersissuteqarneq atorlugu § 2-mi inerteqqummik atorunnaarsitsisinnaavoq, piffissami aaliangersimasumi imaluunniit saarulleqarfiusuni aaliangersimasuni atortussamik; saarulliit kinguaassiornerisa alliartornerisalu bundgarnit atorlugit saarullinniarnermik ajoquserneqannginnissaa uppernarsarneqarsinnaappat.
Imm. 3. Immikkut akuersissuteqarnerit radiokkut tusagassiorfitsigullu nalunaarutigineqartassapput.

§ 3. Nalunaarummi aaliangersakkanik unioqqutitsineq akiilisitaanermik kinguneqarsinnaavoq. Suliat tassunga tunngassuteqartut inuutissarsiutigalugu aalisarneq pillugu inatsisartut inatsisaanni aaliangersakkat malillugit suliarineqartassapput.

§ 4. Nalunaarut avaammut saqqummiunneqarnermini atuutilissaaq atuutissallunilu 31. december 1986 tikillugu.

København ulloq 14. juli 1986

Moses Olsen

/

Jørgen S.Søndergaard