Namminersornerullutik Oqartussat nalunaarutaat nr. 24, 2. juli 1986-imeersoq inuutissarsiutigalugu kapisilinnik pisineq pillugu.
Inuutissarsiutigalugu aalisarneq pillugu Inatsisartut inatsisaanni nr. 11 novemberip 21-ani 1984-imeersumi §§ 16 aamma 17 naapertorlugit aaliangerneqarpoq:
§ 1. "Kapisilinnik pisineq" nalunaarummi matumani ima isumaqarpoq: Inuutissarsiutigalugu kapisilinnik Kalaallit Nunaata nunataani imartaanilu aalisartunit toqqaannartumik pisineq pinerlu.
§ 2. Inuit ingerlatseqatigiillu (selskabet)il.il. kapisilinniarsinnaatitaasut kisimik pisiffigineqaqqusaapput.
Imm. 2. Kapisillit ukiumi ataatsimi kalaallinut pisassarititaasut anguneqareeraangata kapisilissisoqaqqusaanngilaq.
Imm. 3. Pisassarititaasut nungunneqarnerat Aalisarnermi Suliffissuaqarnermilu naalakkersuisumit radiokut avisitigullu nalunaarutigineqassaaq.§ 3. Tunitsivigineqartup ullormut pisiani tamatigut Akuersissutinut Nakkutilliivimmut nalunaarutigisassavai. Aalisakkanik killilersukkanik nalunaarsuiffitsigut, imm. 2 malillugu aammalu nalunaarasuarnikkut, imm. 3 malillugu.
Imm. 2. Aalisakkanik killilersukkanik pisanik nalunaarsuiffiit (nalunaarummut ilanngussaq) ullut tamaasa uunga nassiunneqartassapput: Akuersissutinut Nakkutilliivik, Box 501, 3900 Nuuk. Immersuinermi nalunaarfissamut kapisillit niaquernagit erlaviikkat kattullugit oqimaassusii naatsorsorneqartassapput angallatinit 30 fod angullugu aammalu 30 fod sinnerlugu takissusilinnit pisiat immikkut allallugit. Pisiat kattullugit oqimaassusiat 1,11-mik gange-rneqartassaaq allaffissamullu nalunaarutigalugu.
Imm. 3. Nalunaarasuartoqartassaaq uunga: GFLK (telefon nr. 2 32 99, imal. telex nr. 90400) arfininngorneq sapaallu pinnagit nal. 8.00-niit 11.00-p tungaanut (tallimanngornermi, arfininngornermi sapaammilu pisiat ataasinngornermi nalunaarutigineqartassapput). Angallatinit 30 fod angullugu aamma 30 fod sinnerlugu angissusilinit pisiat kattunneri immikkut 1,11-mik gange-rlugit nalunaarutigineqartassapput, imm. 2 malillugu.§ 4. § 2-mik unioqqutitsinerit imaluunniit § 3 malillugu paasissutissiinngitsoornerit akiliisitaanermik kinguneqarsinnaapput.
§ 5. Nalunaarut atulissaaq ullormi nalunaarfiusumi. Aamma ullormi tassani Namminersornerullutik Oqartussat nalunaarutaat nr. 20, 9. juli 1985-imeersoq inuutissarsiutigalugu kapisilinnik pisineq pillugu nalunaarutaat atorunnaarsinneqarpoq.
Nuuk, ulloq 2. juli 1986
Moses Olsen/
Einar Lemche
Ilanngussaq (pdf-format)