1986-imi kapisilinniarsinnaanermut akuersissutit pillugit Namminersornerullutik Oqartussat nalunarutaat nr. 23, 2. juli 1986-imeersoq.
Inuutissarsiutigalugu aalisarneq pillugu inatsisartut inatsisaanni nr. 11 21. november 1984-imeersumi §§ 7, 8,9,12 aamma 14 tunngavigalugit makku aaliangersarneqarput.
§ 1. Nalunaarut Kalaallit Nunaata kujammut isuata kitaani kapisilinniarnermut tunngavoq. Tunngaviusumikkilleqarfimmiit (basislinien) avammut 40 sømil-it avataani kapisilinniartoqaqqusaanngilaq.
§ 2. Akuersissummik tunineqarsimasut kisimik inuutissarsiutigalugu kapisilinniarsinnaatitaapput. Agguaassineq naapertuuttoq anguniarlugu aalisarnermi suliffissuaqarnermilu naalakkersuisoq iliuusissat nalunaarutip § 4-maani taaneqartut saniasigut KNAPK sioqqutsisumik isumaqatiginiareerlugu aaliangiisinnaavoq piniutinut, piniutit ilusaannut aaliangersimasunut imaluunniit piniariaatsinut inerteqqutinut tunngasunik, tusagassiuutitigut nalunaarutigineqarsinnaasunik.
Imm. 2. Kapisilinniarsinnaanermut akuersissut taamaallaat tunniunneqarsinnaavoq inunnut piginneqatigiinnullu il.il. inuutissarsiutigalugu aalisarnermik ingerlatsisunut. Akuersissut angallammut qinnuteqarnermi tunuliaqutaasumut tutsinneqartassaaq.
Imm. 3. Angallatit 80 BRT/BT 80-nik taannalu qaangerlugu takissusillit akuersissummik tunineqarsinnaanngillat.
Imm. 4. Angallatit angissusaannut uuttueriaaseq inatsit nr. 203 18. maj 1977-imi siusinnnerusukkullu aaliangersagaq nalunaarummi atorneqarpoq. Angallatip usitussiata allagartaa malillugu nalunaarummi killiliussatut piumasarineqartut aaliangiunneqartassapput.
Imm. 5. Nalunaarummi piumasarineqartut malillugit akuersissutinik tunineqarsinnaasut kommunenit allagartanik tunineqartassapput, kommunet aalisarnermi suliffissuaqarnermilu naalakkersuisoq sinnerlugu qinnuteqaatinik akuersisinnaatitaammata. Akuersissutinik tunineqartussat ataasiakkaat qanoq annertutigisunik pisassaqarsinnaatitaanerat kommunenit aaliangersarneqarsinnaatitaavoq.
Imm. 6. Qinnuteqaatinik itigartitsinerit aalisarnermi suliffissuaqarnermilu naalakkersuisumut nangitassanngorlugit suliassanngortinneqarsinnaapput uunga: Inuutissarsiornermi Pisortaqarfik, Box 269, 3900 Nuuk.§ 3. Kapisilinniarnermi pisassaritinneqartut ima killilersorneqarput (ilivitsukkaat).
a) Akuersissutinik tunineqarsimasut tamarmik pisassaritinneqartut 649 tons-it nungutserlugit kapisilinniarsinnaatitaapput.
b) Pisassaritinneqartut 649 tons-it nunguppata inuit, piginneqatigiiffiit il.il. 30 fod tikillugu angallatillit nangillutik kapisilinniarsinnaatitaapput kommuneni ataasiakkaani pisassaritinneqartut imatut agguataarneqartut malillugit:
Nanortalik kommune 20 tons Qaqortoq kommune 25 tons Narsaq kommune 20 tons Paamiut kommune 35 tons Nuuk kommune 30 tons Maniitsoq kommune 30 tons Sisimiut kommune 20 tons Kangaatsiaq kommune 15 tons Aasiaat kommune 20 tons Qasigiannguit kommune 10 tons Ilulissat kommune 10 tons Qeqertarsuaq kommune 15 tons Uummannaq kommune 5 tons Upernavik kommune 5 tons 260 tons Imm. 2. Aaliangersakkat malillugit pisarineqartut Kalaallit Nunaanni tunisassiorfinnut tulaassorneqassapput. Angallatit pisiffigineqartut suminngaannernersut tunisiffimmi allanneqartassaaq, taamaalilluni pisassat imm. 1.-imi taaneqartut qaangerneqannginnersut nakkutigineqarsinnaaniassammata.
§ 4. Pisassarititaasut taaneqartut naapertorlugit aalisarnerup kipinissaa aalisarnermi suliffissuaqarnermilu naalakkersuisumit nalunaarutigineqassaaq, isumaqarnarpat aalisarnerup taamaativinnginnerani pisassaritinneqartut tamarmik pisarineqareertussaasut. Pisat amerlassusissaat paasineqarpat annertussusissaatitamit § 3 imm. 1 b-mi taaneqartumik allaasoq annertussusissaatitat taaneqartut naapertuuttumik iluarsissuserneqassapput, imaluunniit pisassarititaasut tamakkerneqarsimappata atorunnaarsinneqarsinnaallutik.
Imm. 2. Pisassarititaasut § 3 imm. 1 b-mi taaneqartut tamakkerlutik pisarineqarnissaat anguniarlugu pissusiusut pisariaqartitsiffiisigut KNAPK sioqqutsisumik isumaqatiginiareerlugu aalisarnermi suliffissuaqarnermilu naalakkersuisup aaliangersinnaavaa najugarisani pisassarititatut aaliangikkat ilaat akuersissutinik pigisaqartunut tamanut pisassanngortitaasussat kommunenut agguaassinertaqanngitsumik.
Imm. 3. Iliuusissat imm. 1-imi 2-milu taaneqartut tusagassiuutitigut nalunaarutigineqassapput. Aalisarnerup kipinissaata nalunaarutigineqarnerata kingorna inuutissarsiutigalugu kapisilinniarneq tamarmi inerteqqutaavoq, aamma Kalaallit Nunaanni tuniniagassanik.§ 5. Kapisilinniarneq aamma kapisilinniarluni atortunik ningitsineq augustip 15-at nallertinnagu aallartinneqassanngilaq.
§ 6. Kapisilinniarneq taamaallaat qassutinik 140 nun-nik putui annertussusilinnik (tasillugit) ingerlanneqarsinnaavoq, putuisa annertussusiat 8 pct-imik nikingatinneqarsinnaatitaavoq.
Imm. 2. Qassutit putuisa uuttorneqarnerat pisarpoq aalisakkanik misissuisup putunut misissuutaata qasungasumik ikkunneratigut 1/2 kg-mik oqimaassusilimmik nivinngaavigalugu nakkartillugulu. Putut 20-it misissorneqassapput qimiaa akuttoqatigiimmik akuttussusilerlugu. Imm. 1-imi piumasarineqartut malillugit qassutit putoqqortussuseqassapput.§ 7. Nalunaarummi aaliangersakkanik unioqqutitsineq akiliisitaanermik / akuersissummilluunniit arsaarinninnermik kinguneqarsinnaavoq. Unioqqutitsinerit Inatsisartut aalisarnermi inatsisaanni aaliangersakkat malillugit suliarineqassapput.
Imm. 2. Unioqqutitsinermi akiliutit affaat naalagaaffiup aningaasaateqarfianut nakkartinneqassapput, affaalu Namminersornerullutik Oqartussanut akiliutigineqarlutik KNAPK-p ikiuutissanik aningaasaateqarfianut (Karl Egedep aningaasaateqarfia) pisussanngorlugit aalisartunut ikiuutissanngorlugit.§ 8. Nalunaarut saqqummiunneqarnermini atortuulerpoq. Ullormi tassani aamma Namminersornerullutik Oqartussat nalunaarutaat nr. 22 23. juli 1985-imeersoq kapisilinniarsinnaanermut akuersissutit pillugit nalunaarut atorunnaarpoq.
Nuuk, ulloq 2. juli 1986
Moses Olsen/
Einar Lemche