Namminersornerullutik Oqartussat nalunaarutaat nr. 22, 2. juli 1986-imeersoq Kalaallit Nunaanni fagini ataasiakkaaniraeeqqat atuarfiini inaarutaasumik aammalu inaarutaasumik annertusisamik misilitsinnissamik siunertaqartunik atuartitsineq pillugu.

Kalaallit Nunaanni sunngiffimmi sammisassaqartitsiniarneq pillugu Landstingip peqqussutaani nr. 7 oktoberip 16-iani 1979-imeersumi § 11, imm. 2 naapertorlugu maleruagassat makku aalajangersarneqarput:

 

Kapitali I.
Siunertaa.

§ 1. Fagini ataasiakkaani inersimasunut kursusertitsinermi siunertaavoq inuit pingaartumik 19-it qaangerlugit ukioqalereersimasut atuarfimmik qimatsereersimasut periarfississallugit inuttut ineriartornissamut aammalu periarfississallugit annerusumik ilinniagaqarnissamut piumasaasumik ilisimasassanik piginnaasariaqartunillu pissarsinissaannut.
Imm. 2. Neqeroorutigineqassaaq atuartitsineq meeqqatatuarfianni inaarutaasumik misilitsinnissanik siunertaqartoq (kap. 2).

 

Kapitali 2.
Meeqqat atuarfiini inaarutaasumik misilitsinnerit aammalu inaarutaasumik annertusisamik misilitsinnerit.

§ 2. Misilitsinnissamut piareersaataasumik atuartitsineq meeqqat atuarfianni inaarutaasumik misilitsinnissamik siunertaqartoq inersimasunik, pingaartumik 19-it qaangerlugit ukioqalereersimasunik, sunngiffimmi atuartitsinermut atasumik pilersinneqassaaq.
Imm. 2. Misilitsinnissamut piareesaartaasumik atuartitsinissaq meeqqat atuarfianni atuartitsinermut ataqatigiissinneqassaaq meeqqat atuarfiat pillugu Landstingip peqqussutaani § 4 naapertorlugu, tak. Kultureqarnermut atuartitsinermullu Pisortaqarfiup meeqqat atuarfiini sunngiffimmi sammisaqartitsineq pillugu kaajallaasitaa nr.14/80, kap. 4, ingerlanneqassallunilu meeqqat atuarfianni misilitsinnissamut piareersaataasumik atuartitsinertut allatulli.

§ 3. Misilitsinnissamut piareersaataasumik atuartitsineq meeqqat atuarfianni inaarutaasumik misilitsinnermik inaarneqarsinnaasoq aaqqissuunneqarsinnaavoq fagini: Kalaallisoorneq, qallunaatoorneq, kisitsineq/matematik, fysik/kemi, tuluttoorneq, tyskisoorneq, franskisoorneq, skrivemaskinamillu allanneq imaluunniit meeqqat atuarfianni inaarutaasumik annertusisamik misilitsinnissaq fagini: Qallunaatoorneq, kisitsineq/matematik,fysik/kemi, tuluttoorneq tyskisoornerlu.
Imm. 2. Atuartitsinerup siunertaa atuartitsissutissanut pilersaarusiani meeqqat atuarfiinut atortuni oqaatigineqarpoq.

§ 4. Atuartitsineq meeqqat atuarfianni inaarutaasumik misilitsinnissamik siunertaqartoq aaqqissuunneqarsinnaavoq ukiumi ataatsimi kursusernertut, ukiuniluunniit marlunni kursusernertut klasset aqqarnanni (franskisoornerli lantinerisoornerlu klasset aqqaneq aappaanni) aammalu klasset qulinganni aqqarnannilu atuartitaanermut naleqqutunngorlugu, nal. akunnerisa tamakkerlutik amerlassusilerneqarnissaat killissatut aalajangikkat ataani allassimasut iluanni pisussanngorlugu:

	ukioq ataaseq	ukiut marluk
kalaalliisut	180-240	360-480
qallunaatut	180-240	360-480
kisitsineq/matematik	120-160	240-320
fysik/kemi	60-80	120-160
tuluttut	120-160	240-320
tyskisut	120-160	240-320
franskisut	120-160	240-320
latinnerisut	120-160
skrivemaskinarneq	60-120

§ 5. Atuartitsineq meeqqat atuarfianni inaarutaasumik annertusisamik misilitsinnissamik siunertaqartoq aaqqissuunneqarsinnaavoq ukiumi ataatsimi kursusernertut, ukiuniluunniit marlunni kursusernertut klasset aqqaneq aappaanni aammalu klasset aqqarnanni aqqaneq aappaannilu atuartitaanermut neleqquttunngorlugu, nal. akunnerisa taraakkerlutik amerlassusilerneqarnissaat killissatut aalajangikkat ataani allassimasut iluanni pisussanngorlugu:

	ukioq ataaseq	ukiut marluk
kalaalliisut	180-240	360-480
qallunaatut	180-240	360-480
kisitsineq/matematik	120-160	240-320
fysik/kemi	60-80	120-160
tuluttut	120-160	240-320
tyskisut	120-160	240-320

§ 6. § 4 aamma 5 naapertorlugit kursusernermut peqataasinnaassagaanni peqataasussap tunngaviusumik atuarfimmi 9. klassemi fagit pineqartut pereersimassavai imaluunniit tamatumunnga nallersuuttumik inuusuttunik atuartitsinermi peqataasimassalluni imaluunniit allatigoorluni ilisimasassat pisariaqartut pissarsiarereersimassallugit.

§ 7. Misilitsinnissamik siunertaqartumik atuartitsinermi peqataasut §§ 4 aamma 5 naapertorlugit ukiup atuarfiusup naanerani misilitsinnissamut peqataajumallutik qinnuteqarsinnaapput, tak. Kultureqarnermut atuartitaanermullu Aqutsisut meeqqat atuarfianni inaarutaasumik misilitsittarnerit il.il. pillugit kaajallaasitaani 2/80-imi kap. II.
Imm. 2. Peqataasup ukiumut misilitsiffissami ataatsimi meeqqat atuarfianni inaarutaasumik misilitsinnissami aammalu inaarutaasumík annertusisamik misilitsinnissami fagi ataaseq ataatsikkut misilitsiffigisinnaanngilaa.

§ 8. Misilitsinniarluni nalunaarneq misilitsinnerullu ingerlanneqarnissaa meeqqat atuarfianni atuarnermilu kapitalimi uani pineqartumi assigiissapput piumaarlutillu atuarfinnut pisortaasup sulissutiginninneratigut Kultureqarnermi atuartitaanermilu Pisortaqarfiup najoqqutassatut aalajangigai naapertorlugit.

§ 9. Kursusernissamik kissaatigisat peqataaniartut ikippallaarnerat pissutigalugu pilersinneqarsinnaangippata peqataaniarlutik qinnuteqartut meeqqat atuarfianni sunngiffimmi sammisassaqartitsinermi misilitsinnissamut atatuartitsinermut innersuunneqarsinnaapput, tak. Kultureqarnermut atuartitsinermullu Aqutsísut meeqqat atuarfiini sunngiffimmi sammisassaqartitsineq pillungu kaajallaasitaanni 14/80-imi kap. 4, soorlumi aamma inersimasut 19 sínnerlugit ukiullit pisariaqartillugu meeqqatatuarfianni misilitsinnissamut piareersaataasumik nalinginnaasumik atuartitsinermut peqataatinneqarsinnaasut.
Imm. 2. Atuaqatigiit sunngiffimmi sammisassaqartitsinermi misilitsinnissamut piareesaataasumik atuartitassatut imaluunniit meeqqat atuarfianni atuartitassatut naatsorsuunneqassanersut aalajangerneqartassaaq atuaqatigiit aallartinneranni peqataasut amerlanersaasa qanoqukioqarneri najoqqutaralugit.

 

Kapitali 3.
Aalajangersakkat allat.

§ 10. Fagini ataasiakkaani atuartitsisarnermi allatigut makku piumasaqaataapput:
1) Pisortaasoq ingerlatsitsinermut atuartitsinermullu.pisariaqartunik piginnaassuseqassaaq.
2) Ilinniartitsisoq fagini pineqartuni ilinniartitsinissaminut pisariaqartumik piginnaassaaq, tak. pingaartumik § 13, imm. 4.
3) Atuartitsineq inini naleqquttuni pisariaqartunillu atortuuteqartuni ingerlanneqassaq.
4) Atuartitsineq akeqassanngilaq. Atuakkat ilinniartitsinermilu atortussat allat akeqanngitsumik peqataasunut atugassanngortinneqassapput.

§ 11. Holdit pilersinneqartassapput atuartitsinermi pineqartumi atuartut arfineq pingasuullutik atuartussarsiarineqarsimagaangata. Atuartitsineq unitsinneqartassaaq atuartut amerlassusiat agguaqatigiissillugu tallimanik ikinneruleraangata.
Imm. 2. Kultureqarnermut atuartitsinermullu Pisortaqarfiup aalajangersakkat imm. 1-imi pineqartut ikilileriffigineqarnissaat akuersissutigisinnaavaa, soorlumi Pisortaqarfiup aamma holdit marlunngortinneqarnissaat akuersissutigisinnaagaa peqataajumasut 20-nik amerlanerusut nalunaarsimappata.

§ 12. Nalunaarut manna atortussanngorpoq 1. august 1986.imi. Tamatumunnga peqatigitillugu Namminersornerullutik Oqartussat nalunaarutaat nr. 8 1. juni 1982- imeersoq atortussaajunnaarsitaavoq.

Nuuk, ulloq 2. juli 1986.

Stephen Heilmann

/

Hendrik Lennert