Namminersornerullutik Oqartussat nalunaarutaat nr. 19, 11. juni 1986-imeersoq aalisarnermut, piniarnermut aallaaniarnermullu uppernarsaatinut tunngasoq.

 

§ 1. Aalisarnermut, piniarnermut aallaaniarnermullu uppernarsaatit 1986-imi imaluunniit 1. marts 1987 nallertinnagu atorunnaartussat, atorneqarsinnaanerat sivitsorneqarpoq - nalunaarut una tunngavigalugu - 1. marts 1987-ip tungaanut.

§ 2. Aalisarnermut, piniarnermut aallaaniarnermullu uppernarsaatit, piffissami nalunaarutip uuma atuutilernerata aamma 1. januar 1986-ip akornanni pissarsiarineqarsimasut taamaallaat atorneqarsinnaapput 1. marts 1987-ip tungaanut.

§ 3. Nalunaarut saqqummiunneqarnermini atuutilerpoq.

Nuuk, ulloq 11. juni 1986

Moses Olsen

/

Einar Lemche