Akileraarutarnermi nalikilliliinerit il.il. pillugit Namminersornerullutik Oqartussat Nalunaarutaat nr. 18, 9. juni 1986-imeersoq.

Aningaasarsianit akileraarutit pillugit Inatsisartut inatsisaanni nr. 5 19. maj 1979-imeersumi, kingullermik Inatsisartut inatsisaatigut nr. 3 5. juni 1986-imeersukkut allanngortinneqartoq, § 17, nr. 1 naapertorlugu aalajangersarneqarput:

 

§ 1. Akileraartarnermi nalikilliliinerit pillugit Nalunaarut manna makkununnga atuuppoq:
1) Maskiinat, pequtit ingerlatsinermullu atortut assigisaat inuutissarsiornermi atorneqartut.
2) Umiarsuit inuutissarsiornermi atorneqartut.
3) Illuutit inuutissarsiornermi atorneqartut atortullu ikkussorneqarsimasut kiisalu assaanerit, aqqusernit, illut iloqqasut akorni, biilit uninngasarfii, ungaluukkat assigisaallu illuummi inuutissarsiornermi atorneqartumiittut tassungaluunniit attuumassuteqartut illuutillu ingerlanneranut atorneqartut.
4) Init inuutissarsiornermi atugassatut attartorneqarsimasut sanaqqinnerini aningaasartuutit.
5) Pigisap pioreersup pitsaaqutaata (goodwill) pissarsiarinerani nalinga.
6) Piffissami killilimmi pisinnaatitaaffiit, soorlu kisermaassilluni piginnittussaaneq, atuakkiortutut eqqumiitsuliortutullu piginnittussaaffiit aammalu ilisserutinut nioqqutissalluunniit ilisarnaataannik piginnittussaanerit.
7) Atortunik inuutissarsiorluni ingerlatamut illuummulluunniit pingaaruteqartunik ikkussuinermi aningaasartuutit.
Imm. 2. Naalakkersuisut taakkualuunniit tamatumunnga piginnaatitaat akuersissuteqarsinnaapput, aallartisarnermut, misileraanermut ilisimatusarnermullu, pisariillisaanermut, illuliorfissap iluarsartuunneranut assigisaannullu aningaasartuutit aningaasarsiaqarniarnermut pingaaruteqartut aningaasarsianit akileraaruteqaataasussanit ilanngaatigineqarnissaannut.
Imm. 3. Illuutit inissiat sommerhus-illu kiisalu maskiinat, pequtit assigisaallu, taakkua ingerlannerannut atortut Nalunaarummi matumani maleruagassiani ilaanngillat. Immikkut ittunik pissutissaqartillugu Naalakkersuisut, taakkualuunniit tamatumunnga piginnaatitaat, Nalunaarummi matumani  maleruagassiat naapertorlugit illuutit il.il. oqaaseqatigiinni siullerni taaneqartut nalikilliliissutigineqarnissaannut akuersissuteqarsinnaapput.
Imm. 4. Pigisat aalaakkaasut, aningaasarsianit akileraarutit pillugit Inatsisartut inatsisaanni § 13, stk. 4-mi aalajangersakkani pineqartut, Nalunaarummi matumani maleruagassiani ilaanngillat. Immikkut ittunik pissutissaqartillugu Naalakkersuisut, taakkualuunniit tamatumunnga piginnaatitaat, Nalunaarummi matumani maleruagassiat naapertorlugit pigisat aalaakkaasut, oqaaseqatigiinni siullerni taaneqartut nalikilliliissutigineqarnissaannut akuersissuteqarsinnaapput.

 

Immikkoortoq I
Pigisat inuussutissarsiornerinnarmi atorneqartartut.

§ 2. Pigisat immikkoortumi matumani aalajangersakkani pineqartut pissarsiarineranni aningaasartuutaasimasut ukiumi pissarsiarineqarfianni aningaasarsianit akileraaruteqaataasussanit tamakkiisumik ilanngaatigineqarsinnaapput.
Imm. 2. Pissaarsiarineqarneranni aningaasartuutit ukiumi pissarsiarineqarfianni tamakkiisumik ilanngaatigineqanngippata taava pissarsiarineqarnerannut aningaasartuutit ilaat nalikillilerneqarsimanngitsut ukiumi tullermi kingusinnerusumiluunniit piginnittup nammineerluni piumasaa malillugu ilanngaatigineqarsinnaapput.

§ 3. Ingerlatsinermut atortut umiarsuillu tunniunneqarneranni pissarsiarineqartutut isigineqarput.
Imm. 2. Ukioq illuutip pissarsiarineqarfiatut isigineqartoq tassaavoq ukioq illuutip pissarsiarineqarfia inerneqarfialuunniit.

§ 4. Pigisaq immikkoortumi matumani aalajangersakkani pineqartoq pissarsiarmerani aningaasartuutit ilaannit nalikillilerneqanngitsunit qaffasinnerusumik akilersillugu tunineqarpat iluanaarutit ukiumi tunineqarfiani aningaasarsianut akileraaruteqaataasussanut ilannguneqassapput.
Imm. 2. Pigisaq pissarsiarinerani aningaasartuutit ilaannit nalikillilerneqanngitsunit minnerusumik akilersillugu tunineqarpat ajunaarutit ukiumi tunineqarfiani aningaasarsianit akileraaruteqaataasussanit ilanngaatigineqarsinnaapput.
Imm. 3. Tamakkiisumik nalikilliliisoqarianngitsoq illuut isaterneqarpat aningaasat suli nalikilliliissutaasimanngitsut isaternerlukut il.il. tunineqassappata akigititanik millilerlugit ukiumi isaterneqarfiani aningaasarsianit akileraaruteqaataasussanit ilanngaatigineqarsinnaapput.

 

Immikkoortoq II
Pigisaí inuutissarsiornermi privatimillu atorneqartut

§ 5. Umiarsuit, maskiinat, pequtit assigisaallu ingerlatsinermut atortut immikkoortumi matumani aalajangersakkani pineqartut pissarsiarineqarneranni   aningaasartuutit ingerlatsinermi atortup inuutissarsiornermut atorneqarnerata tamarmiusumillu atorneqarnerata imminnut nikinganerannut naleqquttumik ukiumi pissarsiarineqarfianni, takuuk § 3, aningaasarsianit akileraaruteqaataasussanit ilanngaatigineqarsinnaapput.
Imm. 2. Pissarsiarineqarneranni aningaasartuutit ilaat inuutissarsiummut atorneqarnerannut naapertuuttut ukiumi pissarsiarineqarfianni tamakkiisumik ilanngaatigineqarsinnaangippata taava taakkua ilaat nalikillilerneqarsimanngitsut ukiumi tullermi kingusinnerusumiluunniit piginnittup nammineq piumasaa malillugu ilanngaatigineqarsinnaapput. Katillugit nalikillilerneqarsinnaasut tassatuaapput pissarsiarineranni akiliutit ilaat ingerlatsinermi atortup ukiumi nalikilliliiffiusumi inuutissarsiornermut atorneqarnerata tamarmiusumillu atorneqarnerata imminnut nikinganerannut naleqquttut.
Imm. 3. Aatsaat nalikilliliineq pisinnaavoq ukiumi aningaasarsiorfimmi pineqartumi inuutissarsiornermut atorneqarnera tamarmiusumik atorneqarnerata minnerpaamik affarippagu.

§ 6. Illuutit immikkullu atortulersuutit il.il. immikkoortumi matumani aalajangersakkani pineqartut pissarsiarineqarneranni aningaasartuutit illuutip naqqata annertussusia inuutissarsiummut atorneqarnerata tamarmiusumillu atorneqarnerata imminnut nikinganerannut naleqquttumik ukiumi pissarsiarineqarfiani, takuuk § 3, aningaasarsianit akileraaruteqaataasussanit ilanngaatigineqarsinnaapput.
Imm. 2. Pissarsiarineqarneranni aningaasartuutit ilaat inuutissarsiummut atorneqarnerannut naapertuuttut ukiumi pissarsiarineqarfianni tamakkiisumik ilanngaatigineqarsimanngippata taava taakkua ilaat nalikilliliissutaasimanngitsut ukiumi tullermi kingusinnerusumiluunniit piginnittup nammineq piumasaa malillugu ilanngaatigineqarsinnaapput. Illuutip atorneqarnerani  pissutsit, taamaalilluni naqqata annertussusiata inuutissarsiornermut atorneqartup annertusineranik kinguneqartumik, allanngussagaluarpata nalikilliliineq tassunga naapertuuttumik annertusineqarsinnaavoq.
Imm. 3. Aatsaat nalikilliliineq pisinnaavoq ukiumi aningaasarsiorfimmi pineqartumi illuutip naqqata annertussusiata inuutissarsiornermut atorneqarnerata tamarmiusumik atorneqarnerata minnerpaamik affarippagu imaluunniit illuutip naqqata inuutissarsiummut atorneqartup annertussusia minnerpaamik 100 m² uppat.

§ 7. Pigisaq immikkoortumi matumani aalajangersakkani pineqartoq tunineqarpat ukiumi tunineqarfiani nalikilliliineq pisinnaanngilaq. Pissarsiarinerani aningaasartuutit ilaannit nalikillilerneqanngitsunit qaffasinnerusumik akilersillugu tunineqarpat iluanaarutip ilaa, tassaasoq aningaasat nalikilliliissutaasimasut pissarsiarineranilu aningaasartuutaasimasut imminnut nikinganerannut naleqquttoq, ukiumi tunineqarfiani aningaasarsianut akileraaruteqaataasussanut naatsorsuunneqassaaq.
Imm. 2. Pigisaq pissarsiarinerani aningaasartuutit ilaannit nalikillinerneqanngitsunit minnerusumik akilersillugu tunineqarpat ajunaarutit ukiumi tunineqarfiani aningaasarsianit akileraaruteqaataasussanit ilanngaatigineqarsinnaapput. Taamaattorli ilanngaat nalikilliliissutaareersut katigullugit § 5-imi § 6-imilu maleruagassiat malillugit aningaasat nalikillissutaasinnaasimagaluartut sinnersinnaanngilaat.
Imm. 3. Tamakkiisumik nalikilliliisoqarianngitsoq illuut isaterneqarpat aningaasat suli nalikilliliissutaasimanngitsut isaternerlukut il.il. tunineqassappata akigititanik millilerlugit ukiumi isaterneqarfiani aningaasarsiannit akileraaruteqaataasussanit ilanngaatigineqarsinnaapput. Taamatut atuutissaaq stk. 2-mi oqaaseqatigiit aappaanni aalajangersagaq.

 

Immikkoortoq III
Aalajangersakkat nalinginnaasut

§ 8. Pigisat kingornussinikkut, agguaanertaqanngitsumik ataatsimut pigisat aappaarnermut pigiinnagassanngortinnerisigut, pisortanit suliarineqanngitsumik aappaasumut sivisunerusumik inuusumut pisassanngortinnerisigut imaluunniit aappariit pigisaminnik agguaanerisigut pissarsiarineqarsimappata taava pigisat Nalunaarummi matumani aalajangersakkat tunngavigalugit kingornussisutut pissarsisumit aappaasumilluunniit pissarsisumit, toqusimasumit aappaasumilluunniit piffissani pissarsiffigisaani pissarsiarinerinilu nalingisut nalilerlugit pissarsiarineqartutut suliarineqassapput, nalikilliliisimanerusimasinnaasullu pissarsisumit nalikillilerneqarsutut isigineqassallutik.

§ 9. Pigisat tunissutitut kingornussarsiassanilluunniit siumoornikkut pissarsiarineqarpata piffissami pissarsiarineqarfianni tunineqassasuugunik naligisinnaasaat nalingisut isigineqassapput. Pigisat tunissutitut kingornussarsiassatulluunniit siumoortitsinikkut pigiunnaarneqartut piffissami pigiunnaarfianni tunineqassasuugunik akigisinnaasaattut pigiunnaarneranni nalingisut isigineqassapput.

§ 10. Pigisat privatiinnavimmik atorneqaraluartut tamakkiisumik ilaannakuusumilluunniit inuutissarsiornermut atorneqalernerat kiisalu nunanit allanit imaluunniit Danmarkimit Savalimmiunillu Kalaallit Nunaanni akileraaruteqaataasussamik ingerlatsinermut atugassatut nuussineq pisinertut naatsorsuunneqassapput. Pissarsiarineranni nalingattut isigineqassapput piffissami atuinermik allanngortitsinermi/nuussinermi tunineqassasuugunik akigisinnaasaat.
Imm. 2. Pigisat tamakkiisumik ilaannakuusumilluunniit inuutissarsiornermut atorneqaraluartut privatimik atorneqalernerat kiisalu pigisanik nunanut allanut imaluunniit Danmarkimut Savalimmiunullu Kalaallit Nunaanni akileraaruteqaataasussatut ingerlatsivimmit nuussineq tunisinertut naatsorsuunneqassapput. Tunisinermi nalingattut isigineqassapput piffissami atuinermik allanngortitsinermi/nuussinermi tunineqassasuugunik naligisinnaasaat.
Imm. 3. Pigisat tamakkiisumik inuutissarsiornermut atorneqartut inuutissarsiornermi ilaannakuusumik atorneqalerpata paarlattuanilluunniit pisoqarpat tamanna pisinertut tunisinertulluunniit naatsorsuunneqassaaq. Pissarsiarineranni tunineranniluunniit nalingisut isigineqassapput piffissami atorneqarnerisa allanngorfianni tunineqassasuugunik naligisinnaasaat.
Imm. 4. Pigisat Kalaallit Nunaata avataani inuutissarsiornermut atorneqartut kingusinnerpaamik piffissami tamakkiisumik  akileraartussaajunnaarmermi tunineqartutut isigineqassapput. Tunisinermi nalingattut isigineqassapput piffissami tamatumani tunineqassasuugunik naligisinnaasaat. Taamaattorli iluanaarutit, aalajangersagaq manna naapertorlugu, nalikilliliissutaasimasunit annerusinnaanngillat.

§ 11. Pitsanngorsaanermut aningaasartuutit pissarsiarinninnermi aningaasartuutitut suliarineqassapput.
Imm. 2. Pitsanngorsaanermi aningaasartuutitut taamaallaat isigineqarput aningaasartuutit pigisap pisaarineraniit pitsaanerusumik isikkoqalernissaanut atukkat.
Imm. 3. Pigisaq ajoqusersimappat pitsanngorsaanermi aningaasartuutitut taamaallaat isigineqassapput aningaasartuutit pigisap ajoqusinnginneraniit pitsaanerusumik isikkoqalernissaanut atukkat.

§ 12. Pigisaq atorsinnaajunnaarluni aserorpat tamanna tunisinertut isigineqassaaq. Tunisinermi nalingatut isigineqassaaq ajutoornerani sillimmasiinermit imaluunniit taarsiiffigisaanermit aningaasat tunniunneqarsimasinnaasut.
Imm. 2. Pigisap ilaa ajoquserpat ajoqusernermut atatillugu sillimmasimermit taarsiiffigisaanermilluunniit aningaasat tunniunneqarsimasinnaasut pisaarinerani akiusumit nalikillilerneqarsimanngitsumit ilanngaatigmeqassapput. Sinneqartoorutaasinnaasut ukiumi naatsorsorneqarfianni aningaasarsianut akileraaruteqaataasussanut ilanngunneqassapput.

§ 13. Pigisanik (illuutinik il.il.) naalakkersuisut taarsiiffiginninnertalimmik pinngitsaaliinikkut arsaarinninnerisigut taarsiiffiginnissutit tunisinermi akigititatut isigineqassapput.

§ 14. Pigisap tunineqarluni imaluunniit naalagaaffimmut pisassanngortinneqarluni imaluunniit aseruilluni pigiunnaarneratigut Naalakkersuisut taakkualuunniit taamaaliornissamut piginnaatitaata akuersissutigisinnaavaat iluanaarutit akileraaruteqaataasussat ukiumi pigiunnaarneqarfiani aningaasarsianut akileraaruteqaataasussanut ilanngunneqannginnissaat.
Imm. 2. Akuersissuteqarnissamut tunngaviussaaq ukiup piginnikkunnaarfiup tulliani ukiup aningaasarsiorfiusup naannginnerani pigisap pigiunnaakkap assinganik pisaartoqarnissaa aammalu iluanaarutit akileraaruteqaataasussat ukiumi aningaasarsiorfiusumi tassani aningaasarsianut akileraaruteqaataasussanut ilanngunneqarnissaat. Naalakkersuisut taakkualuunniit tamatumunnga piginnaatitaat oqaaseqatigiinni siullerni killissaritinneqartoq sivitsorsinnaavat.
Imm. 3. Aalajangersakkamik matumannga atuinissamut qinnuteqaat kinusinnerpaamik tunniunneqassaaq ukiumi piginnikkunnaarfimmi nammineerluni nalunaarsuinermik tunniussinissamut killissarititap naanerani.
Imm. 4. Piffissarititaasup stk. 2-mi aalajangersarneqartup naannginnerani pigisaagaluartup assinganik pisaartoqanngippat imaluunniit iluanaarutit akileraaruteqaataasussat ukiumi pissarsiviusumi aningaasarsianut akileraaruteqaataasussanut ilanngunneqanngippata iluanaarutit ukiumi piginnikkunnaarfimmi aningaasarsianut akileraaruteqaataasussanut ilanngunneqassapput.

§ 15. Pigisamik qularnaveeqqusiinikkut taasigassarsianut aningaasartuutit, tamatumani ilaallutik pappiaraatit nalikillmen, pissarsiarinerini nalmgisut pitsanngorsarneraniluunniit aningaasartuutitut naatsorsuunneqarsinnaanngillat Naalakkersuisut taakkualuunniit taamaaliornissamut piginnaatitaat akuersissuteqarsimanngippata.
Imm. 2. Pissarsinermi naliusup naatsorsornerani erhvervstøtte pillugu Inatsisartut peqqussutaat naapertorlugu taarsigassarsiat erniaqaratillu taarsersugassaanngitsut ilanngunneqarsinnaanngillat. Taarsigassarsiat akileqquneqarpata pissarsinermi akiliut taakkunannga qaffanneqassaaq.

§ 16. Nammineerluni nalunaarsuineq piffissaagallartillugu tunniunneqarsimanngippat akileraartussaatitaq nalinginnaasumik ingerlatsinermut nalikilliliisinnaanerit sinnerlugit nalikilliliisinnaanngilaq, tamatumunnga skatterådi akuersissuteqarsimanngippat.
Imm. 2. Nammineerluni nalunaarsuinermik tunniussinissamut killissarititaq qaangiutereersimappat akileraartussaatitap nalikilliliisimanini taamaallaat allanngortissinnaavai skatterådip akuersissuteqarneratigut.

§ 17. Pigisat Nalunaarummi matumani pineqartut pigisat naatsorsornerini nutaamik nalinginut nalikillilerneqarsimasunut naleqartinneqassapput.

§ 18. Nammineerluni nalunaarsuinerup tunniunneqarneranut atatillugu akileraartussaasup pigisanut nalikillilerneqarsinnaasunut pisiarinerani nalingisa annertussusaat piffissarlu pissarsivik, taakku inuutissarsiutitigut atornerisa annertussusaat kiisalu pigisat ukiumi aningaasarsiorfiusumi tunineqarsimasut tuninerini nalingi nalunaarutigissavai. Paasissutissat Akileraartarnermi Pisortaqarfiup iliuusissiaa naapertorlugu tunniunneqassapput.

 

Immikkoortoq IV
Aalajangersakkat atuutilersitsisuusut ikaarsaarutaasullu

§ 19. Nalunaarut atuutilerpoq ukioq aningaasarsiorfiusoq 1986 aallarnerfigalugu.
Imm. 2. Pigisat pissarsiarinerini aningaasartuutit, maleruagassiat manna tikillugu atuuttut naapertorlugit tamakkiisumik nalikilliliissutigineqarsimanngitsut, Nalunaarummi matumani maleruagassiat naapertorlugit nalikillilerneqartalissapput.
Imm. 3. Pigisanit aalaakkaasunit § 1, stk. 4-mi taaneqartunit iluanaarutit aningaasarsiat akileraaruteqaataasussat naatsorsornerini ilanngunneqassapput Nalunaarummi matumani maleruagassiat naapertorlugit nalikillineqarsinnaanngikkaluarpataluunniit. Pigisat aalaakkaasut pineqartut kingusinnerpaamik pigiunnaarneqartutut isigineqassapput tamakkiisumik akileraartussaanerup taamaatinnerani. Tunineranni akiusutut isigineqassapput piffissami tamatumani tunineqassasuugunik nalinginnaasumik nalingi. Aalajangersagarli manna naapertorlugu iluanaarutit nalikilliliissutaasimasunit annerusinnaanngillat.
Imm. 4. Illuutinut missiaasunut il.il. ukiuni aningaasarsiorfiusuni ukioq aningaasarsiorfiusoq 1986 sioqqullugu nalikillilerneqarsimasunut Naalakkersuisut Nalunaarutaanni nr. 9 26. juni 1979-imeersumi maleruagassiat atuutnnnassapput, 1. januar 1986-imi akileraartussasumit suli pigineqarsimappata.
Imm. 5. Naalakkersuisut taakkualuunniit tamatumunnga piginnaatitaat qinnuteqartoqarneratigut ukiumi aningaasarsiorfiusumi 1985-imi nalikilliliisimanerit allanngortinneqarnissaannut akuersissuteqarsinnaapput. Tamatumunnga qinnuteqaat kingusinnerpaamik tunniunneqassaaq ukiumut aningaasarsiorfiusumut 1986-imut nammineerluni nalunaarsuinerup tunniunneqarnissaanut killissarititap naanerani.

Namminersornerullutik Oqartussat, ulloq 9. juni 1986.

Hans-Pavia Rosing

/

Kaare Hagemann