Kalaallit Nunaanni Naalakkersuisunut aammalu Inatsisartunut ilaasortanut aningaasat tunniunneqartartut akilerneqartarnerat atsiuisarnerlu il.il. pillugit Namminersornerullutik Oqartussat nalunaarutaat nr. 12, 8. april 1986-imeersoq.
Kalaallit Nunaanni Naalakkersuisunut, Inatsisartunut il.il. ilaasortat aningaasarsiaqartitaanerat il.il. pillugit Inatsisartut inatsisaanni nr. 1-imi 27. februar 1986-imeersumi § 8 tunngavigalugu makku aalajangersarneqarput:
§ 1. Inatsisartunut ilaasortat Inatsisartunut ilaasortatut najukkamik avataani angalanerminni najugaqarnerminnilu aningaasartuutit makku landskassimut akiligassanngorlugit atsiorsinnaavaat:
1) Angallanneqarnermut aningaasartuutit taxarnerit pinnagit.
2) Najugaqarnermut aningaasartuutit.
3) Malittarisassat tjenestemandinut atuuttut naapertorlugit ullormusiarigallakkat.
Imm. 2. Kommune imm. 1 malillugu akiliussigallartoq taamaaliornini pillugu ingerlaannarluni Kalaallit Nunaanni Namminersornerullutik Oqartussanut nalunaaruteqassaaq.§ 2. Angalanerit naammassineri tamaasa piaartumik kingusinnerpaamillu tikinnermiit sapaatit akunneri marluk qaangiutsinnagit Namminersornerullutik Oqartussat qitiusumik naatsorsuuserisoqarfiannut inaarutaasunik ongalanermut naatsorsuusiortoqartassaaq. Angalanermut naatsorsuusiani ilaatinneqassapput qanga aallarneq qangalu tikinneq, sumukarsimaneq angalanerullu siunertaa pillugit paasissutissat.
Imm. 2. Ilanngullugu nalunaarutigineqassaaq angalanermut atatillugu aningaasanik siumoortoqarsimanersoq imaluunniit aningaasanik pigallartoqarsimanersoq. Inatsisartunut ilaasortap aningaasartuutigisimasaasa landskassimit akilerneqarsinnaasut bilagii ilanngunneqassapput.§ 3. Nutaamik angalanermut siumoortoqarsinnaanngilaq kingullermik angalanermut inaarutaasumik naatsorsuutit piareerneqarsimatinnagit. Aningaasat landskassip akiligassarinngisaralui landskassimut akiligassanngorlugit aningaasartuutigineqarsimasut, amerlanaarlugit tunniunneqarallarsimasut imaluunniit pissusissaq eqqorlugu atsiorneqarsimanngitsut uppernarsaaserneqarsimanngitsulluunniit tullianik akissarsiassanit ilanngaatigineqartassapput.
§ 4. Aningaasartuutit §1,2 aamma 3 malillugit aningaasartuutigineqarsimasut Inatsisartut allattoqarfianni atorfilimmit kontomut pineqartumut atsiuisinnaassuseqartumit atsioqqinneqartassapput.
§ 5. Naalakkersuisunut ilaasortat Naalakkersuisunut ilaasortatut angalanerminnut landskassimit akiliunneqartassapput regningi malillugu angalanermut, najugaqarnermut nerisaqarnermullu aningaasartuutiminnut. Bilagit tamarmik Naalakkersuisunut ilaasortamit pineqartumit imaluunniit taassuma piginnaatitaanit atsiorneqartassapput. Naalakkersuisunut ilaasortat akiliisassapput §§ 2-mi 3-milu aalajangersakkat malillugit.
§ 6. Angalanernut aningaasartuutit §1,2 aamma 3-mi taaneqartut saniatigut aningaasartuutaasut landskassimut attuumassuteqanngillat.
§ 7. Inuit landskassip akiligaanik ilassinninnersiuteqarsinnaatitaasut bilagini ataasiakkaani taamatut aningaasartuuteqarnermi siunertaasoq nalunaartassavaat, aammalu aningaasartuuteqarnermut atatillugu inuit najuuttut kikkuuneri nalunaartassalugit, aqqi ataasiakkaarlugit nalunaarsorlugit imaluunniit ataatsimoorlugit nalunaarlugit. Bilagit inummit ilassinninnersiuteqarsinnaatitaasumit imaluunniit taassuma piginnaatitaanit atsiorneqartassapput. Atsiornermi uppernarsarneqassaaq aningaasartuuteqarneq sinniisuunermik tungaveqartoq, aammalu kontomi taamatut aningaasartuuteqarnissamut matussutissaqartoq.
§ 8. Nalunaarut tamanut saqqummiunneqarnermini atortuulerpoq.
Namminersornerullutik Oqartussat, ulloq 8. april 1986
Jonathan Motzfeldt/
John E.Jensen