Nunami uumasui ilanngullugit eqqissisimatitami Kalaallit Nunaata Avannaarsuaniittumi Tunumiittumilu stationeqarfiit aalaakkaasut pillugit Namminersornerullutik Oqartussat nalunaarutaat nr. 11, 7. april 1986-imeersoq.

Kalaallit Nunaanni pinngortitamik allanngutsaaliuineq pillugu Inatsisartut inatsisaanni nr. 11-imi 12. november 1980-imeersumi § 16 imm. 2, tak. § 20, kiisalu KaLaallit Nunaata Avannaarsuani Tunumilu Nuna uumasui ilanngullugit eqqissisimatitaq pillugu nalunaarummi nr, 374 25. juni 1976-imeersumi § 18 naapertorlugit Kalaallit Nunaanni Avannaarsuani Tunumilu Nunami uumasui  ilanngullugit eqqissisimatitami stationeqarfiit aalaakkaasut pillugit makku matumuuna aalajangersarneqarput:

 

Kapitali I
Stationeqarfiit aalaakkaasut

§ 1. Stationeqarfittut aalakkaasutut stationeqarfiit il.il. makku ilaatinneqarallarput:
Mesters Vig, timmisartoqarfik,
Ella ø,
Daneborg,
Danmarkshavn,
Station Nord,
Kap Moltke,
Brønlundhus.

§ 2. Stationeqarfimmut naatsorsuunneqarput illut   atortulersuutillu stationeqarfiup ingerlanneranut pisariaqartut tamarmik, taakkununnga ilaallutik tatsit kuuillu (imeqarfiit)_, umiarsualiveqarfiit, nunami mittarfiit, tatsit imarlu milernermi aqqummut atasut, eqqaaveqarfiit kiisalu taaneqartut akornini aqquserngit illerngilluunniit nalinginnaasumik atorneqartut.

§ 3. Mittarfiit nutaat pilersitassat imaluunniit  pilersitassat angisuut allat uumasunut imaluunniit naasunut ajoqutaasussamik pinngortitamik annertuumik allanngortitsisinnaasut Kalaallit Nunaanni Namminersornerullutik Oqartussanit akuerineqaqqaartassapput.

§ 4. Stationeqarfiup ingerlannera pisariaqartitsilissappat kuuit, tatsit, tasinnguillu paarinissaat pillugit nunamut uumasui ilanngullugit eqqissisimatitamut nalunaarummi § 8-mi imm. 1, 2-milu aalajangersakkat saneqqunneqarsinnaapput.

§ 5. Nunamut uumasui ilanngullugit eqqissisimatitamut nalunaarummi § 10 imm. 1-imi aalajangersagaqaraluartoq, stationeqarfiup perlukui imaluunniit atoqqitassaanngitsut suulluunniit, nungutinneqartussaanngitsut imaluunniit utertillugit aallarunneqartussaanngitsut tamakkununnga eqqaavissianut iginneqartassapput.
Imm. 2. Nutaamik eqqaaveqarfissat Kalaallit Nunaanni Namminersornerullutik Oqartussanit akuerineqaqqaartassapput.
Imm. 3. Tassunga atatillugu oqaatigineqassaaq igitassanik atoqqitassaanngitsunillu sunilluunniit nunamut, tatsinut, imaanut imaluunniit tatsinut sikusimasunut, imaani sikumut imaluunniit sermersuup nunamut immamulluunniit ujangisimarnginut eqqaanissaq inerteqqutaavoq.
Imm. 4. Igitassat soorlu nappartarsuit olie-t puukui, qillertuusat il.il. eqqaaveqarfinniit sumut tamaanga siaruaannissaat suna tamaat atorlugu stationeqarfinnit pinaveersimatinneqassaaq.

§ 6. Nunamut uumasui ilanngullugit eqqissisimatitamut nalunaarummi § 2-mi imm. 1-imi oqaaseqatigiit aappaanni uumasunik eqqussinissamik inerteqqummut tunngasumik aalajangersakkanit qimminut tungaatillugu stationeqarfiit tamatumani pineqanngillat.

§ 7. Nunamut uumasui ilanngullugit eqqissisimatitamut nalunaarummi § 11-imi aalajangersagaqaraluartoq, taamaattoq nunap aamma immap sikusimasup 500 mtr-it ataallugit timmisartumik qulaavaanissaat, miffiginissaat umiarsuarmillu nunniffiginissaa kiisalu peqqumaatissanik timmisartumit nakkartitsineq pisinnavoq stationeqarfiit ingerlannerinut imaluunniit pisortat ingerlassaannut allanut pisariaqartitsineq naapertorlugu, Kalaallit Nunaanni Namminersornerullutik Oqartussanit immikkut akuerineqanngikkaluartumik.

 

Kapitali II
Stationeqarfinni aalajangersimasumik sulisut killilimmik aallaaniarlutillu alisarsinnaatitaanerat.

§ 8. Kalaallit Nunaanni pinngortitamik allanngutsaaliuineq pillugu Inatsisartut inatsisaanni nr. 11-mi 12. november 1980-imeersumi § 16, imm. 1-imi aammalu nuna uumasui ilanngullugit eqqissisimatitaq pillugu nalunaarummi §§ 2 aamma 4 aallaaniarnermut aalisarnermullu inerteqqutinut tunngasut aalajangersarneqarsimagaluartut taamaattoq stationini § 1-imi taaneqartuni sulisut nunap uumasui ilanngullugit eqqissisimatitap killeqarfiata iluani nammineq atugassaminnik qimminullu nerukkaatissaminnik aalisarsinnaatitaallutillu puisinniarsinnaatitaapput, ukalerniarsinnaatitaallutik aqissiliarsinnaatitaallutillu, taamaattorli takuuk imm. 2, tamatumanilu Illoqortoormiut kommuneanni eqqiissisimatitsinermi killilersuinerit atuuttut malinneqassapput.
Imm. 2. Taamaattoq Mesters Vig-imi sulisut taamaallaat aalisarsinnaatitaapput.

§ 9. § 8-mi taaneqartumik aallaaniarlunilu aalisarsinnaanermut tunngatillugu pisat allattornerisa aamma ilisimatuussutsikkut atugassatut suusinnaasut nassiunnissaat pillugit maleruagassat Kalaallit Nunaanni Namminersornerullutik Oqartussanit aalajangersarneqarsinnaapput. Ammit unioqqutitsinngitsumik puisittarineqartunit pisut Kalaallit Nunaannit akornutissaqanngitsumik anninneqarsinnaapput.

§ 10. Nunami uumasui ilanngullugit eqqissisimatitami sulisut sakkutooqarfinneersut Nunamut uumasui ilanngullugit eqqissisimatitamut nalunaarummi § 6-imi oqaaseqatigiit aappaanni, Nunamut uumasui ilanngullugit eqqissisimatitamut sakkunik eqqussinermi politimesterimit akuerineqarnissamut tunngasumi pineqanngillat.

 

Kapitali III

§ 11. Nalunaarummi matumani aalajangersakkanik unioqqutitsisut mianersoqqussummik imaluunniit akiliisitsinermik pineqaatissinneqarsinnaapput.

§ 12. Nalunaarut manna ingerlaannarluni atortuulerpoq.

Namminersornerullutik Oqartussat, ulloq 7. april 1986.

Hans-Pavia Rosing

/

Emil Abelsen