Namminersornerullutik Oqartussat nalunaarutaat nr. 7, 11. marts 1986-imeersoq allorniusat 68°00'N-ip aamma 70°45'N-ip akornanni 56º00'W-ip kangiani kinguppanniarnermut tunngasoq.

Inatsisartut inatsisaanni nr. 11-mi 21. november 1984-imeersumi inuutissarsiutigalugu aalisarnermut tunngasumi § 12 najoqqutaralugu aalajangersarnerqarpoq:

 

§ 1. Allorniusat 68°00'N-ip aamma 70°45'N-ip akornanni 56°00'W-ip kangiani kinguppanniartoqarsinnaavoq angallataannaat kinguppannik uutiterivissatut sananeqarsimanngitsut atorlugit.

§ 2. 1986-imi allorniusat 70°45'N-ip aamma 69°30'N-ip akornanni 56°00'W-ip kangiani ("Raajakarsi avannarleq") angallatit 80 BRT/BT 80-inik annerusut annerpaamik 1.000 tonsinik igeqqitat ilanngullugit kinguppassinnaanissaat aalajangersarneqarpoq.
Imm. 2. 1986-imi allorniusat 69°30'N-ip aamma 68°00'N-ip akornanni 56°00W-ip kangiani ("Raajakarsi kujalleq") angallatit 80 BRT/BT 80-inik annerusut annerpaamik 3.000 tonsinik igeqqitat ilanngullugit kinguppassinnaanissaat aalajangersarneqarpoq.
Imm. 3. Sumiiffinni taaneqartuni pisassarititaasut tamarmik pisarineqarpata kinguppanniarneq unitsinneqassaaq. Tamannalu pillugu Aalisarnermut Suliffissuaqarnermullu Naalakkersuisoq radiokkut tusagassiuutitigullu nalunaaruteqassaaq.

§ 3. Nalunaarummi matumani aalajangersakkanik unioqqutitsinerit akiliisitaanermik kinguneqarsinnaapput. Suliassat taamaattut Inatsisartut inatsisaanni nr. 11-mi 21. november 1984-imeersumi inuutissarsiutigalugu aalisarnermut tunngasumi maleruagassat malillugit suliarineqartassapput.

§ 4. Nalunaarut saqqummiunneqarnermini atortuulerpoq. Taanna ilutigalugu Namminersornerullutik Oqartussat nalunaarutaat nr. 14, 21. december 1984-imeersoq 68°00'N-ip aamma 70°45'N-ip akornanni 56°00'W-ip kangiani kingiuppanniarnermut tunngasoq atorunnaarsinneqarpoq.

Nuuk, ulloq 11. marts 1986

Moses Olsen

/

Einar Lemche