Nunaqarfinni innaallagissap sarfaanik pilersuinermut tapiisarneq pillugu Namminersornerullutik Oqartussat nalunaarutaat nr. 5, 5. marts 1986-imeersoq.
Nunaqarfinni innaallagissap sarfaanik pilersuineq pillugu inatsisartut inatsisaanni nr. 10, 28. oktober 1985--imeersumi §§ 7 aamma 14 naapertorlugit makku aalajangersarneqarput:
Kap. 1.
Aalajangersakkat tamanut tunngasut.§ 1. Kommunenut innaallagissap sarfaanik pilersuinissainut akuersissuteqartunut nunaqarfinni innaallagissiorfiit atassusersorfigineqarsinnaasut pilersinneqarnerannut, allilerneqarnerannut, nutarterneqarnerannut pilerseqqinneqarneranullu tapiisoqartarpoq.
Imm. 2. Atassusersornermut uuttuutinullu tapiisoqarneq ajorpoq.§ 2. Aningaasaliissutit aningaasartuutaannut Namminersornerullutik Oqartussat 70%-inik tapiissuteqartarput kommunellu peqatigiillutik aningaasaateqarfianit 0%-inik tapiisoqartarluni.
§ 3. Innaallagissap sarfaanik pilersuisut ukiumoortumik naatsorsuutaasa amigartoorutaannut matussutissatut kommunenut innaallagissap sarfaanik pilersuinissamut akuersissuteqartunut tapiisoqartarpoq.
Imm. 2. Innaallagissiorfiit ataasiakkaat tamarmik immikkut ingerlanneqarnerinut Namminersornerullutik Oqartussat aalajangersimasumik tapiisarput. Tapiissut aalajangersimasoq akuersissummik pigisalimmut tunniunneqartarpoq.
Imm. 3. Tapiissut aalajangersimasoq innaallagissiorfiit amigartoorutaannut annikilliissutaavoq. Tamatuma kingorna Namminersornerullutik Oqartussat amigartoorutit 50%-iisa matussutissaatut akuersissummut pilimmut tapiisarpoq, akuersissummillu pigisallip pineqartup sinneruttut 50%-t matusarlugit.§ 4. Innaallagissiorfik sinneqartooruteqarpat, sinneqartoorutinut ilanngullugu naatsorsuutigineqassaaq Namminersornerullutik Oqartussanit tapiissut aalajangersimasoq.
Imm. 2. Sinneqartoorutit affaat Namminersornerullutik Oqartussat pisassaraat affaatalu aappaat akuersissummik pigisallip pisasssaralugu.
Kap. 2.
Nunaqarfinni innaallagissap sarfaanik pilersuiffiit pilersinneqarnerannut, allilerneqarnerannut, pilerseqqinneqarneranullu tapiisarnermut piumasarisat§ 5. Innaallagissap sarfaanik pilersuiffimmi innaallagissiorfik imaluunniit innaallagissiorfiup ilaanaalagaaffimmit pigineqassagaluarpat tigusinissamut qinnuteqaat naalagaaffiup sinniisoqarfianut nassiunneqassaaq.
Imm. 2. Innaallagissap sarfaanik pilersuiffimmi innaallagissiorfik imaluunniit innaallagissiorfiup ilaa Namminersornerullutik Oqartussanit pigineqassagaluarpat tigusinissamut qinnuteqaat sanaartornissamut aningaasartuutinut tapiissutissanik qinnuteqaat ilagitillugu nassiunneqassaaq.
Imm. 3. Innaallagissap sarfaanik pilersuiffik naalagaaffimmit pigineqartoq akeqanngitsumik kommunemut tunniunneqarsinnaavoq.§ 6. Innaallagissiorfiit kommunenit ingerlatarineqartut aatsaat tapiissutinik pisinnaapput pilersuiffimmut taassumalu ingerlatitaaneranut kommune malittarisassaateqarpat.
Imm. 2. Kommunep malittarisassiai kommunet nakkutilliisoqarfiannit akuerineqassapput.
Imm. 3. Malittarisassanut ilanngunneqarsimassapput makkununnga aalajangersakkat:
a) Innaallagissap sarfaanik pilersuineq illoqarfinnisut akeqalerneranik aalajangiinermik.
b) Akiliutit, akileeqqaarutit il.il. illoqarfinnisut akeqalerneranik aalajangiinermik.
c) Innaallagissap sarfaanik pilersuinermi malittarisassiortoqarsimaneranik teknikikkut sillimaniarnissamullu tunngasut pisariaqartunik aalajangersakkanik imalimmik.
d) Kalaallit Nunaanni nukissiamik pilersuineq tamarmiusumik naleqqunnerpaamik atuutilernissaa anguniarlugu killilimmik atuisinnaanermut iliuuseqarsinnaanermik periarfissiinermik.
e) Innaallagissap sarfaanik pilersuinermut akiliisarnissamut aalajangersakkat suliarineqarsimaneranik.
f) Ukioq naatsorsuiffik tassaasoq qaammatisiutit malillugit ukioq.
g) Innaallagissiorfiit atassusersorfigineqarsinnaasut ataasiakkaat tamarmik naatsorsuutaat kukkunersiukkat akuerisaasimasullu ukiumi naatsorsuif f immi tulliuttumi 1. maj tikitsinnagu Namminersornerullutik Oqartussanut nassiussinissami k.§ 7. Sanaartornermut aningaasartuutinut tapiissuteqarnerup pissutigissavaa kommunalbestyrelsep pineqartup uku akisussaaffigippagit:
a) Sanatitsisuuneq.
b) Sanatitsinermi sunniuteqarluartumik aqutsinermik pilersitsineq.
c) Sanatitsinermi nakkutilli inermik pilersitsineq.
d) Sanatitsinerup nalaani pissusissamisoortumik sillimmasiisitsineq.
e) Pilersaarusiaq akuerineqarsimasoq naapertorlugu sanatitsinerup naammassineqarnera.
f) Aningaasanik akuersissutigineqarsimasunik atuinermik nakkutiginninneq.
g) Aningaasat akuersissutigineqartutut naatsorsuutigisat qaangertoornerini akuersissummik qinnuteqarneq.
h) Sanatitsinermut naatsorsuusiortoqarnissaa.
i) Sanatitsinermut naatsorsuutip kukkunersiukkap akuerineqarsimasullu Namminersornerullutik Oqartussanut nassiunneqarnissaat .
j) Sanatitsinerup aallartinnginnerani oqartussaasut akuersissutaat pisariaqartut pissarsiarineqarneri .§ 8. Pilersitsinermi pilersitseqqinnermilu aningaasartuutit akilerneqarnissaannut tapiissutit kommunemit pineqartumit akilikkat utertinneqarsinnaapput qaammatip naanerani imaluunniit ukiumoortumik naatsorsuutit inaarneranni .
Kap. 3.
Nunaqarfinni innaallagissiorfiit pilersinneqarnerannut, allilerneqarnerannut, pilerseqqinneqarneranullu tapiissutit ataasiakkaat suliarineqarnerini periaassissat.§ 9. Aningaasaliissuteqarnissamik pilersaarusianut atatillugu kommunalbestyrelsep anguniassavaa aningaasaliinissamut pilersaarutit pillugit ukiunik pingasunik sioqqutsilluni nalunaarnissaq.
§ 10. Innaallagissiorfimmik pilersitsiffissami kommunemi kommunalbestyrelsep tapiissuteqarnissamut qinnuteqaat Namminersornerullutik Oqartussanut nassiutissavaa.
Imm. 2. Qinnuteqaat Namminersornerullutik Oqartussanit tiguneqareetsimassaaq kingusinnerpaamik innaallagissiorfiup pilersinneqarnissaata ukiua sioqqullugu 1. maj tikitsinnagu.§ 11. Kommunalbestyrelsep qinnuteqaataa atortussanik imaattunik imaqassaaq:
1). Nunaqarfimmi toqqavissamut akuersissutip assilinera
2) Pilersaarutip titartagartai nassuiaataalu.
3) Ukiumi pilersitsiffimmi akit tunngavigalugit sanaartornermi aningaasartuutissamaatit naatsorsuusiornerat (sulisartunut aningaasartuutit, maskinanut pisattanut assigisaanullu aningaasartuutit, pilersaarusiornermi aningaasartuutit, allaffeqarfeqarnermut aningaasartuutit, nakkutilliinermi aningaasartuutit il.il .).
4) Ukiumi ingerlatsivimmi siullermi ingerlatsinermi isertitassat aamma ingerlatsinermi aningaasartuutissat ilimagisat pillugit budget, tunngavissarisat budgetip suliarineqarnerani tunngavigineqarsimasut pillugit nassuiaat ilanngullugu.
5) Nunaqarfimmik bygderådemillu suliap qanoq oqallissutigineqarsimaneranik imaluunniit oqallissutigineqarnissaanik ilisimatitsissut.
6) Kommunalbestyrelsep allattaaviinik assilisaq suliamut amerlanerussuteqarluni ikinnerussuteqarluniluunniit oqaaseqaataagunnartunik nalunaarsornilik.
7) Pilersitsinermut, allilerinermut imaluunniit aningaasaleeqqinnermut atatillugu ikinnerpaamik innaallagissamik atuisinnaasut affaasa atassuserneqarsimanerannut imaluunniit atassuserneqarnissaminnut neriorsuuteqarsimaneranik ilisimatitsissut.
8) Kommunep malittarisassiai ataatsit atortussanngortitassat.
9) Sanaartornermut oqartussat, sulinermik nakkutilliisut kiisalu allat oqartussaasinnaasut akuersissutaannik nalunaarutit.
10) Ulluinnarni ingerlatsinerup qanoq isumagineqarneranik ilisimatitsissut.
11) Pilersaarusiap naammassiniarneranut piffissaliuussaq (pilersaarusiorneq, sanaartugassap pilersaarusiornera, sanaartorneq, ikiorsiineq il.il.).§ 12. Namminersornerullutik Oqartussat aningaasaliissutissanut annikitsunut tapiissutissat pillugit qinnuteqaatit pisariaqartitsineq naapertorlugu suliarisinnaavai.
Imm. 2. Aningaasaliissutinut annikitsunut atugassanngorlugu killiliussaq Namminersornerullutik Oqartussat aningaasat pillugit inatsisaanni nalunaarneqassapput.§ 13. Namminersornerullutik Oqartussat aningaasaliiffigineqartussami atortussat sorliit, uani nalunaarummi atortussat taaneqartut saniatigut, nassiunneqassasut nalunaarutigisinnaavaat.
§ 14. Namminersornerullutik Oqartussat Kalaallit Nunaannilu Kommunet Kattuffiata akornnanni ukiumoortumik isumaqatiginninniartarnerit sioqqulluarlugit Namminersornerullutik Oqartussat kommunalbestyrelsep qinnuteqaataa "Kalleq"-mut saqqummiutissavaa.
§ 15. Akuersissut aalajangiunneqariarpat ukiumi sanaartornerup aallartinneqarfigisinnaasaani 1. januar tikitsinnagu qinnuteqartoq tapiissuteqarneq pillugu neriorsuutaagallartumik nalunaarfigineqarsinnaavoq.
Kap. 4.
Nunaqarfinni innaallagissiorfiit ingerlanneqarnerannut tapiissutinut piumasaqaatit.§ 16. Innaallagissiorfiit taamaallaat ingerlatsinermut tapiissutinik pisinnaapput innaallagissiorfik pillugu taassumallu ingerlannera pillugu kommune malittarisassaateqarpat takuuk § 6.
Imm. 2. Kommunep kissaatigippagu innaallagissiorfimmik piginneqatigiit pioreersut ulluinnarni ingerlatsineq isumagissagaat, tamanna pillugu ingerlatsinermik isumaqatigiissuteqartoqassaaq.§ 17. Innaallagissiorfiup ingerlanneqarneranut tapiissuteqarnerup tunngavigissavaa akuersissummik pigisallip akisussaaffigissagai:
a) Ingerlatsinermik sunniuteqarluartumik aqutsinermik pilersitsineq.
b) Paarsinermik aserfallatsaaliinermillu sunniuteqarluartumik pilersitsineq.
c) Innaallagissiorfiup naleqqulluartumik atorneqarnissaa angussallugu.
d) Innaallagissiorfimmik pissusissamisoortumik sillimmasiisitsineq.
e) Naatsorsuutinik nakkutiginninneq.
f) Ukiumoortumik naatsorsuusiorneq.
g) Ukiumoortumik naatsorsuutinik kukkunersiukkanik akuerisanillu Namininersornerullutik Oqartussanut nassiussineq.§ 18. Innaallagissiorfiup ingerlanneqarneranut tapiissuteqarnerup tunngavigissavaa ukiumoortumik naatsorsuutit ukununnga tunngasunik imaqarpata:
a) Ventilinik misissuinernut innaallagissiorfimmillu misissueqqissaarnermut aningaasartuutit.
b) Motorilerisunut, maskinalerisunut imaluunniit maskinmesterinut taartinullu aningaasarsianut, akileraarutinut, feriepengenut il.il. aningaasartuutit takuuk taakkununnga isumaqatigiissutit atuuttut.
c) Inatsisitigut pisussaaffiusumik ajutoornermut sillimmasiinermut, akisussaanermut sillimmasiinermut, ikuallattoornermut anorersuarmilu aserukkanut sillimmasiinermut akiliutinut aningaasartuutit.
d) Uuliamut aningaasartuutit.
e) Atassusersornerit, tankeqarfiitr illut maskiinallu aserfallattaaliornerinut aningaasartuutit.
f) Allaffeqarnermut pisattanullu mikisunut aningaasartuutit.
g) Motorilerisut ilinniartitaanernut aningaasartuutit.
h) Innaallagissap sarfaanik tunisinermit isertitat.
i) Akiliutinit il.il. pisunit isertitat.
j) Akiligassallit naatsorsuusiornerat.
k) Uuliamik uninngasuuteqarnermik naatsorsuusiorneq.
l) Kingoraartissat pisattallu pigisat naatsorsuusiornerat.
m) Atuisinnaanerup atorluarneqarneranik naatsorsuineq.
n) Kommunalbestyrelsep akuersissutaa kukkunersiuisullu atsiornerat.
Imm. 2. Piginneqatigiilluni innaallagissiorfiup pigisaasa erniaat iluanaarutaallu pigisat aalajangersimasut nalingisa saniatigut akuersissummik pigisallip ukiumoortumik naatsorsuutaani ilanngunneqassanngillat.
Kap. 5.
Ingerlatsineq pillugu tapiissuteqarfiginiakkat ataasiakkaat suliarineqartarnerini periaasissat.§ 19. Innaallagissiorfiit tamarmik immikkut ukiumoortumik naatsorsuutaat ukiumi naatsorsuiffiusumi tulliuttumi 1. maj tikitsinnagu Namminersornerullutik Oqartussanut nassiunneqassapput.
§ 20. Ukiumi naatsorsuiffiusumi 1. januarimi ingerlasumit innaallagissiorfimmut februarip qaammataani aningaaseriviit ammasarfiisa aappaanni qaammammut ataatsimut tapiissutip tunniunneqarnerani tapiissut aalajangersimasoq Namminersornerullutik Oqartussanit akuersissummik pigisalimmut tunniunneqartarpoq.
§ 21. Namminersornerullutik Oqartussanit ukiumoortumik naatsorsuutit tiguneqaraangata, tapiissutissamut suliaq naammassineqartarpoq amigartoorutit 50%-ii tapiissutit aalajangersimasut ilanngullugit Namminersornerullutik Oqartussat taarseraangagit, imaluunniit sinneqartoorutit 50%-ii tapiissutit aalajangersimasut ilanngullugit Namminersornerullutik Oqartussat tigugaangatigit.
Imm. 2. Innaallagissiorfinni ukiumoortumik naatsorsuutinut amigartoorutigissamaakkat affaannut tapiissutaagallartoq augustip qaammataata naanerani kommunemit pineqartumit akiligaq utertinneqarsinnaavoq.
Imm. 3. Tapiissutaagallartumut qinnuteqaammut ilanngullugu nassiunneqassaaq piffissami 1. januarimit 30. junimut naatsorsuutit kiisalu piffissamut 1. juli 31. decemberimut missingersuut.§ 22. Innaallagissiorfimmik piginneqatigiit 1. januar 1986-imi pisassarisaat, akiitsui namminerlu akiliutigisimasai akuersissumiiiik pigisalimmut nalunaarutigineqassapput.
Imm. 2. Namminersornerullutik Oqartussat nalunaarutigisinnaavaat atortussat suut, uani nalunaarummi atortussat taaneqartut saniatigut, innaallagissiorfimmik piginneqatigiiffiup nassiutissagai.§ 23. Namminersornerullutik Oqartussat nalunaarutigisinnaavaat ingerlatsineq pillugu atortussat suut, uani nalunaarummi atortussat taaneqartut saniatigut, nassiunneqassasut.
§ 24. Nalunaarut atortuulerpoq erniinnaq.
Imm. 2. Tamannalu ilutigalugu nunaqarfinni innaallagissiorfiit, imeqarfiit tunisassiorfiillu pilersinneqarnissaannut tapiissutit pillugit Namminersornerullutik Oqartussat nalunaarutaat nr. 3. 18. marts 1981-imeersoq innaallagissiorfiit pillugit aalajangersakkanut tunngasortaa atorunnaarsinneqarluni.
Namminersornerullutik Oqartussat, ulloq 5. marts 1986
Hendrik Nielsen/
Margrethe Sørensen