1985-imi tuttunik eqqisisimatitsinissaq pillugu Namminersornerullutik Oqartussat nalunaarutaat nr. 3, 26. februar 1986-imeersoq.

Inatsisartut inatsisaat nr. 12 22-november 1984-meersoq naapertorlugu inuutissarsiutigalugu piniarneq aallaaniarnerlu pillugit, aalajangerneqarpoq:

§ 1. Tuttunniarneq august-ip aalaqqaataanit september-ip 25-anut kisimi akuerineqarpoq.
Imm. 2. Aalisarnermut Suliffissuaqarnermullu Naalakkersuisoq inun. 1-imi aalajangersagaq saneqqullugu Kangaatsiaq kommunemi akuersissuteqarsinnaavoq marts-ip aallaqqaataanit marts-ip 15-inianut kommunalbestyrelsep inassuteqarneratigut.
Imm. 3. Aalisarnermut Suliffissuaqarnermullu Naalakkersuisoq allatut ajornartoornermik pisoqartillugu, soorlu sivisuumik piniagassaasuasoqartillugu imaluunniit aalisarneq sikunik ajornartorsiorneqartillugu, pisinnaavoq killilikkamik tuttunniarnissamik akuersissalluni kommunini ataasiakkaani piffissami martsip aallaqqaataanit marts-ip 15-ianut inunnut aalisarnermut, piniarnermut aallaaniarnermullu inuutissarsiutigivillugu allagartalinnut. Radio-kut atuagassiatigullu akuersissutit, taakununngalu atatillugu atuutussat nalunaarutigineqassapput.
Imm. 4. Piniarfissamut naatsorsuutigineqarpoq ulloq siulleq aamma ulloq kingulleq taaneqartut.

 

§ 2. Inuit piniarnermut aallaaniarnermullu inuutissarsiutigivillugu

Imm. 2.

Imm. 3.

Imm. 4.

 

 

§ 3. Qoorortuuaqqat, timmiarsiutit

Imm. 2.

Imm. 3.

Imm. 4.

 

§ 4. Kommuneni tuttoqarfiusuni nunataasup tallimararterutaa tuttoqarfiussaaq eqqisisimatinneqartoq.
Taamatut eqqissisimatitsiviusuni ukiup qanoq ilineraniluunniit inerteqqutaavoq.
Imm. 2. Kommunalbestyrelsep aalajangissavaa sumi tuttunik eqqissivissiisoqassanersoq. Eqqissivissiivigineqarsimasut nunap assinganut nalunaarsorneqassapput, naalakkersuisunullu nassiunneqarlutik.

§ 5. Qeqertarsuarmi_r Nuussuarmi, Tasiilap kommuneani aammalu Nuup kommuneani Qeqertarsuarmi Qoornullu Qeqertarsuani aamma Avanersuarmi tuttunniarneq inerteqqutaavoq.
Imm. 2. Aalajangersagaq imm. 1 soqutiginagu, Aalisarnermut Suliffissuaqarnermullu Naalakkersuisoq akuersisinnaavoq Qeqertarsuarmi tuttut 35-it pisarinissaannut allagartaliisoqarnissanut piffissami august-ip aallaqqaataaniit september-ip 25-anut.
Imm. 3. Aaliangersakkat imm. 1-imi allassimasut Aalisarnermut Suliffissuaqarnermullu Naalakkersuisumit avaqqunneqarsinnaapput, taassuma akuersissutigisinnaavaa Uummannap Ilulissallu kommuniinit tuttunniartitsisinnaaneq, 1. august-imiit 25. september ilanngullugu Nuussuarmi tuttunik 50-inik pisaqarsinnaanermut akuersissusiornikkut.
Imm. 4. Aalajangersagaq imm. 1 soqutiginagu, Aalisarnermut Suliffissuaqarnermullu Naalakkersuisoq akuersisinnaavoq Tasiilap kommuneani tuttut qulit pisarisinnaanissaannut akuersissummik allagartaliisoqarsinnaasoq piffissami august-ip aallaqqaataanit septemberip 25-anut.
Imm. 5. Aaliangersakkat imm. 1-imi allassimasut avaqqullugit Aalisarnermut Suliffissuaaqarnermullu Naalakkersuisoq akuersisinnaavoq Nuup kommuniani qeqertarsuarmi Qoornullu Qeqertarsuani tuttunik 30-nik akuersissummik allagartaliinikkut pisaqartoqarsinnaasoq, piffissami 1. august-imiit 25. september-imut aamma 1. marts-imiit 15. marts-imut pisarineqarsinnaasut amerlassusii immikkut isumaqatigiinniutaasinnaapput. Ilanngullugu naalakkersuisunut ilaasortap akuersissutigisinnaavaa tuttut 50-it akuersissummik allagartaliissutigineqarsinnaasut Avanersuarmi piffissami august-ip aallaqqaataanit septemer-ip 25.annut.
Imm. 6. Akuersissummik allagartat imm. 2-5-imiit taaneqartut pingaarnerutillugu inunnut inuutissarsiutigivillugu piniartunut aallaniartartunullu tunniunneqassapput. Allagartat kommunalbestyrelset sananeqassapput illoqarfinni KNAPK-p immikkoortortaqarfiisa innersuusinerisigut.

§ 6. Tuttut nassuinik piniarfiusup nalaani kisimi pisinnaavoq.

§ 7. Inerteqqutaavoq plsissalluni imaluunniit allatut ililluni pissarsisalluni tuttunik unioqqutitsilluni pisarineqarsimasunik.

§ 8. Nalunaarummi aalajangersakkat unioqqutinneqarnerat akiliisitsinermik kinguneqarsinnaavoq. Suliassat tassunga attuumassuteqartut Inatsisartut inatsisaat inuutissarsiutigalugu piniarnermut aallaaniarnermullu tunngasoq malillugu aamma suliarineqartussaapput.

§ 9. Nalunaarut atuutilissaaq 1. marts 1986. Tassunga atatillugu Namminersornerullutik Oqartussat nalunaarusiaat nr. 21, 9. juli 1985-meersoq tuttunik eqqisisimatitsinissaq pillugu atorunnaarsinneqarpoq.

Nuuk, ulloq 26. februar 1986

Moses Olsen

/

Einar Lemche