Nioqqutissanik eqqussuinermi eqqussuinermilu akileraarusiisarneq pillugu Inatsisartut inatsisaat nr. 15, 29.oktober 1985-imeersoq.
§ 1. Akileraaruteqarfiusussat tassaapput Kalaallit Nunaata nunataa, Kalaallit Nunaata imartai taaneqartullu taakkua qulaanni silaannaq.
Imm. 2. Akileraaruteqarfiusussani pineqanngillat isumaqatigiissut 27. april 1951-imeersoq najoqqutaralugu Kalaallit Nunaata illersorneqarnissaanut sakkutooqarfiit.
Imm. 3. Naalakkersuisut aalajangersinnaavaat sumiiffiit imm. 1-mi taaneqartut ilaat akileraaruteqarfissaatitaasumut ilaatinneqanngitsut aamma nioqqutissanut akileraaruteqanngitsunut peqqumaasivinnik pilersitsisinnaaneq.§ 2. Nioqqutissat kinguliini taaneqartut akileraaruteqarfiusumut eqqunneqarneranni, tak. § 1, imatut akileraaruserneqartassapput Kalaallit Nunaata Landskasseanut nakkartussamik:
Nr. 1.
Sukkut suugaluartulluunniit taakkununnga ilaatillugit sirup aamma glukose.....................kg-mut 1,31 kr.
Nr. 2.
Sukkulaatit aamma sukkulaatinit nioqqutit suugaluartulluunniit (cacao pinnagu), lakrids lakridsinillu nioqqutit suugaluartulluunniit, marcipart aamma marcipanimit nioqqutit suugaluartulluunniit, karamelit, bonbonit, sukkuaqqat assigisaalu sukkullit sukkoqanngitsullu.... .......................................kg-mut 20,00 kr.
Nr. 3. Immiaaqqat.:
a) 1 vægtprocent taannalu inorlugu aalakoornartortallit ................................á 35 cl 0 kr. 29 øre
b) 1 vægtprocent sinnerlugu annerpaamillu 1 3/4 vægtprocentimik aalakoornartortallit.....................á 35 cl. 0 kr. 58 øre
c) 1 3/4 vægtprocent sinnerlugu 4 vægtprocentilu inorlugu aalakoornartortallit.........á 35 cl 2 kr. 62 øre
d) 4 vægtprocent taannalu sinnerlugu aalakoornartortallit...............................á 35 cl 3 kr. 35 øre
Nr. 4.
Imigassat kimittuut aamma sprit, sprit akullugu imigassaajunnaarsitaq aamma sprit Kalaallit Nunaanni nakorsaqarfinni atugassatut eqqunneqartut pinnagit a) 60 rumprocent sinnernagu aalakoornartortallit....... ......literimut 139 kr. 45 øre
b) allat.......................literimut 215 kr. 65 øre
Nr. 5.
Vinit aalakoornartullit taakkununnga ilanngullugit druevin, rosinvin, cider aamma frugtvinit allat kiisalu mjød
a) 14 rumprocent inorlugu aalakoornartortallit.....................................literimut 11 kr. 10 øre
b) allat....................... literimut 28 kr. 75 øre
Nr. 6.
Sikaat, cerutsit sikaavaqqallu:
a) ataaseq 3 g taannalu inorlugu ataaseq 0 kr. 53,1 øre
b) ataaseq 3 g sinnerlugu........ataaseq 0 kr. 63,5 øre
Nr. 7.
Cigaretsit.......................ataaseq 0 kr. 85,7 øre
Nr. 8.
Tupat.
a) aggukkat, taaneqartartut cut plug, tupat aseqqorissut assigisaalu pujortagassallu allat minnerpaamik 1,5 mm-imik silissusillit.............................................................kiilumut 110 kr. 40 øre
b) allat.......................kiilumut 138 kr. 00 øre
Nr. 9.
Cigaretsit pappiarartassaat puui ilanngullugit.......................................ataaseq 0 kr. 10 øre
Nr. 10.
Kaffit, kafeeqqat kaffiliassallu..................................................kiilumut 3 kr. 86 øre
Nr. 11.
Tiit, tiiliassallu allat.......kiilumut 4 kr. 60 øre
Nr. 12.
Imeruersaatit, sodavandit, limonadet aantma kulsyrelikkat allallu aalakoornartortaqanngitsut, imeruersaatit immuk aamma cacao atorlugit suliat aamma paarnat naatitallu isseri kulsyreligaanngitsut pinnagit.................................literimut 2 kr. 00 øre
Nr. 13.
Knallertit, innarluutillit knallertii Kalaallit Nunaanni isumaginnittoqarfik aqqutigalugu piniarneqarsimasut pinnag it........................................................................ataaseq 2300 kr. 00 øre
Nr. 14.
Tipigissaatit, kusanarsaatit eqqiluisaarnermut atortut, makkuli pinnagit: qaqorsaatit, kigutigissarnermut atortut, quliutit, unernut tarngutit, taratsut uffarnermut atortut, nakkalatsiterutit aamma naalungiarsunnik paaqqinninnermi atortut ........tunisat allagartaasa nalingisa 25%-iat
Nr. 15.
Inuit biilii, snescooterit nunanit EF-ip EFTA-llu avataanniit nunanillu allaniit Kalaallit Nunaata ilanngaaserisunut akileraarfiunngitsumik niuernermik isumaqatigiissuteqarfiinit pissarsiat........................tunisat allagartaasa nalingisa 5%-iat
Nr. 16.
Savaaqqat savallu neqaat, taakkunanngalu nioqqutissiat. Nutaat, nillataartitat, qerititat, tarajortikkat, taratsuni aatsitaniittut, panertitat imaluunniit pujuukkat, 02.01.560-imiit 02.01.710 ilanngullugu aammalu 02.06.930-imiit 02.06.970 ilanngullugu akitigut inissisimasut.........................kiilumut 20 kr. 00 øre
Nr. 17.
Nersutit (nassullit) neqaat taakkunanngalu nioqqutisiat:
a) nutaat nillataartitalluunniit 02.01.040-miit 02.- 01.150 ilanngullugu akitigut inissisimasut......kiilumut 13 kr. 00 øre
b) qerisut 02.01.160-miit 02.01.279 ilanngullugu akitigut inissisimasut................kiilumut 7 kr. 00 øre
Nr. 18.
Puulukip neqaa taassumanngalu nioqqutissiat:
a) nutaat, nillataartitat qerititalluunniit 02.01.- 311-miit 02.01.540 ilanngullugu akitigut inissisimasut..........kiilumut 1 kr. 30 øre
b) tarajortikkat, taratsuni aatsitaniittut, panertitat imaluunniit pujuukkat 02.06.121-miit 02.01.820 ilanngullugu akitigut inissisimasut......................................................kiilumut 2 kr. 00 øre
Nr. 19.
Timmissat neqaat nutaat, nillataartitat imaluunniit qerititat 02.02.010-miit 02.02.900 ilanngullugu akitigut inissisimasut..........................kiilumut 1 kr. 00 øre
Nr. 20.
Nioqqutissat allat nr. 16-miit nr. 19-mut ilaasut piariikkat imaluunniit aqerlortikkat:
a) savaaqqat savallu neqaannit nioqqutissiat 16.02.610-mi aamma 16.02.690-mi inissisimasut.........kiilumut 20 kr. 00 øre
b) nersutit neqaannit nioqqutissiat 16.02.520-miit 16-.02.539 ilanngullugu akitigut inissisimasut..............kiilumut 3 kr. 50 øre
c) puulukit neqaannit nioqqutissiat 16.02.260-miit 16.- 02.495 ilanngullugu akitigut inissisimasut................kiilumut 1 kr. 00 øre
d) pølset suulluunniit (taakkununnga ilanngullugit tingummit aammillu pølseliat) 16.01.100-miit 16.01.989 ilanngullugu akitigut inissisimasut...............................kiilumut 2 kr. 50 øre
e) tingunnit nioqqutissiat 16.02.110-miit 16.02.135 i-lanngullugu akitigut inissisimasut............................kiilumut 1 kr. 75 øre
f) timmissanit nioqqutissiat 16.02.150-miit 16.02.240 ilanngullugu akitigut inissisimasut.......................kiilumut 1 kr. 00 øre§ 3. Akileraaruserneqartussanngitsut makkuupput:
a) Nioqqutissat nunat allat diplomateqarnikkut konsuleqarnikkullu sinniisoqarfiinut taakkulu sulisuinut, taakku nunani allani innuttaassuseqarsimappata, tunineqarlutillu taakkunannga atugarineqartut.
b) Nioqqutissat danskit sakkutuuisa imarsiortut umiarsuaannut, ukiumut qaammatit arfineq-pingasut inorlugit Kalaallit Nunaanniittunut tunineqarlutillu taakkunannga atugarineqartut.
c) Nioqqutissat nunat allat naalagaaffiisa umiarsuaaniitiinnarneqartut.
d) Nerisassat peqqumaatit pisariaqartullu allat umiarsuarnit timmisartunillu akileraaruteqarfiusussap avataaneersunit nassarneqartut, umiarsuarmi timmisartumiluurtniit akileraarfiusussamut akileraarfiusussamilluunniit angalanermi akileraarfiusussamiinnermilu atugassatut naatsorsuussat, nakkutilliisussaatitaasut isumaat malillugu umiarsuup timmisartulluunniit qanoq ittuunera, inuttaasut ilaasullu amerlassusiat aamma uninnganissap sivisussusia eqqarsaatigalugit pissusissamisoorsorinartinneqarpat. Taamaattoq akileraarusigassaanngitsunut ilaanngillat umiarsuarni nerisassat peqqumaatit akileraaruteqartitassat danskit aamma Savalimmiormiut aalisariutaannit Kalaallit Nunaata imartaani aalisartussanit imaluunniit umiarsuarnit Kalaallit Nunaanni nalunaarsorneqarsimasunit angallatinillu Danmarkimit imaluunniit nunanit allanit tikittunit Kalaallit Nunaannut nassarneqartut. Akileraarusigassaanngitsunut aamma ilaanngillat timmisartuni nerisassat peqqumaatit akileraarusigaasussat Nunaannut timmisartunit nunat tamalaat akornanni angallassisuunngitsunit nassarneqartut.
e) Nioqqutissanut misiligutit nassiussisoq nassiussinissaminut Kalaallit Niuerfiannit allaganngorlugu akuersissummik pissarsisimappat.
Imm. 2. Kalaallit Nunaannut tikinnermi nioqqutissanik akileraaruteqanngitsunik eqqussisinnaaneq pillugu Naalakkersuisut aalajangersagaliorsinnaapput.§ 4. Glukose aamma nioqqutissat § 2 nr. 2, 3 c aamma d kiisalu 4-miit 9-mut taagorneqartut, § 3 naapertorlugu taakku akileraarusernagit eqqunneqartussaanngkkunik, akileraaruteqarfiusussamut Kalaallit Niuerfianniinnaq eqqunneqarsinnaapput.
Imm. 2. Nioqqutissat § 2, nr. 3 c aamma d kiisalu 4-miit 9-mut taagorneqartut Kalaallit Niuerfianniinnaq aamma Amerikami naalagaaffeqatigiit sakkutuuinniinnaq kiisalu Naalakkersuisunit immikkut akuersissuteqarnikkut sakkutooqarfinnut eqqunneqarsinnaapput.§ 5. Nioqqutissat § 2-mi taaneqartut ilaannik inuutissarsiutitut Kalaallit Nunaanni piliortoqarnerani Naalakkersuisut nioqqutissat eqqussat akileraarutaattut ittunik akileraarutissiisinnaapput.
§ 6. Naalakkersuisut piginnaatitaapput akileraarutinik § 2 imaluunniit § 5 malillugit nioqqutissat Kalaallit Nunaanni inuutissarsiutigalugu nioqqutissanik akileraaruteqartussanik allanik piliornermut atorneqartut pillugit akilerneqarsimasunik taarsiinissamut.
§ 7. Nioqqutissat § 2-mi taaneqartut Kalaallit Nunaannut eqqunneqartarnerat aamma akileraarutit tiguniarneqartarnerat pillugu maleruagassat erseqqinnerusut Naalakkersuisut aalajangersinnaavaat.
§ 8. Naalakkersuisut pissutsit immikkut illuinnartut patsisigalugit akileraarusiussanik akiliinngitsitsisinnaapput.
§ 9. Akileraarutinit isertitat Landskassemut aamma ataatsimut isigalugu kommunekassenut tamanut agguarneqarsinnaapput Kalaallit Nunaanni Kommunet Kattuffiata Namminersornerullutillu Oqartussat agguaanissamik isumaqatigiinniareernerisigut aalajangiineq naapertorlugu. Naalakkersuisut 1. juni tikitsinnagu kommunalbestyrelset tamaasa nalunaarfigissavaat ukiumi naatsorsuiffimmi tullermi akileraarutitigut isertitassat qanoq annertutigissangatinneritik.
Imm. 2. Kommunekasset akileraarutitigut isertitanit pisassaat tamarmiusut agguarneqartassapput Danmarkimi Naatsorsueqqissaartarfiup inuttussutsimik naatsorsugai kingulliit naapertorlugit. Naalakkersuisut aalajangersinnaavaat nunap ilaani kommunemut atasuunngitsutut taasariaqartuni nunaqartut naatsorsuutigineqannginnissaat.§ 10. Angallassisoq imaluunniit taassuma sinniisua nioqqutissat akileraarutaannut akisussaavoq nioqqutissat pissusissamisoortumik nakkutilliisutut oqartussanut nalunaarsorneqarnissaasa tungaanut.
Imm. 2. Nioqqutissanik tigusisussaq nioqqutissanik imminut nalunaarsugaasunik immaqalu sulissussinermut akiliutissanut, akileraarutinut akisussaavoq.
Imm. 3. Ekspeditøri nioqqutissanut akileraarummut akisussaavoq nassiussassatut nalunaarsorsimasaminut nioqqutissanik tigusisussaq eqqortumik imaluunniit eqqortumik nalunaarsinnaanngikkuniuk imaluunniit nalunaarsimanngikkuniuk, imaluunniit nioqqutissanik tigusisussatut pisussaanngitsoq nalunaarsimagurtiuk, imaluunniit nioqqutissanik tigusisussaq akileraarfissaasup avataani najugaqarsimappat.
Imm. 4. Imm. 2 aamma 3 malillugit pisussaaneq atorunnaassaaq nioqqutissat tamanna pillugu maleruagassat atuuttut malillugit anniseqqinneqarsimappata.§ 11. Inatsimmi matumani aalajangersakkanik inatsisilluunniit naapertorlugit peqqussutigineqartunik unioqqutitsineq unioqqutitsiniarnerluunniit akiliisitaanermik kinguneqarsinnaavoq. Nioqqutissaq taassumaluunniit nalinga naalagaaffiup kasseanut nakkartussatut arsaarinnissutigineqarsinnaapput.
§ 12. Inatsit manna atortuulerpoq 1. januar 1986 tamannalu ilutigalugu nioqqutissanik eqqussuinermi akileraarutit il. il. pillugit Inatsisartut inatsisaat nr. 7. 23. oktober 1979-imeersoq atorunnaarsinneqarpoq.
Namminersornerullutik Oqartussat ulloq 29. oktober 1985
Jonathan Motzfeldt/
Josef Motzfeldt