Sutorniartarfiit imigassanik aalakoornartortalinnik nioqquteqarnerminni sassallernerminnilu akitsuutinik akiliisalernissaat pillugu Inatsisartut inatsisaat nr. 8 ulloq 25. oktober 1985-meersoq.

 

§ 1. Kalaallit Nunaanni sutorniartarfinnik ingerlataqartut imigassanik aalakoornartortalinnik nioqquteqarnissamut sassaallersinnaanermullu akuersissummik tunineqarsimasut akitsuusiivigineqassapput imigassanut aalakoornartortalinnut 1 3/4 oqimaassutsimik procentianik annerusumilluunniit silaarunnartortalinnut sutorniartarfinni sassaalliutigineqartunut atorneqartunulluunniit.
Imm. 2. Akitsuut angissuseqarpoq:
6,00 kr. immiaaqqamut 1 literimut.
30,00 kr. vinimut 1 literimut silaarunnartumik 14 vægtprocent angullugu akulimmut.
60,00 kr. imigassamut kimittuumut 1 literimut silaarunnartumik 50 vægtprocent sinnerlugu akulimmut.
120,00 kr. imigassamut kimittuumut 1 literimut silaarunnartumik 50 vaegtprocent sinnerlugu akulimmut.

§ 2. Imigassat aalakoornartortallit akitsuusigassat taamaallaat Kalaallit Niuerfianni (KNI) pisiarineqartassapput.
Imm. 2. KNI-p sutorniartarfiutillit imigassanik aalakoornartortalinnik pisiniaraangata akitsuutaat akilersittassavaa.
Imm. 3. Naalakkersuisut akitsuutit tiguniarneqartarnerinut akilersinneqartarnerinullu erseqqinnerusunik maleruagassiorsinnaapput.

§ 3. Kommunalbestyrelsip imigassanik aalakoornartortalinnik nioqquteqarsinnaanermut sassaallersinnaanermullu akuersissutinik tunineqarsimasut pillugit KNI ilisimatittassavaa, akuersissutillu atorunnaaraangata aammattaaq ilisimatittassallugu.

§ 4. Akitsuut utertinneqartassaaq imigassat aalakoornartortallit pisiarisimasat KNI-mut utertinneqartaraangata.

§ 5. Akitsuutit tiguniartarnerannut nakkutilliineq ingerlanneqassaaq pisortanit naalakkersuisunit tamatumunnga piginnaatitaasunit.
Imm. 2. Pisortat nakkutilliisitaasut piginnaatinneqarput sutorniartarfinnut akitsuusiiviusunut misissuisarnissaminnut takusinnaajumallugit nioqqutissat uninngasuutaat, tunisaqarnermut allattuiffii, naatsorsuutinut allanut tunngasut, allakkatigut atassuteqarnerit allallu.
Imm. 3. Sutorniartarfinnik piginnittut taakkunanilu sulisuusut pisussaapput pisortat nakkutilliisuutitaat misissuinerminni pisariaqartitaannik siunnersussallugit ikiussallugillu.
Imm. 4. Naalakkersuisut aalajangersassavaat maleruagassat nakkutilliinerup ingerlanneqarneranut atugassat.

§ 6. § 2, imm. 1-imik unioqqutitsinerit akiliisitsissutaasinnaapput.
Imm. 2. Ingerlatseqatigiiffik (aktieselskab), piginneqatigiiffik (andelsselskab) taakkununngaluunniit assingusoq unioqqutitsisimaguni akiliisussanngortinneqarsinnaavoq.

§ 7. Inatsit atuutinngilaq sakkutooqarfinni isumaqatigiissummi ulloq 27. april 1951-imeersumi Kalaallit Nunaata illersornissaanut tunngasumi pineqartuni.

§ 8. Inatsit akuerineqarlunilu ingerlatiinnarlugu atortussanngortinneqarpoq.
Imm. 2. Inatsit nr. 596 17.12.1976-meersoq sutorniartarfinni immiamut akitsuut pillugu atorunnaarsinneqarpoq.
Imm. 3. Inatsit atuutinngilaq imigassanut aalakoornartortalinnut sutorniartarfinnut § 1-imi taaneqarsimasunut inatsisip atortuulinnginnerani tunineqarsimasunut.

Namminersornerullutik Oqartussat, ulloq 25. oktober 1985

Jonathan Motzfeldt

/

Aqqaluk Lynge