Kalaallit Nunaata nunap immikkoortortaanut kommuneqarfinnullu aggorneqarneranik inatsisartut inatsisissaat nr. 5, 8. juni 1985-imeersoq.
Nunap immikkoortortai.
§ 1. Kalaallit Nunaat imatut aggorneqassaaq: Kitaa, Avannaarsua, Tunu. Taakku killingi ima aalajangerneqarput:
1) Kitaa. Kujammut kimmullu killigai Atlanterhav, Davidsstræde, Baffin Bugt. Avannamut killigaa titarneq allorniusat sanimukartut avannamut 78º-iata allorniusat aminukartut kimmut 44º-ata naapiffiannit allorniusat sanimukartut 75º-iata Kalaallit Nunaata kimmut sineriaanut attuunneranut, tassanngaaniillu titarneq narlusuumik nangiinnarlugu immap killilernerani titarnermut aallaaviusumut (basisliniemut). Kangimut killigaa allorniusat ammukartut 440-iata 78º-mik naapiffianniit kujammorluinnaq allorniusat sanimukartut avannamut 61º-iata kujammullu 60º40'-p allorniusat ammukartut 44º20'-ata naapiffiannut, tassanngaaniillu Kangerlussuatsiap qeqqa atuarlugu Atlanterhavimut.
2) Avannaarsua. Kimmut avannamullu killigai Baffin Bugt, Smith Sund, Kane Bassen, Kennedy Kanal, Hall Bassin, Robeson Kanal aamma Sikuiuitsoq Avannarleq. Kujammut killigai Kitaanut Tunumullu killeqarfigitinneqartut.
3) Tunu. Kangimut killigaa Atlanterhav. Avannamut Nordostrundingimiit titarneq Romersøen-ip avannaani kuuit tunussutigiillutik kuuttut aariaannut Kronprins Christian Land aqqusaarlugu sermersuup sinaanut, tassanngaaniillu narlusuumik. Tassanngaaniit narlusuumik ingerlaqqilluni allorniusat sanimunartut 78º-iat allorniusallu ammukartut kimmut 44º-ata naapiffiannut. Kimmut kujammullu killigaa Kitaata kangimut killinga.
Imm. 2. Killiqarfiit nalunaarsornerat nunap assingani ilanngussami takuneqarsinnaavoq.
Kommuneqarfiit.
§ 2. Kalaallit Nunaat kommuneqarfinnut ukununnga aqqorneqarpoq:
1 ) Nanortalik. Tassunga atavoq nuna Nunap Isuata avannaatungaaniittoq, avannamut-kimmut qeqertat Uummannartuut avannarliit kitaatigut, qeqertaq Qussassat aamma Qeqertarsuaq akunneqqullugit Qaarsup kangia aqqusaarlugu qeqertat Sannerut aamma Manertuut kujataatigut kangeqqullugit kangerluup Torsukattaap qinnguanut killeqarluni. Tassanngaaniit killeqarfigai qaqqatigut Quassugaarsuk aamma Ukkusikkut paarlaguttumik kuulerneq atuallallugu qaqqat Qorlortorsuup Tasiata Avannarlequtaa kiisalu Vig sø atuarlugit, taavalu nunakkut avannamut-kangimut sermersuarmut, tassanngaaniillu kangimorluinnaq Tunup Kitaatalu killeqarfiat. Aamma killigaa Tunup Kitaatalu killeqarfiat.
2) Qaqortoq. Kommuneqarfik marlunnik immikkoortoqarpoq:
a) Immikkoortoq kangilleq: Kujammut killigaa Nanortallup avannamut killeqarfia. Avannamut killingata atuarpaa immamiit avannamut-kangimut qeqertat Serfartusut Uiguleriilllu akunneqqullugit Narlunaq atuarlugu sangullunilu kangimut Akornga ikaarlugu Illorsuit qaqqaasa itissaavinut. Tassanngaaniit killeqarfigai Taartup qaqqaatigut paarlaguttumik kuulernikkut, Iviangiusaq kangilleq Killavaallu (Redekammen) qallunaatsiaqarfikumut Sissarluttumut, tassanngaaniillu kangerluk ikaarlugu narluinnartumik Russip kuuanut Saqqaata tasiata Skyggesø-llu akornanniittumut, avannamut-kangimut Jespersens Dal, Jespersens Bræ sermersuarlu atuarlugit, tassanngaaniit kangimorluinnaq Tunup Kitaatalu killeqarfiat. Aamma killigaa Tunup Kitaatalu killeqarfiat.
b) Immikkoortoq killeq: Tamatumani pineqarpoq Qassimiut eqqaat, tassa Narsap kommuneqarfiata avannamut-kimmut killinganiit kujammut Qalerallit Sermia aqqusaarlugu Qalerallit Imaanut Nuuk ikerasaqqullagu kujammut-kimmut Ikersuaq (Bredefjord) atuarlugu avammut imaanut. Avannamut killigaa Narsap kommuneqarfiata avannamut-kimmut isua, kimmut aamma kujammut-kimmut Qipisaqqup sermia avannarleq aqqusaarlugu kangerlummutr qeqertaq Sannerut kangeqqullugu kujaqqullugulu avammut iroaanut.
3) Narsaq. Kujammut kimmullu killingisa Qaqortup kommuneqarfiata killingi atuarpaat. Avannamut killingata sermersuup killinga atuarpaa, tassanngaaniillu kangimut Tunup Kitaatalu killeqarfiannut. Kangimut kommuneqarfik killeqarpoq Tunup Kitaatalu killeqarfiannut.
4) Ivittuut. Kommuneqarfimmut atasut killigaat Arsuup Kangerluagut Arsuk Bræ-mut, tassanngaaniit Nordre Qoornoq Bræ Qoornullu Kangerlua atuarlugit, Nuuk Kangaarsullu kujaqqullugit, qeqertat Quiartorfik Kiinalillu kitaallugit ikerasaarsuup Kujataanut Arsuullu Kangerluanut.
5) Paamiut. Kujammut Qaqortup Narsallu kommuneqarfiinut killeqarpoq. Avannamut killingata atuarpaa immamiit Tulugartalik Siorarlu (Frederikshåb Isblink) napillugit. Tassanngaaniillu kangimut Tunup Kitaatalu killeqarfiannut. Aammattaaq kommuneqarfik taanna Ivittuut kommuneqarfiannut killeqarpoq.
6) Nuuk. Kujammut Paamiut kommuneqarfiannut killeqarpoq. Avannamut killeqarfigaa immamiit Upernivik avannaqqullugu, kangimut avannamut - kangimullu Oqummiap Tasersuatigut Naqinnersuakkullu qaqqaq Quassuk atuarlugu Quassuttarsuarmut, tassanngaaniillu kangimut avannamut - kangimullu Tasersuakkut Saqqap Sermersuatigut kangimullu Tunup Kitaattalu killeqarfiannut.
7) Maniitsoq. Kujammut Nuup kommuneqarfianut killeqarpoq. Avannamut killigaa immamiit kangerluk Kangerluarsussuaq qiteraarlugu taassumalu qinnguaniit Naqerloq kangilleq atuarlugu Kangerlussuarmut taassumalu qinnguanut, tassanngaaniit kuukkut Sandflugtdalen atuarlugu sermersuarmut, tassanngaaniillu kangimut Tunup Kitaatalu killeqarfiannut. Taamaattoq tak. § 4.
8) Sisimiut. Kujammut Maniitsup kommuneqarfianut killeqarpoq. Avannamut killigaa immamiit Nassuttooq atuarlugu Kuup akuanut Kuullu atuarlugu Inuppaat Kuuannut, tassanngaaniillu kangimut Tunup Kitaatalu killeqarfiannut. Kangimut kommuneqarfiup killigaa Tunup Kitaatalu killeqarfiat. Taamaattoq tak. § 4.
9) Kangaatsiaq. Kujammut Sisimiut kommuneqarfiannut killeqarpoq. Avannamut killigaa immamiit qeqertat Innalinnguaq, Qaassuk Tulukkallu avannaqqullugit, qeqertat Saattorsuaq Aamallu akunneqqullugit Saqqarleq kujaqqullugu Itinneeqqap tungaanut, tassanngaaniit kujammut, qeqertaq Umiivik kujaqqullugu Naanngisanut, tassanngaaniit qeqertaq Naajat avannamut-kangeqqullugu tassuunalu Itinneeralinnguamut. Tassanngaaniit Killernganut Tasiusarsuakkut Tasiusarsuullu Qinnguatigut Ilulialimmi Qinngorsuata avataanut tassanngaaniit kangimorluinnaq Tunup Kitaatalu killeqarfiannut. Kangimut kommuneqarfik killeqarpoq Tunup Kitaatalu killeqarfiannut.
10) Aasiaat. Kujammut Kangaatsiap kommuneqarfianut killeqarpoq. Kommuneqarfimmut tassunga atapput qeqertat Diskobugt-ip kujammut sineriaaniittut Kitsissuarsuillu. Kangimut killeqarfeqarpoq Kannala kangeqqullugu Nivaap Sulluatigut qeqertarlu Ujarattarfik kangeqqullugu. Kommuneqarfimmut tassunga atapputtaao qeqertat Kitsissunnguit qeqertaq Agissat ilanngunnagu.
11) Qasigiannguit. Kimmut kujammullu Aasiaat Kangaatsiallu kommuneqarfiinut killeqarpoq. Kommuneqarfimmut tassunga atavortaaq qeqertaq Agissat Kitsissunnguianiittoq. Kommuneqarfik avannamut killeqarfeqarfeqarpoq Kitsissunnguit avannaanniit Tasiusaarsuit Kujalliit toraarpiarlugit. Tassanngaaniit kuuk atuarlugu Naajanguit kujaqqullugit Eqalugit Kangerluata qinnguanut, tassanngaaniit Qangattalik toraarpiarlugu kujammut-kangimut Saqqarleq qiteraarlugu Saqqarliup Sermia atuarlugu tassanngaaniillu kangimorluinnaq Tunup Kitaatalu killeqarfiannut. Kangimut kommuneqarfik illeqarpoq Tunup Kitaatalu killeqarfiannut.
12) Ilulissat. Kujammut Qasigiannguit kommuneqarfiannut killeqarpoq. avannamut killeqarfiata atuarpaa Tunup Kitaatalu killeqarfianniit kimmut Sermeq Avannarlermut, tassanngaaniit Isup Qaqqaatigut Akuliarutsillu Qaqqaatigut ermit tunussutigiillutik kuuttut avissaarutaat atuarlugu Isortumut. Tatsip taassuma avannamut sinaata qeqqaniit ermit tunussutigiillutik kuuttut avissaarutaat atuarlugu avannamut, Majoriaarsuatsiaap Qaqqaa aqqusaarlugu Uigorlermut, tassanngaaniit taseq taanna Tasinngortarlu qeqqatigoorlugit, Uigorliup Kuua tasimit tassanngaaneersoq atuarlugu Saqqap Tasersuanut, taavalu taseq taanna, Kuussuaq, Tasinngortarsua Aaffarsuarlu atuarlugit Niiortut avannarpiaanni inissisimaffiminut aalajangersimasut. Tassanngaaniit kujammorluinnaq Niiortukkoorluni Sullorsuarmut. Kimmut avannamut-kimmullu kommuneqarfik taanna Diskobugt-imut Sullorsuarmullu killeqarpoq, kangimullu killeqarluni Tunup Kitaatalu killeqarfiannut.
13) Qeqertarsuaq. Kommuneqarfimmut tassunga atapput Qeqertarsuaq aamma qeqertat Imerissut.
14) Uummannaq. Kujammut killigaa Ilulissat Qeqertarsuullu kommuneqarfiata avannamut killingat. Avannamut killeqarfeqarpoq Sigguup timaatigut (Svartenhuk halvø) kujataa-kitaanit Qinnivikkut Aputituut qaqqaatigut ermit tunussutigiillutik kuuttut avissaarutaat atuarlugu, taseraarsuartigut Siuteqqutigut qutsissuseq 1661 (72°01'2nN., 53036'5"V.) Naajat Inaata avannamut-kitaanut. Tassanngaaniit Ukkusissat Kangerluat narluinnartumik ikaarlugu Qoororsuaq atuarlugu sermersuarmut tassanngaaniillu kangimut Tunup Kitaatalu killeqarfiannut. Kangimut kommuneqarfik killeqarpoq Tunup Kitaatalu killiqarfiannut.
15) Upernavik. Kujammut kommuneqarfik killeqarpoq Uummannap kommuneqarfianut. Avannamut kangimullu killingisa nunap immikkoortortaasa killingi killigaat.
16) Avanersuaq. Kujammut killigaa Upernaviup kommuneqarfiata avannamut killeqarfia. Avannamut kimmullu kommuneqarfik killeqarpoq Baffin Bugt-imut, Kane Basin-imut Kennedy Kanal-imullu, taamaattoq tak. § 3, imm. 1. Koiranuneqarfik kangimut killeqarpoq allorniusat sanimukartut avannamut 78°-ata ammukartullu kimmut 44°-ata naapiffianniit narluinnartumik sermersuakkut Petermanns Gletcher-imut, taamaattoq tak. § 4.
17) Tasiilaq. Kujammut killigaa Nanortallup kommuneqarfiata avannamut killinga. Avannamut killigaa allorniusat ammukartut kimmut 44º-ata allorniusallu sanimukartut 69º-ata naapiffianniit Kangerlussuup qinnguanut tassanngaaniillu kangerluk taanna qiteraarlugu Danmarks Strædet-mut. Kommuneqarfiup kimmut killigaa Tunup Kitaatalu killeqarfiat.
18) Illoqqortoormiut. Kujammut killigaa Tasiilap kommuneqarfiata avannamut killinga. Kommuneqarfik avannamut killeqarpoq Kap Biot-imiit (Fleming Fjord-ip avannaatungaaniittoq nuuk allorniusat sanimukartut avannamut 72º-aniit 10 km. miss. kujasinnerusoq) kimmut qaqqap qaava atuarlugu, tassanngaaniillu Staunings Alper kangiatungaat atuarlugu tatsit Holger Danskes Briller avannamut sinaat tikillugit atuarlugillu, kimmut Stormpynt-imut Nordvestfjord-ip avannamut sineriaani, Nordvestfjord-ip avannamut sineriaa atuarlugu qeqertacr Mågetuen tikillugu, kangerluk ikaarlugu Renland napillugu Fypefjord-ip avannaani sermimut, tassanngaaniillu Nunatat kujaqqullugit Tunup Kitaatalu killingannut allorniusat sanikukartut avannamut 7lº-annut. Kimmut kommuneqarfiup killigaa Tunup Kitaatalu killingat.§ 3. Kommuneqarfiit avammut killeqarput immap killilernerani titarnermut aallaaviusunut (basislinienut). Taamaattoq kommunalbestyrelsip Namminersornerullutik Oqartussat akuersinerisigut killilernerani titarnerit aallaaviusut (basislinier) avataannut atuuttunik najugaqarfinni ileqqoreqqusaliorsinnaapput.
§ 4. Kommuneqarfinnut aggornilersuinermut atatinneqanngillat nunap ilai Kalaallit Nunaata illersorneqarnissaa pillugu isumaqatigiissut 27. april 1951-imeersoq naapertorlugu danskit Amerikkarmiullu isumaqatigiinnerisigut sakkutooqarfinngortitaasimasut.
§ 5. Ataatsiakkaatigut naalakkersuisut erseqqinnerusumik maleruagassaliorsinnaapput.
Atulersinneqarnera.
§ 6. Inatsisartut inatsisaat manna erniinnaartumik atulerpoq.
Imm. 2. Tamatumunnga peqatigitillugu Kalaallit Nunaanni landsrådi kommunalbestyrelsillu il.il. pillugit inatsit 22. december 1966-immersoq, aamma aalajangersagaq taanna naapertorlugu nalunaarutit atorunnaarsinneqarput.
Namminersornerullutik Oqartussat, ulloq 8. juni 1985
Moses Olsen/
John E.Jensen
Ilanngussaq (jpeg-format)
