Landstingip inatsisaa nr. 3, 7. juni 1985 Kalaallit Nunaanni kulbrintisiornermut atatillugu aningaasarsiat akileraaruserneqartarnissaannut.

 

Kapitali 1
Aalajangersakkat nalinginnaasut

§ 1. Inatsimmi uani aningaasarsiat suulluunniit   akileraaruserneqartarnissaat pineqarput misissueqqaarnermut, misissuinermut kulbrintisiornermullu tamatumunngalu suliffeqarnermut atatillugu, tamatumani ilaallutik roojorilersuineq, pilersuineq kiisalu umiarsuarnik assartuineq kulbrintinik piiakkanik roojorikkut assartuineq, isertitat taamatut suliaqarnikkut pissarsiarineqarsimappata imaluunniit suliaq Kalaallit Nunaanni ingerlanneqarsimappat, tamatumanissaaq ilaalluni Kalaallit Nunaata imartaa nunavimmullu tunngavia.

§ 2. Inatsit una kisiat naapertorlugu akileraartussaasut tassaapput inuit, selskabit, suliffeqarfiit imminnut pigisut aammalu peqatigiiffiit il.il., § 1-imi taaneqartutut ittunik isertitaqartut, aammalu aningaasarsianit akileraarutit pillugit landstingip inatsisaani § 1 naapertorlugu tamakkiisumik akileraartussaatitaanngitsut. Aningaasarsianit akileraarutit pillugit landstingip inatsisaani §§-t 3, 5 aammalu 9-11-mi maleruagassat taamatuttaaq atorneqassapput.

§ 3. Inuit aningaasarsianît akileraarutit pillugit landstingip inatsisaani § 1 naapertorlugu tamakkiisumik akileraartussaasut akileraaruserneqartalersulluunniit inuutissarsiornermullu tunngassuteqanngitsumik aningaa sarsiallit aammalu inatsimmi uani § 1-imi pineqartunut ilaasut akileraarutaasa naatsorsorneqartut unerartinneqarnerat pissaaq inatsimmi uani § 6 naapertorlugu.

 

Kapitali 2
Aningaasarsiat akileraaruteqaataasussat

§ 4. Aningaasarsiat akileraaruteqaataasussat naatsorsorneqartassapput akileraartarnermi inatsimmi maleruagassat nalinginnaasut naapertorlugit, allannguutit   inatsisip uuma kingunerisai peqatigalugit.

 

Kapitalí 3
Akileraatít naatsorsorneqarnerat

§ 5. Inuit, inatsimmi uani § 2 naapertorlugu akileraartussaasut, isertitaqartullu inuutisarsiutitigut ingerlatsinermi isertitatut isigineqarsinnaanngitsunik, landskassemut akileraartassapput aningaasarsianit procentimik landstingip aalajangigaanik, taamaattorli takuuk § 6 imm. 2 aamma 3. Akileraarutit naatsorsorneqarnerini ilanngaateqartoqartassanngilaq.
Imm. 2. Inuit, selskabit il.il. inuutissarsiutitigut ingerlatsinermi isertitaqartut inatsimmilu uani § 2 naapertorlugu akileraartussaasut landskassemut akileraartassapput aningaasarsianit procentimik landstingip aalajangigaanik, takuuk § 4.
Imm. 3. Procenti imm. 1 aamma imm. 2-mi taaneqartoq aalajangersarneqassaaq aningaasarsîanit akileraarutit pillugit landstingip inatsisaani § 27, imm. 2-mi piffissaritinneqartutut taaneqatoq nallertinnagu.

 

Kapitali 4
Akileraarutinik unerartitsisussaanermut akileraartitsinissamullu sulisitsisunut nunat-allamiunut kalaallinullu maleruagassat.

§ 6. § 1-imi taaneqartutut aningaasarsianit inuutissarsiutitigullu ingerlatsinermit aningaasarsianut attuumassuteqanngitsunit akileraarutit akilersinneqartassapput akissarsisitsisup akissarsisitsinermut atatillugu akissarsîaritinneqartunit akileraarutit naatsorsorneqarsimasut unerartinnerisigut. Unerartitsineq pissaaq unerartitsisussaasup akileraarutit tigummiinnarnerisigut.
Imm. 2. Akissarsisitsisoq Kalaallit Nunaannut eqqartuussivitsigut attaveqanngippat aningaasarsianit ilanngaatitaqanngitsumik akileraarusiisoqassaaq, § 5 imm. 1-imi aningaasarsianit procenti aalajangiunneqarsimasoq naapertorlugu. Inunnut aningaasarsianit akileraarutit pillugit landstingip inatsisaani § 1 naapertorlugu tamakkiisumik akileraartussaasunut akileraartinneqalersunulluunniit ilanngaatitaqanngitsumik akileraarutit taaneqartut akileraarutaannaagallarput. Akileraarutiviit naatsorsorneqassapput aningaasarsianit akileraarutit pillugit landstingip inatsisaani kapitali 4-mi maleruagassat naapertorlugit.
Imm. 3. Akissarsisitsisoq Kalaallit Nunaannut eqqartuussivitsigut attaveqarpat inatsimmi uani § 2 malillugu akileraartussaasutut taaneqartut akileraaruserneqassapput § 5, imm. 1-imi aningaasarsianit procenti aalajangersarneqarsimasoq naapertorlugu. Inunnut, aningaasarsianit akileraarutit pillugit landstingip inatsisaanit tamakkiisumik akileraartussaatinneqartunut, akileraarutit akileraarutaannaagallarput. Akileraarutiviit naatsorsorneqassapput aningaasarsianit akileraarutit pillugit landstingip inatsisaani kapitali 4-mi maleruagassat naapertorlugit. Akileraarutinik unerartitsisussaasup skattekorti akileraartarnermut oqartussaasunit akileraartartumut atortussaatinneqartoq atussavaa. Akileraartartup skattekorti tunniussimanngippagu 30%-imik akileraarusiisoqassaaq § 5, imm. 1-imi aalajangersakkat apeqqutaatinnagit.
Imm. 4. Akissarsisitsisoq imm. 3-mi taaneqartutut eqqartuussivitsigut attaveqarpat, inunnut tamakkiisumik akileraartussaasunut aningaasarsianit akileraarutit pillugit landstingip inatsisaani § 1-imi taaneqarsimasunut akileraarutinik unerartitsineq pissaaq aningaasarsianit akileraarutit pillugit landstingip inatsisaani § 40 § 41-milu aalajangersakkat naapertorlugit.
Imm. 5. Aningaasat, akileraarutinik unerartitsisussaasup imm. 2 aamma 3 naapertorlugit unerartitai Akileraartarnermi Pisortaqarfimmut tunniunneqassapput.
Imm. 6. Tunniussinissamut piffissaq il.il. pillugit aningaasarsianit akileraarutit pillugit landstingip inatsisaani maleruagassat, § 42-miit § 43-mut, atorneqassapputtaaq. Naalakkersuisut Akileraartarnermi Pisortaqarfik piginnaatissinnaavaat akileraarutinik unerartitsisussaasunut imm. 2 aamma 3 taaneqartunut sukumiinerusumik maleruagassiornissamut.
Imm. 7. Aningaasarsianit akileraarutit pillugit landstingip inatsisaani aningaasarsiat A-t pillugit maleruagassat, kapitali 5, inatsimmi uani aalajangersakkanut kattunneqarsinnaatillugit inatsit una malillugu unerartitsisussaanermut taamatuttaaq atorneqassapput.
Imm. 8. Inunnut, § 5 imm. 1-imi taaneqarsimasunut akileraarutinik akileraasitsineq pissaaq aningaaaarsianit akileraarutit pillugit landstingip inatsisaani kapitali 5-imi maleruagassat naapertorlugit, maleruagassat taakku inatsimmi uani aalajangersakkanut kattunneqarsinnaatillugit, aningaasarsianillu akileraarutit pillugit landstingip inatsisaani kapitali 5 naapertorlugu pisinnaatitaanerit kommunemut akileraarfimmut tunniunneqarsimasut Akileraartarnermi Pisortaqarfimmit isumagineqassallutik.

 

Kapitali 5
Nammineerluni nalunaarsuineq il.il.

§ 7. Inunnut, selskabinut il.il. § 5, imm. 2-mi taaneqarsimasunut akileraartussaaneq taamaatippat , tamatuma kingorna kingusinnerpaamik qaammatit marluk qaangiuttinnagit nammineerluni nalunaarsuineq Akileraartarnermi Pisortaqarfimmut nassiunneqassaaq. Aningaasarsianit akileraarutit akilerneqassapput kingusinnerpaamik akileraarutit akileqquneqarneranniit qaammatit marluk qaanqiutsinnagit, piffissaq akiliiffissaq kingulleq tassaalluni qaammatip akiliiffissap 20-at. Akileraarutit Akileraartarnermi Pisortaqarfimmiit akileqquneqassapput.
Imm. 2. Ukiumut aningaasarsiorfiusumut siulianut  akíleraarutit kingusinnerpaamik akilerneqassapput imm.1-imi akileraarutit taaneqartut peqatigalugit.
Imm. 3. Inuit § 5, imm. 1 naapertorlugu akileraartartut nammineerluni nalunaarummik tunniussaqassanngillat.
Imm. 4. Akileraartarnermi Pisortaqarfik akileraartartunut § 2-mi taaneqarsimasunut aningaasarsianik angissusiliisassaaq.
Imm. 5. Akileraartartunut § 2-mi taaneqarsimasunut maleruagassat nammineerluni nalunaarsuinermut, akileraarusiinermut, inaarummik naatsorsuinermut kiisalu naammagittaalliornissamut tunngassuteqartut aningaasarsianit akileraarutit pillugit landstingip inatsisaani §§-it 51-imiit 68-imut aalajangersarneqartut atorneqassapput, inatsisip uuma kingunerisaanik allannguutit ilanngullugit.
Imm. 6. Naatsorsuutit aningaasarsianit akileraarutit pillugit landstingip inatsisaani § 52 naapertorlugu nammineerluni nalunaarsuinermut bilagitut nassiunneqartussat immikkut imaqarnissaannik naalakkersuisut sukumiinerusumik maleruagassiorsinnaapput.

 

Kapitali 6
Paasissutissiisussaaneq

§ 8. Akileraartartut, § 1-imi taaneqartutut suliffeqarfimmik ingerlatsisut piumaffigineqaqqaaratik isumaqatigiissutinut, suliassanut il.il. paasissutissiissapput, pineqartoq suliassiisutut inunnik selskabinilluunniit il.il. isumaqatigissuteqarsimappat suliamik tigusisoq (isumaqatigiiffigineqartoq) § 2 naapertorlugu akileraartussaapppat.
Imm. 2. Imm. 1 naapertorlugu paasissutissiisussaanermi pineqarput suliassap suussusaa, kia ingerlatissaneraa peqarpallu suliffeqarfiup normua, suliap ingerlanneqarnissaanut piffissaaq sumiiffissarlu kiisalu isumaqatigiissutip aningaasartaasa   annertussusaannik paasissutissat.
Imm. 3. Imm. 1-imi taaneqartutut suliassiisoq suliamilluunniit tigusisoq kinaluunniit piumaffigineqaqqaarani sulisuminik § 1-imi taaneqartunik suliarinnittunik paasissutissiissaaq. Suliamik tigusisoq paasissutissiinngippat suliassiisoq paasissutissiinissamut akisussaavoq.
Imm. 4. Imm. 3 naapertorlugu paasissutissiisussaanermi pineqarput sulisup aqqa, pigineqarpat inuup normua, najugaa sulisitsisualu kiisalu suliap ingerlanneqarfia suliallu pineqartup sivisussusia.
Imm. 5. Paasissutissat Akileraartarnermi Pisortaqarfimmut nassiunneqassapput kingusinnerpaamik suliassiissutigineqartup sulialluunniit aallartinneraniit ullut 14-it ingerlareernerisigut.
Imm. 6. Paasissutissat piffissaq eqqorlugu nassiunneqarsimanngippata Akileraartarnermi Pisortaqarfiup pisariaqarpat paasissutissat pissarsiariniarsinnaavai ullormoortumik akiliisitsinikkut. Akiliutissat annertussusaat skatterådimit aalajangerneqassapput.
Imm. 7. Timmisartortitseqatigiit, umiarsuaatillit il.il. Kalaallit Nunaanni najugaqavissut pisussaapput ilaasumi nunap immikkoortuanut immikkoortuaniillu, § 1-imi taaneqartutut sulíffeqarfîmmik ingerlatsiviusumit, assartorneqarsimasut aqqinik paasissutissiissallutik.

§ 9. Aningaasarsianit akileraarutit pillugit landstingip inatsisaani kapitali 9-mi maleruagassat taamatuttaaq atortuussapput.

 

Kapitali 7
Akisussaassuseqarneq il.il.

§ 10. Akileraarutinik unerartitsinissaminut pisussaaffimminik sumiginnaasoq imaluunniit mikivallaamik akileraarusiisoq, aningaasat amigaatigineqartut akilerneqarnissaannut Akileraartarnermi Pisortaqarfimmut akisussaavoq.
Imm. 2. Inatsit una naapertorlugu akileraarutinik unerartitsisoq Akileraartarnermi Pisortaqarfimmit akisussaavoq aningaasat unerartinneqartut akilernissaannut.
Imm. 3. Akileraarutînik unerartitsisussaasumut piumasarineqartut pissutsit taassumunnga tunngassuteqartut pissutigalugit eqqortumik naatsorsorneqarsinnaanngippata akileraartarnermi oqartussaasut piumasarisamik missiliuussinikkut angissusiliigallarsinnaapput.

§ 11. Akileraarutinik unerartitsisussaasoq, § 10-mi taaneqartutut, akileraarutinik unerartitsisimanngippat imaluunniit akileraarutit unerartinneqartut piffissaq eqqorlugu akiliutigineqarsimanngippata, akuersissummik peqartoq akileraarutinut unerartinneqarsimanngitsunut akisussaavoq imaluunnit § 6-imi, imm. 2 aamma 3-mi akileraarutit taaneqartut akilerneqarnissaannut akisussaavoq , unerartitsisussaasoq akuersissummik peqartumit suliassinneqartutut suliassaqartitsisuuppat (entreprenør) taassumaluunniit immikkut suliassissimappagu (underentreprenør).

§ 12. Akuersissummik pigisaqartoq akileraarutinik § 5, imm. 2-mi taaneqarsimasunut akilerneqarsimanngitsunut akisussaavoq, taakku suliaqartitsisumut (entreprenør) taassumaluunniit immikkut suliaqartitaanut (underentreprenør) akuersissummik  pigisaqartumit suliassinneqarsimasumut tunngassuteqarpata.

§ 13. Inatsimmi uani akuersissummik pigisaqartutut pineqartoq tassaavoq akuersissummik pigisaqartoq, Kalaallit Nunaanni aatsitassat pillugit inatsimmi nr. 585, 29. november 1978-imeersumi kapitalit 2-miit 4-mut naapertorlugit akuersissummik tunineqarsimasoq, aammalu misissueqqaarnermik, ujarlernermik kulbrintinillu piiaanermik tamatumunngalu atatillugu suliffeqarnermik ingerlataqartoq, takuuk inatsimmi uani § 1.

§ 14. Aningaasarsianit akileraarutit pillugit landstingip inatsisaani kapitali 7-mi maleruagassat taamatuttaag atornegassapput, inatsimmi uani maleruagassanut kattussinnaatillugit.

 

Kapitali 8
Pineqaatissiissutit il.il.

§ 15. Aningaasarsianit akileraarutit pillugit landstingip inatsisaani §§-ini ini-imiit 113-imut male ruagassat inatsimmi uani atornegassapputtaaq.

 

Kapitali 9
Aalajangersakkat assigiinngitsut

§ 16. Akileraarutit § 5, imm. 1 aamma 2-mi taanegartut landskassip kommunellu akornanni agguarnegarnissaannut Namminersornerullutik Dgartussat sukumiinerusumik maleruagassiussapput.

§ 17. Inatsisip uuma ingerlanneqarnissaanut maleruagas sanik sukumiinerusunik Naalakkersuisut aalajanqersaassapput.

§ 18. Inatsit tamanut saqqummiunneqarnerminiit atortuulissaaq.

Ulloq 7. juni 1985.

Jonathan Motzfeldt

/

Moses Olsen