Usinik immakkut Kalaallit Nunaannut assartornermik Inatsisartut peqqussutaat nr. 8, 8 november 1985-imeersoq.
Inatsit Kalaallit Nunaannut atuuttoq nr. 469 8. november 1985-imeersoq nioqqutissanik pissaqartitsinermut, angallannermut allakkanillu isumaginninnermut il.il. tunngasoq naapertorlugu matumuuna tulliniittut aalajangersarneqarput:
§ 1. Usinik immakkut aatsaat Kalaallit Nunaannut assartortoqarsinnaavoq Naalakkersuisut akuersissuteqarsimappata.
Imm. 2. Assartuinernut ataasiakkaanut akuersissuteqartoqarsinnaavoq imaluunniit piffissamut aalajangersimasumut erserqqinnerusumillu piumasaqaatit Naakkersuisunit aalajangerneqartut tunngavigalugit malitassanngortinneqarsinnaallutik.
Imm. 3. Akuersissut atorunnaarsinneqarsinnaavoq akuersissuteqarnissamut piumasaqaatit malinneqanngippata.§ 2. § 1-mi aalajangersagaq immakkut assartornermut atunngilaq tamanna
1) danskini naalagaaffimmi pisortaasut naalagaaffiulluunniit suliffeqarfiutaasa umiarsuaataat attartugaalluunniit atorlugit ingerlanneqarpat.
2) danskit amerikkarmiullu sakkuttooqarfiisa Kalaallit Nunaata illersorneqarnissaa pillugu isumaqatigiissut 27. april 1951-imeersoq naapertorlugu pilersitaasimasut ingerlanneqarnissaannut pisariaqarpat.
3) atortussiassanik siumut misissuinermut, ujaasinermut iluaquteqarnermulluunniit atatillugu isumagineqarpat. Immakkut assartuinissamut akuersissut Aatsitassanik Atortussiassalerinermut Fællesrådimit atortussiassanik siumut misissuinermut, ujaasinermut iluaquteqarnermulluunniit atatillugu akuersissummik tunniussisoqarneranut imaluunniit piginnaatitsissuteqartoqarneranut atatillugu nalunaarutigineqassaaq.
4) KNI-mit umiarsuaatigineqartunit attartukkanilluunniit isumagineqartut.§ 3. Usinik immakkut Kalaallit Nunaannut assartornermut Kalaallit Nunaata tamakkerluni isumartnaatsumik angallavigineqartarnissaa anguniarlugu nunap ilaanik immikkut ajornakusuussuseqartunik umiarsuartigut angallaviginninnermut landskasse tapiissuteqarsinnaavoq.
§ 4. Inatsimmi § 1 imm. 1-mik unioqqutitsineq pillugu akiliisitaanermik pillaasoqarsirtnavoq. Aktieselskabit, andelsselskabit assigisaallu unioqqutitsinerinut selskabi akisusanrtgortitaasinnaavoq.
§ 5. Peqqussut atulerpoq 1. januar 1986, naatsorsuutigalugu folketingip Kalaallit Nunaannut nioqqutissanik pilersuineq, angallanneq, allakkanik ingerlatsineq il. il. pillugit inatsit akuersissutigissagaat.
Kalaallit Nunaani Namminersornerullutik Oqartussat, ulloq 8. november 1985.
Jonathan Motzfeldt/
Josef Motzfeldt