Nioqqutissanik pissaqartitsiniarnermi qanoq iliuutsit pillugit Inatsisartut peqqussutaat nr. 7, 8 november 1985-imeersoq.
Inatsit Kalaallit Nunaannut atuutoq nr. 469 6. november 1985-imeersoq, nioqqutissanik pissaqartitiniarnermut, angallannermut, allakkanik isumaginninnermut il.il. tunngasumi § 3 naapertorlugu tulliiniittut aalajangersarneqarput:
§ 1. Pissutsit immikkut ittut pissutaallutik Kalaallit Nunaanni nioqqutissat pisariaqartut amigaataalersimappata - amigaataalernissalluunniit ilimanarsippat - Naalakkersuisut Inatsisartunit ilalerneqarlutik pisariaqarsorineqartut annertutigisumik aalajangersassavaat aalajangersakkat Kalaallit Nunaata nioqqutissaataasa atugaanerannut agguaanneqarnerannut sumiiffissinneqarnerannullu tunngasut.
§ 2. Naalakkersuisut pilersissinnaavaat pisortaqarfiit § 1 malillugu qanoq iliuusissat piviusunngortinniarssaannut pisariaqartut. Aamma Naalakkersuisut ingerlatsinerup ilai Kalaallit Niuerfiannut kommunenullu isumagisassanngortissinnaavaat.
§ 3. Naalakkersuisut imaluunniit taakkua tamatumunnga piginnaatitaata, piumasarisinnaavaat paasissutissat peqqussutip aalajangersakkallu taanna naapertorlugu suliarineqartut naammassiniarnissaannut pisariaqartut.
§ 4. Malittarisassiani peqqussut naapertorlugu suliarineqartuni aalajangersarneqarsinnaapput maleruagassiat malittarisassiani maleruagassiarineqartunik unioqqutitsisut pinerluttuliornermut inatsisit malillugit qanoq iliuuseqarfigineqarnissamut eqqartuunneqarsinnaanerannut tunngasut. Unioqqutitsinerit mianersuaalliornermik tunngaveqartut tungaasigut taamaallaat maleruagassiat akiliisitaanerillu atorlugit eqqartuunneqarnissamut tunngasut aalajangersarneqarsinnaapput.
Imm. 2. Kinaluunniit paasissutissanik § 3 malillugu imminit piumasarineqartunik piffissaatillugu nalunaarutiginninngitsoq akiliisitaanermik eqqartuunneqarsinnaavoq.
Imm. 3. Unioqqutitsisoq taassaappat aktieselskabi, anpartsselskabi, piginneqatigiiffik aasigissaalluunniit, taava selskabi taamaalluni taamatut akiliisussanngortinneqarsinnaavoq.§ 5. Peqqussut atulerpoq 1. januar 1986, naatsorsuutigalugu folketingip Kalaallit Nunaannut nioqqutissanik pilersuineq, angallanneq, allakkanik ingerlatsineq il. il. inatsit akuersissutigissagaat.
Kalaallit Nunaanni Namminersornerullutik Oqartussat ulloq 8. november 1985.
Jonathan Motzfeldt/
Josef Motzfeldt