Kalaallit Niuerfiat pillugu Inatsisartut peqqussutaat nr. 6, 8. november 1985-imeersoq.

Inatsit Kalaallit Nunaannut atuuttoq nr. 469 6. november 1985-imeersoq, nioqqutissanik pilersuinermut, angallannermut, allakkanik isumaginninnermut il.il. § 9 naapertorlugu matumuuna makku aalajangersarneqarput:

 

§ 1. Kalaallit Niuerfiat Namminersornerullutik Oqartussat ingerlassaraat, suliassanik tulliiniittunik isumaginniffiusoq:
a) Atuisartut nioqqutissanik atortagaannik inuutissarsiornermilu atortunik pilersuineq.
b) Akuttunngitsumik umiarsuartigut Kalaallit Nunaannut, Kalaallit Nunaanniit Kalaallit Nunaannilu nassatanik ilaasunillu angallassineq.
c) Umiarsualiviit, timmisartunut mittarfiit heliportillu ingerlatsivigineqarnerat.
d) Illusisarfinnik ingerlassineq.
e) Nioqqutissat eqqunneqarneranni anninneqarnerannilu akitsuutinik nakkutilliineq akiliisitsiniartarnerlu.
f) Kalaallit Nunaanniit Kalaallit Nunaannilu allakkanik ingerlassineq kiisalu Kalaallit Nunaanni allakkat isumagineqarnerat.
Imm. 2. Naalakkersuisut Kalaallit Niuerfiat pisussaatissinnaavaat imm. 1-mi taaneqartunut attuumassuteqartunik suliassanik allanik isumaginninnissamut.

§ 2. Kalaallit niuerfiat direktørimit, Naalakkersuisunit toqqarneqartumit, siulersorneqarpoq.

§ 3. Siunnersuisuutitanik, Kalaallit Niuerfiat  pillugu apeqqutinut tunngaviusunut tuunngasumik Kalaallit Niuerfiata direktørianut oqaaseqaateqartartussatut suliassinneqartumik, aammalu ingerlassiviup inuiaqatigiinnut kalaallinut sanialliullugu suliassaannut tun-
ngasunik sammisaqartumik, pilersitsisoqassaaq.
Imm. 2. Siunnersuisuutitat imaalillugit inuttalersorneqassapput atuisartut pisisartullu, kattuffiit ingerlassivimmilu atorfillit sinniisoqartinneqarnissaat qulakkeerneqassalluni. Ilaasortat toqqarneqassapput Inatsisartut qinigaaffianni atuuttussanngorlugit.
Imm. 3. Naalakkersuisut siunnersuisuutitatinuttalersorneqarnerat aalajangersassavaat imm. 2-mut naapertuuttumik. Naalakkersuisuttaaq siunnersuisuutitat sulisarnissaannut najoqqutassat aalajangersassavaat.

§ 4. Niuertoqarfinni ataasiakkaani tamani pisiniarfimmut ataatsimiititaliat piffimmi pissutsinut tunngasunut Kalaallit Niuerfiannut siunnersuisuusussat Kalaallit Niuerfiata ulluinnarni nioqqutissanik tuniniaaviinut tunngasunik sammisaqartussat, pilersinneqassapput.
Imm. 2. Pisiniarfimmut ataatsimiititaliaq ima inuttalersorneqassaaq, atuisartut/pisisartut, nunagarfiit, kattuffiit sulisorisallu sinniisuutitaqarnissaat qulakkeerneqassalluni. Ilaasortat toqqarneqassapput kommunalbestyrelsep piffissamut qinigaaffigisaanut atuuttussanngorlugit.
Imm. 3. Naalakkersuisut pisiniarfimmut ataatsimiititaliap inuttalersorneqarnera aalajangersassavaat imm. 2-mut naapertuuttumik. Naalakkersuisuttaaq suleriaasissamut maleruagassanut najoqqutassat aalajangersassavaat pisiniarfinnullu ataatsimiititaliat suleriaasissaannut maleruagassat akuersissutigisassallugit.

§ 5. Siunnersuisuutitanut pisiniarfinnullu ataatsimiititalianut inuit, ingerlatsivinni Kalaallit Niuerfiannut unammillersuni atorfeqartut taakkunaniluunniit soqutigisaqartut, toqqarneqarsinnaanngillat.

§ 6. Siunnersuisuutitanut pisiniarfinnullu ataatsimiititalianut ilaasortat siniisussallu taamaattuunerminni Kalaallit Niuerfiata unamillertarneranut tunngasumik paasisatik imaluunniit sulisorisat pissutsit atugaat pillugit paasisatik, nipangiusimasussaavaat.

§ 7. Kalaallit Niuerfiannut ukiumoortumik aningaasaliissutissat aningaasaqarnermut inatsimmi aalajangersarneqarsimassapput.

§ 8. Peqqussut manna atortuulersinneqarpoq 1. januar 1986, naatsorsuutigalugu folketingip Kalaallit Nunaannut nioqqutissanik pilersuineq, angallanneq, allakkanik ingerlatsineq il. il. pillugit irtatsit akuersissutigissagaat.

Kalaallit Nunaanni Namminersornerullutik Oqartussat ulloq 8. november 1985.

Jonathan Motzfeldt

/

Josef Motzfeldt